تصنيع صب ووفر بأيدى مصرية وبماتريالس وخامات جيدة كالخارج Yes We Can

الموضوع مش صعب ومش سهل
وده فديو يشرح طريقه الصنع من الالف للياء
[How It's Made] Building a Speaker - YouTube
وده واحد بيصنع الصب بنفسه من الالف للياء وعلى فكرة سعره حوالى 1000 دولار والصب ده 18 انش
3500 ار ام اس
وكله صناعه يدويه واسم الشاب الى بيعمله ستيف ميد من امريكا
How to build a 15" Woofer - A Road Trip to DC Soundlab 2 - I built it YOU win it! - YouTube
WIN an SMD/AA 18" Subwoofer! Details Inside! 83lbs of BASS! - YouTube
http://img104.herosh.com/2012/02/14/972210952.jpg
http://img105.herosh.com/2012/02/14/705951532.jpg
انا عندى مكن خراطة و ورشه صغيرة
وبفكر اخوض التجربه فى صناعه واحد الاول
هل فى حد عايز يشاركنى الحوار ده
على فكرة الموضوع مش صعب طالما فى امكانيات
وربنا معانا احنا مش اقل منهم نهائيا
وكل الخامات متوفرة عندنا
مغناطيس ونحاس وحديد وجلد وبلاستيك كله كله متوفر بس المهم الدماغ الصح
ها ايه رايكم

الموضوع صعب مش بسيط اصعب ما فيه سنتر الووفر ينزل بالظبط فى سنتر المغناطيس وميلمسش سنتر المغناطيس مع اعنف حركات الصب وخلوصه صغير جدا ودى حاجه مش سهله وبيعملها مكن مخصوص
انت متاكد ان المغناطيس موجود وبحجم مناسب وقوه جزب قياسيه(الامكانيات فى امريكا مختلفه تماما كقطع وجوده)
كمان اللى بيشترى القطع الغاليه بيدور على الماركه ومتفرقش معاه الفلوس انا كنت عايز اعمل مشروع تبريد ميه للكمبيوتر وواحد صحبى قالى اتعمل وفشل برغم سعره المنافس وجوده تبريده العاليه لان المستخدم هاى اند واهم حاجه عنده التقفيل والجوده والشكل والماركه

ايوه انا عارف ان الموضوع صعب
بس مش مكلف خالص
الصعب فيه المخ والتركيز والصبر
فى نوعين من المغناطيس الاول الى موجود فى كل السماعات زى السونى وجى بى ال وكينوود الخ الخ نوع المغناطيس اسمه Ferrite وفى نوع تانى اسمه Neodymium وده بتعمل للسماعات الى اسعارها من 10 الاف وانتا طالع , بيمتاز بحجمه الصعير جدا ولكن ثقيل جدا وقوى جدا
بالنسبه للباسكيت انا هعملها صب من الامونيوم و هسيح الامونيوم واعمل البوكس
مش دى القضيه
اهم شئ عندى المغناطيس والكويل
انتا صح فعلا علشان تظبط الكويل مع سنتر المغناطيس وميلمسش سنتر المغناطيس مع اعنف حركات الصب صعب ومش سهل, بس اهو نجرب نطلع شويه بالكويل ننزل شويه بالكويل لحد ما نظبط حركة حره, وعلى فكرة الموضوع ده ليه علاقه بالوات الى داخله يعنى كل ما يزيد الواط وملف النحاس ميتحملش القوة الناتجه هيخلى الكويل يطلع وينزل بسرعه جدا ويخبط فى القاعدة من تحت او يسخن ويتحرك الملف, فاكيد هجرب على كذا كويل وممكن كويل واحد بس اجرب عليه واول ملاقى القوة الى داخلاه مظبوطه اقف على كده وبكده عرفت قوة الوات الماكس ليه
عموما انا بتكلم فى فكرة ومش شرط اعملها , وادينا بندردش
عموما انا لو عملتها هتبقى ليا ومش للبيع, ولكن اذا حد عجبه ولقيت الموضوع فله , ساعتها هاكل عيش.
انا عايز اشترى مغناطيس بس مش عارف اشتريه منين فى القاهرة
بالنسبه للباسكيت انا هعمله
وبالنسبه للحديد الى ماسك الباسكيت من تحت انا عندى مكنه خراطه وهخرطة بنفسى , واخد كوس خراطة ولحام وكهرباء من معهد السالزيان دون بوسكو الحمد لله
اما بالنسبه لوش الصب لسه بفكر نوع الخامه ايه اذا كان جلد ولا استانلس ولا بلاستيك ولا فيبر مقوى او زوجاج مخروط قوى

