الموضوع: تنويه اداري باعادة هيكلة للمنتدى وامور اخرى

الف مبروك للاستاذ نادر ومدام سما والقرصان الشرير وباقي الزملاء
خطوة سديدة وفي وقتها يا كريم
ياريت تكملها ..............
انا شايف ان آلية العقوبات وطريقة تنفيذها واسلوب اعلانها والتظلم منها محتاجة اعادة هيكلة هيا كمان
وياريت يتم اشراك الاعضاء في تنظيم هذه النقطة تحديدا لأنهم طرف فيها
يعني مثلا ممكن يبقى فيه فورمة محددة للرد من الاشراف في حالات المخالفة والعقاب لتجنب الوقوع في دوامة ان الاسلوب مش مناسب او بيسبب اهانة للعضو
ولو ممكن برضو يبقى فيه مكان للاعلان عن الايقافات واسبابها ..... مش الواحد يصحى الصبح يلاقي حد من اصحابه راح ورا الشمس ومش عارف السبب ايه :b4_564: ونقعد ندور علية ف المستشفيات والاقسام
اعتقد ان الاعلان عن سبب العقوبة ح يكون عنصر شفافية .... مش تشهير
اخيرا بقى عاوزين حاجتين ........
اولا نصيبنا من الديك الفظيييع ده .... ولا احنا يعني مالناش نفس
ثانيا عاوزين اي رحلة فيها اكل من الاستاذ المنسق الجديد بتاع الاجتماعي .... ولا هو منصب شرفي وخلاص ................. فين الفسفور يا عم القرصان ..... انا اسمع ان اسكندرية تحفة في الشتاء
لازم القرصان يرد بشدة على رحلة فارما الرهيبة ويثبت ان السكندرية قادرين على منافسة الشراقوة
احنا بنهدي النفوس يعني