الموضوع: إلحقوني الكلاب كرهتني في عيشتي

المشاركة الأصلية كتبت بواسطة syd

رسالة لكل الي بيحرموا القتل او التعذيب
زي استاذ محمد minicooper واعلم حبه للحيوانات الأليفة والأستاذ ايهاب windsofchanges

رأيك ايه في ترويع الأمنين ؟؟؟

يعني انا طلعت من يومين جري من البلكونة علي صوت صويت واحدة
قولت تلاقي حرامي نتش شنطتها ولا اعوذ بالله حد اتهجم عليها ولا حصلها بلوة ولا ولا ولا
ببص لقيت طلعلها القطيع الي بالك فيه (عندنا في الشارع 7 كلاب اعوذ بالله سود منهم واحد بس ذهبي)
طبعا شافتهم اتفزعت وجه واحد جارنا من الشارع الي ورانا عشان يعديها

وانا احيانا لما اجي خارج ولما بفتح باب البيت الاقي كلب اسود نايم علي العتبة بهشه وبقول الحمد لله ان انا الي اتكعبلت فيه لأن لو واحد من ولاد اخويا الي قابله اكيد كان هيتفزع

انا مشكلتي مالهاش علاقة خالص بالعربية والحمدلله انهم مش بيناموا كتير عليها وحتي لو ناموا الأنذار بيشتغل فبيمشوا ومش بيطبقوا الصاج
لكن مشكلتي فأنهم مفزعين وخصوصا لو اتجمعوا كلهم وجريوا ورا بعض او قعدوا يعووا او كدة

انا كمان ضد القتل
واقسم بالله اني مش بقتل حتي الصراصير او الخنافس طالما مش في بيتي من منطق انهم مش بيأذوا لكن طبعا داخل البيت بقتل اي حاجة بتمشي حتي لو نمله

فياريت الحل بعيد عن القتل والتار والعيار

والله المستعان
،
،

يا بشمهندس انا حاسس انك زعلان عشان بنقول حرام نقتل او نعذب و لا انا بيتهائلي :)

لكن عامة مش ديه الحقيقة ؟؟؟
الحيوان لا يقتل الا في حاله مسعور او في الحالات القصوي قاطع طريق و مفيش طريقة اخري غير قتله مع ان انك تلاقي كلب مش بيتحرك لما يشوف بني ادم نادرة شوية
اما التعذيب فاعتقد الحديث عن المرأة اللي دخلت الناس بسبب تعذيبها لقطة معروف لنا

و بمناسبة النمل النمل من احدي المخلوقات المحرم قتلها :) حاول تبعدها عن البيت بدون قتلها

في حديث ابن عباس أن رسول الله صلى الله عليه وسلم نهى عن قتل (النملة و النحلة الهدهد و الصرد) ، وحديث أبي هريرة رضي الله عنه نهى عن قتل : الصرد و الضفدع و النملة و الهدهد. والحديثان صحيحان