نصيحة مجربة منى فى موضوع التجربة :
ربنا هيوفقك لو تعبت بجد و ميأستش و فضلت ورا لحد لما نجح مهما الناس يأستك اتفرج على النجاح لو نجحت فكرتك صدقنى ربنا هيعوضك خلى عندك ارادة بس و اتعب و اسال مجرب كل ما تتعب و تحس انك خلاص بتيأس و تحاول برضة ربنا هيقف جمبك و لما تنجح هتنجح جامد و هتبقى سعيد جدا انك وصلت لحاجة وقتها انا فكرت كذا مرة ان فعلا اى واحد عند ارادة و احنا مخنا زيهم ان مكنش احلى كمان هنعمل حاجات احسن منهم و ارخص و نكتفى ذاتيا ولا الحوجة انتا فاهمنى على الاقل ننفع بعض بدل ما ننفع الغريب حاول و انا وراااااااك انزل التوفيقية ممكن تجيب سماعات صينى رخيصة تاخد منها الخامات و تجرب فى الاول كدة لحد لما تتوصل لليلة الصح
انا مجرب موضوع ان الواحد لو تعب فى حاجة بيوصلها

و انا معاك يا ابو ياسر

اقتباس:

---

المشاركة الأصلية كتبت بواسطة mody_mt2007

و انا معاك يا ابو ياسر

---

مودى عبيبى صباحو
ايه رايك فى الحوار ده مودى
بس نجيب منين مغناطيس فى مصر المشلكه عندى هى المغناطيس وبس و والكويل يتلف عادى, انا اعرف اجيب مقاس القطر بالميلى كورس الخراطة فادنى كتير
بالنسبه لقرص الحديد الى هيمسكه من تحت انا واخد كورس خراطة وعمل خرطه الحديد دى سهل جدا جدا وبالميلى يا مان
عايز بس مكان بيبيع مغناطيس
انا عايز حجم كبير زى الى موجود فى الصور الى فوق كده حتى ولو واحد منه بس مش عارف الاقيه فين
ومش عارف اسعاره ايه النظام
ليك فى الحوار ده

موضوع فاشل بكل المقاييس لان التكلفة حتكون عالية جدا وعتبيع بكام اذا كان الصينى ب 60 جنية وتعبان مابالك اما يكون مصرى حا يكون عامل الزاى وبكام وبالمقارنة للبيونير حيكون ولا حاجة حتا لو صنعت سماعات مين حيشترى مصرى الناس بتدور على البيونير اليبانى والفتنامى حانروح نشترى مصرى

اقتباس:

---

المشاركة الأصلية كتبت بواسطة m_yassin

موضوع فاشل بكل المقاييس لان التكلفة حتكون عالية جدا وعتبيع بكام اذا كان الصينى ب 60 جنية وتعبان مابالك اما يكون مصرى حا يكون عامل الزاى وبكام وبالمقارنة للبيونير حيكون ولا حاجة حتا لو صنعت سماعات مين حيشترى مصرى الناس بتدور على البيونير اليبانى والفتنامى حانروح نشترى مصرى

