الواحد بصراحة ميجلوش قلب يقتل كلب او قطة حتى لو كانوا بياذوه
مهما كانت دى روح
الى هيحصل انى هفضل اجرب كذة طريقة لغاية ماتنفع حاجة منهم
عرض للطباعة
الواحد بصراحة ميجلوش قلب يقتل كلب او قطة حتى لو كانوا بياذوه
مهما كانت دى روح
الى هيحصل انى هفضل اجرب كذة طريقة لغاية ماتنفع حاجة منهم
هو بس حكايه الفلفل و لا النشادر و لا الجاز و لا الدبابيس دى هتتعب حضرتك شخصيا لانك و انت بتلم الغطاء غصب عنك ايدك ممكن تيجى فى الحاجات دى و انت خارج و مش هيبقى منظر و كمان هتلم الغطاء و تحطه فى العربيه فالعربيه هتبقى ريحتها صعبه.انا بافكر فى حل تانى بسيط و هو انك ممكن تحط الغطاء القديم اللى قطعوة قبل كده فى الارض و عليه شويه كارتون و ده بعيد شويه عن العربيه و ممكن تحطلهم شويه اكل مره و لا مرتين و هما بكده هيعتبروا الحل ده بيتهم و يتعودوا يقعدوا عليها و بكده يبقى حضرتك كسبت فيهم ثواب و رحمتهم من البرد و كمان حميت عربيتك و لو اى كلب جديد جه هيهوهوا عليه و مش هيعرف يطلع على العربيه تانى و ممكن تجرب و مش هتخسر حاجه
هههههههههه
المشكلة دي كانت عندى بالضبط
والحل بسيييط جدا
بلاش تغطى العربية لانهم بيحبوا يلعبوا على القماش اوى زى الرملة كده
بسم الله الرحمن الرحيم
والله يا جماعة انا بعاني من المشكلة دي إن الحتة عندنا بالليل بيبقى فيها يجي 15 كلب والمشكلة انهم بخوفو الناس وأي حد بيعدي الشارع بالليل ممكن يهجمو عليه.
أنا شخصيا لما بعدي بالليل بحس انهم عايزين يهجمو عليا لكن مبيهجموش عشان أنا مبحسسهومش اننا خايف منهم أو ببص عليهم.
ومرة لقيتهم بيهوهوو وكانو عايزين يهجمو عليا بس انا بحدفهم ابلطوب فبيجرو على طول هههههههه.
لكن الحمد لله مبيجوش تحت البيت وينامو فوق العربية.
بس أنا ضد فكرة القتل أو التسميم دي نهائيا.
إلا في حالة لو كان الكلب مسعور وبيعض ساعتها اه ممكن أقتلو..بس مابيجيلش قلب.
دنا مرة قتلت قطة عن طرق الخطأ بالعربية فضلت بعدها 3 متدايق وزعلان,
لأن دي روح ولا يجوزلك تقتلها لأي سبب كان.
وطبعا كلنا عارفين قصة المرأة اللي دخلت النار بسبب تعذيبها للقطة, وقصة الراجل اللي دخل الجنة بسبب إسقاءه للكلب.
لكن في طرق تانية كتير زي ماقالو الأخوة الأفاضل فوق.
وبالذات فكرة الأستاذ Land_Cruiser فوق عجبتني كتير :tumb:
بالتوفيق للجميع.
زعلاااااااان ؟؟؟
لا طبعا
انت فهمتني غلط علي فكرة
اولا انا اعلم تماما ان قتل اي حيوان اليف ولا مفترس ولا حتي بالتي هي ايه حرام
وَإِذَا الْوُحُوشُ حُشِرَتْ ﴿٥﴾
تعرف ربنا هيحشر الوحوش ليه ؟؟؟
عشان يقتص منها
وفي حديث عن الرسول عليه الصلاة والسلام فيما معناه "لو ان شاة قرناء نطحت شاة شلحاء لأقتص الله يوم القيامة من هذه لتلك" ثم بعد القصاص ربنا هيأمرهم يكونوا تراب
ودة الي هيخلي الكافر يوم القيامة يقولوا
إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا ﴿٤٠﴾
وكمان ربنا هيحاسب السباع والوحوش لو أكلت بني أدم او ماشابه
علي العموم بدون دخول في تفاصيل كتيرة قد تبعدنا عن الموضوع
فأنا أعلم تماما ان قتل الحيوان بدون سبب وجيه حرام شرعا
بدليل ايضا ان ربنا حرم الصيد وقتل الحيوانات في الحرم واثناء الحج او العمرة
ولكن انا بسأل وسؤالي مختلف عن سؤال صاحب الموضوع
بسأل ايه الحل الي اطرد بيه الكلاب من منطقتي لكونهم مسببين زعر ومسببينلي انا شخصيا وجع دماغ غير ان شكلهم مش حلو خالص وهما كلهم والعياذ بالله اسود تماما
ارجو الأفادة في ضوء ماذكرت
واكرر
انا معترف بأن قتل الحيوانات حرام مالم يكون هناك سبب وجيه
وايضا بالنسبة لموضوع النمل
انا بقتله لأنه بيسببلي بردو أذي في بيتي زي انه بيزحف علي السكر وكل المأكولات ومبهدلي مطبخ بيتي
فما الحل ايضا من وجهة نظرك
وانا سمعت قبل كدة ان لو هناك حشرات تسبب الأذي في المنزل (وهذا ماوضحتة في مشاركتي السابقة) فيجوز قتلها اما خارج المنزل طالما لا يوجد اذي فلا داعي من قتلها
اتمني اكون وصلت وجهة نظري لحضرتك ولجميع الأخوة
فانا لست عدو للحيوان ولا صديق حتي
والله المستعان
،
،