---

انتا صح ومكلف فعلا
بس انا الحديد عندى والباسكت هعملها لحام عادى والكويل مش مكلف نهائيها نحاس ومادة لاصقى وملف معدنى وبس وكل ده مش مكلف اطلاقا
الى هشتريه بس هو المغناطيس ومادة غراء موصل للحديد والكويل واى شئ معدن, والوش بتاع السماعه هعمله بلاستيك صب مخروطى
وانا بعمل ده مش للتجارة او البيع انا مجرد هوايه بس ولو لقيت المعناطيس مكلف مش هشتريه
عادى يعنى بيس يا مان
الموضوع مش صعب نهائيا بس اعرف بس اجيب مغناطيس منين

ربنا يوفقك

اقتباس:

---

المشاركة الأصلية كتبت بواسطة dentist4ever

ربنا يوفقك

---

شكرا جزيلا لحضرتك

ربنا يوفقك ولا تياءس مطلقا
ممكن استشير حضرتك عندى سماعه تمزق ورقها ماذاافعل ارجو الا تهمل سؤالى

اقتباس:

---

المشاركة الأصلية كتبت بواسطة pegpus

ربنا يوفقك ولا تياءس مطلقا
ممكن استشير حضرتك عندى سماعه تمزق ورقها ماذاافعل ارجو الا تهمل سؤالى

---

لازم اعرف موديل السماعه ولو مش عارف صورها بالموبيل وابعتها علشان اشفها
وتحت امرك لو اقدر اساعد

محدش يعرف اشترى مغناطيس منين من مصر ؟ او يعرف اى معلومات

محدش يعرف اشترى مغناطيس منين من مصر ؟ او يعرف اى معلومات
http://img102.herosh.com/2012/02/20/457089440.jpg

اجيب منين مغناطططططططططططططططيس

:11::Copy of rfds::Copy of majd(4)::pffft::crying2::_Alshmokh11::whistling::e xcl:

من عند بتاع المغناطيسات

طب ما تركز في البوكسات للصبات وتقفيلها بنضافه وبسمك خشب مزبوط وبأنواعها التلاته
sealed , ported , Bandpass
وموكيت تمام عليه شعارك وكدا ....

دي ممكن أضمنلك فيها شغل كويس

اولاٌ ربنا يوفقك

ثانياٌ نصيحه ابدأ أولاٌ بصب محروق فكه ولفه وقفله تانى لو وصلت واتقنت المرحله دى ابقى خش على تصنيعه بالكامل

الموضوع مش سهل ومش تعجيزى انا من سنة 95 كنت بلف السماعات والصبات المحروقه وكنت بطلع بنتائج هايله

ومره عملت سماعه صغيره كان الباسكت بتاعها علبة حلاوه ومغناطيس بتاع سماعه محروقه والملف من ورق عادى وبتلفه على ماسوره دايره بالقطر اللى انت محتاجه وبعدين تسقيه امير كويس بعد ما ينشف تلف عليه السلك النحاس بتاع الملف وتسبته عليه بجمالاكه بتثبت وتزود عزل

بس نجاح السماعه بيعتمد على نقاء نحاس الملف
كان فى وقتها فى سلك ملفات اسبانى معزول كان ممتاز

وبالنسبه للوات اللى انت عايز توصله فلازم يبقى فيه نسبه و تناسب طردى بين 4 متغيرات

1 قدرة السماعه rms

2 قوة وحجم المغناطيس

3 تخانة السلك

4 وقطر الملف

كل ما تزود فى واحد من المتغيرات دى لازم تزود الباقى بنفس النسب

حاجه تانيه مهمه اوى

وانت بتسقط الملف فى المغناطيس غير انك لازم تسنتره بالمللى

لازم تزبط ارتفاع الملف فى حالة الثبات

وبرده فى حالة اقصى ارتفاع ليه ميخرجش بره المغناطيس

وفى حالة ادنى ارتفاع ليه ميخبطش فى اسفل المغناطيس

واللى بيتحكم فى التزبيطه دى هو ال conex damper او القماش العنكبوتى اللى موجود اسفل الرق الخارجى وده اللى مسؤل عن توجيه الرق والتزامه بخطيه صحيحه اثناء التشغيل

وعلى العموم دى صوره تفصيليه لنوعين صب مختلفين لاحظ الفرق فى قطر الملف وحجم المغناطيس

http://i757.photobucket.com/albums/x...amghanayem.jpg

لو قابلتك اى مشكله فى التنفيذ او لو عندك اى استفسار اتصل بى

اقتباس:

---

المشاركة الأصلية كتبت بواسطة powerpassion

طب ما تركز في البوكسات للصبات وتقفيلها بنضافه وبسمك خشب مزبوط وبأنواعها التلاته
sealed , ported , bandpass
وموكيت تمام عليه شعارك وكدا ....

دي ممكن أضمنلك فيها شغل كويس

---

الصندوق مش قضيه بالنسبالى
وياما عملت صناديق وممتازة
مثلا دى فكرتى لعمل صندوق لاى سماعه ممها كانت, من غير مس استعمل كتالوج بس للاسف مفيش صور
مبدئيا كلام على النت مينفعش
بس هحاول اشرح فكرتى بتاعه الصندوق
والفكرة الى هعملها متكلفه دماغ بس مش خسارة انى ابوح بيها
مقاسات البرنامج الكمبيوتر بتاعه مساحة الصندوق على الكمبيوتر الخ الخ الخ مش مقياس
تقولى ليه اقولك علشان مثلا فى سماعه 12 بوصه وسماعه تانيه 12 بوصه الاتنين نفس الحجم بس مش نفس القوة يعنى تلاقى واحده 300 ار ام اس والتانيه تلاقيها 600 ار ام اس فى الحاله دى حجم الصندوق مختلف للسماعتان
سماعه 12 ببوصه 300 ار ام اس و سماعه تانيه 12 بوصه 300 ار ام اس الاتنين نفس القوة ونفس الحجم , بس نوع المادة المستخدمه فى وش السماعه محتلف او مثلا الجوان الخارجى بتاع السماعه الانحناء بتاعه مختلف وطبعا فى كلتا الحالتين دول هياثر على ترددات الصوت مع العلم ان القوة 300 ار ام اس يعنى قوتهم واحده ومقاس واحد بس النوع الخامه مختلف. ونفس القصه لحجم الكويل قطرة وطوله يعنى, كل ده بياثر فى الصوت والفراكوانسيس بتاعته, وحاجات تانيه كتير اوى اوى اوى
فموضوع قياسات البرامج مش اكيد اوى
طيب ايه هو افضل شئ علشان اعمل صندوق مناسب للسماعه؟
تمام اقولك افضل شئ انك تعمل مفاسات صناديق محتلفه لحد ما توصل لصوت بيز وتررد عشرة على عشرة , بس لحظه!!!!!!! معنى كلامى ده انى هحتاج فلوس كتير علشان اشترى اخشاب علشان اعمل صناديق كتير يعنى خراب ما بعده خراب.
بس هى فكرة حلوة علشان انا بستخدم ودنى فى السمع مباشرة وأذنى هى الضمان الوحيد لضبط الصوت من الاخر
فكرتى انا بقى اهى
الصندوق مكون من 6 جهات انا بقى اقفل الصندوق على 5 جهات بس ليه ؟ علشان الجهه 6 هستخدمها منفصله
مفهمتش حاجه
طيب اوضح شويه
انا هعمل فتحه للصندوق علشان السماعه واركب السماعه فى الصندوق واقفل الصندوق من 5 جهات بس وطبعا احط مادة السيليكون او الغراء الابيض بين فاصل كل وجه و وجه فى البوكس علشان اتاكد ان مفيش تسريب هواء , والجزء السادس من الصندوق اخليه منفصل وادق فى منتصفه خشبه امسك بيها وجه الصندوق السادس واعمل فتحه لخروج الهواء بتاع البيز لو سماعه 12 انش ثقبها بيكون 5 سم الى 8 سم وطبعا ممكن يختلف بس احنا بندى مقاس مبدئى , وبعد كده امسك وجه الصندوق 6 ادخله فى الصندوق ( داخل خارج داخل خارج ) لحد ما اوصل لتردد بيز قوى ومظبوط جدا جدا جدا جدا وطبعا ودنى بتسمع رنه البيز وخلاص تمام الصوت كويس, اروح جايب اقلم بسرعه وعامل علامه على الصدوق وبكده انا عاملت صندوق عشرة على عشرة , مهما اختلف شكل الصندوق مستطيل او مربع او بازوكا
والفكرة دى هتوفر معايا فى الخشب جدا علشان بدل مكنت هعمل صناديق كتير, لا هوا صندوق واحد بس ومظبوط عشرة على عشرة بالفكرة بتعتى.
اهم شئ حجم الهواء الداخلى للصندوق وليس الشكل.
وبكده ده كام شرحى لصندوق صب ووفر مظبوط عشرة على عشرة
طبعا طريقة الشرح كتابه ممكن تكون صاعبه انك تفهما, عادى يعنى فموضوع الصناديق ده انا عديته
انا مجرد هاوى بس

اقتباس:

---

المشاركة الأصلية كتبت بواسطة عصام غنايم

اولاٌ ربنا يوفقك

ثانياٌ نصيحه ابدأ أولاٌ بصب محروق فكه ولفه وقفله تانى لو وصلت واتقنت المرحله دى ابقى خش على تصنيعه بالكامل

الموضوع مش سهل ومش تعجيزى انا من سنة 95 كنت بلف السماعات والصبات المحروقه وكنت بطلع بنتائج هايله

ومره عملت سماعه صغيره كان الباسكت بتاعها علبة حلاوه ومغناطيس بتاع سماعه محروقه والملف من ورق عادى وبتلفه على ماسوره دايره بالقطر اللى انت محتاجه وبعدين تسقيه امير كويس بعد ما ينشف تلف عليه السلك النحاس بتاع الملف وتسبته عليه بجمالاكه بتثبت وتزود عزل

بس نجاح السماعه بيعتمد على نقاء نحاس الملف
كان فى وقتها فى سلك ملفات اسبانى معزول كان ممتاز

وبالنسبه للوات اللى انت عايز توصله فلازم يبقى فيه نسبه و تناسب طردى بين 4 متغيرات

1 قدرة السماعه rms

2 قوة وحجم المغناطيس

3 تخانة السلك

4 وقطر الملف

كل ما تزود فى واحد من المتغيرات دى لازم تزود الباقى بنفس النسب

حاجه تانيه مهمه اوى

وانت بتسقط الملف فى المغناطيس غير انك لازم تسنتره بالمللى

لازم تزبط ارتفاع الملف فى حالة الثبات

وبرده فى حالة اقصى ارتفاع ليه ميخرجش بره المغناطيس

وفى حالة ادنى ارتفاع ليه ميخبطش فى اسفل المغناطيس

واللى بيتحكم فى التزبيطه دى هو ال conex damper او القماش العنكبوتى اللى موجود اسفل الرق الخارجى وده اللى مسؤل عن توجيه الرق والتزامه بخطيه صحيحه اثناء التشغيل

وعلى العموم دى صوره تفصيليه لنوعين صب مختلفين لاحظ الفرق فى قطر الملف وحجم المغناطيس

http://i757.photobucket.com/albums/x...amghanayem.jpg

لو قابلتك اى مشكله فى التنفيذ او لو عندك اى استفسار اتصل بى

---

الاخ عصام ان شاء الله هتصل بيك واستفاد من خبرتك انا يزيدنى شرف ان اتعرف على حضرتك واستوعب من خبرتك يا عصام باشا
انا بس عايز اعرف فين فى مصر بينباع قطع المغناطيس, انا عندى سماعات كتيرة وبايظه وصلحتها بس حجمها صغير اوى
انا عايز ادخل على التقيل