اخوانى الاعزاء قرأت جميع التعليقات وجذبنى كل من علق بكلمة حرام دون ان يأتى بدليل شرعى واحد حيث اكتفى الجميع بالعقل فى الحكم وافضل ما قيل كان قياسا فيما لا يصح القياس عليه
وحصر البعض فى الكلب الذى يجوز قتله هو الكلب العقور فقط دونما ادنى التفات لما صح ايضا فيما جاز قتله من الكلاب اضافة للعقور حيث ورد باسناد صحيح صححه الالبانى من صحيح ابى داود
أمر نبي الله صلى الله عليه وسلم بقتل الكلاب حتى إن كانت المرأة تقدم من البادية يعني بالكلب فنقتله ثم نهانا عن قتلها وقال عليكم بالأسود
جابر بن عبدالله المحدث: الألباني - المصدر: صحيح أبي داود - الصفحة أو الرقم: 2846
خلاصة حكم المحدث: صحيح
وذكر ابضا فى صحيح مسلم
إذا قام أحدكم يصلي ، فإنه يستره إذا كان بين يديه مثل آخرة الرحل . فإذا لم يكن بين يديه مثل آخرة الرحل ، فإنه يقطع صلاته الحمار والمرأة والكلب الأسود . قلت : يا أبا ذر ! ما بال الكلب الأسود من الكلب الأحمر من الكلب الأصفر ؟ قال : يا ابن أخي ! سألت رسول الله صلى الله عليه وسلم كما سألتني فقال : الكلب الأسود شيطان
الراوى: أبو ذر الغفاري المحدث: مسلم - المصدر: صحيح مسلم - الصفحة أو الرقم: 510
خلاصة حكم المحدث: صحيح
وعلى هذا قالكلب الاسود شيطان يقتل
ثم هناك قواعد فقهية اخرى تراعى المصلحة وحيث ان حفظ النفس وحفظ المال من مقاصد الشريعة الخمس وحيث وجدت المصلحة فثم الشرع لم نسمع يوما احدا من العلماء او الازهر ينكر على وزارة البيطرة فى قتل الكلاب الضالة -هل كل هؤلاء فقدوا قلبهم ومن قبله دينهم -يرجى مراعاة الدقة قبل ذكر كلمة حلال وحرام حتى لا نقع تحت طائلة قوله تعالى من سورة النحل ولا تقولوا لما تصف السنتكم الكذب هذا حلال وهذا حرام لتفتروا على الله الكذب ان الذين يفترون على الله الكذب لا يفلحون
صحيح ان وسيلة القتل يجب ان تكون مشروعة كان لا يكون القتل بالحرق بالنار او بالضرب بالحجاره حتى الموت وانما السم او الرمى بالرصاص لا شىء فيه ولم ينكره عالم
انا ايضا اعانى من الكلاب وامام بيتى 14 كلب اغلبهم اسود ولقد صورتهم وكأنهم غنم برعى حول راعيه ولقد ابلغت عنهم اكثر من مرة واخذت اكثر من وعد من الادارة البيطرية ولكن لا حياه وكل مره يقولون الاحد القادم اذا كان الاتصال الاربعاء او ما بعده و الاربعاء القادم ان كان الاتصال الاحد او ما بعده وما يمنعنى من قتلهم بنفسى عدم امتلاكى لوسيلة قتل يقرها الشرع ولقد عان منهم الكثير من الاطفال والنساء فى المنطقة وكل من يمر بسيارته ليلا يكاد ان يصطدم بالسيارات الاحرى المحيطه هلعا من محاولتهم القفز داخل السيارة فهل ما زلتم تقولون بحرمة قتلهم وانهم اغلى من الصاج لانهم ارواح-ارجوا ان اكون قد وضحت الامر والله اعلى واعلم
لا يا باشا متقلقش كده وجهة نظرك وصلت تمام
بخصوص الكلاب لو زي ما حضرتك بتقول و لونهم اسود تماما و خاصة ان الرسول صلي الله عليه و سلم حذرنا من الكلب الاسود البهيم حاول كل شوية تحدف عليهم طوب قريب منهم مجرد تهويش لغاية ما يجروا من المكان لمنطقة تانية و رش مية في المنطقة لأن الكلاب بتنفر من المية خاصة البلدي ( مش متعودة ع النضافة هههههههههههه ) و رش عليهم مية من ازازة هيجروا و هيفهموا ان غير مرغوب فيهم في المكان و هيمشوا و هيبقوا عارفين ان المية هتترش عليهم او يتحدفوا بطوب لو فضلوا قاطعين الطريق يبقي ممكن تبلغ عنهم او تشوفلي بندقية رش اجي اتسلي عليهم اخوك صياد بري قديم :)
بخصوص النمل حاول تسد كل الفتحات و الاخرام اللي موجودة في البيت بالجبس و سلك ع الشبابيك بحيث ميكونش فيه منفد لدخولهم و اعمل حملة رش مبيدات في البيت و خاصة في المطبخ و جوانب الحيطان و ان شاء الله مش هيظهروا تاني
واحد صاحبي قالي ان جدته قالتله ع طريقتين عشان النمل
يجيب ( بن ) و يرشه النمل بينفر من البن و مش بيستحمله مش عارف مدي صحة الموضوع لكن ممكن تجرب و خل تفاح و تخففه بشوية مية و ترشه برده الاتنين دول بيخلوا النمل يهرب من المكان
جرب و كافح و قولي الاخبار :)
و برده لو النمل هرب متنساش تسد الاخرام و الفتحات اللي بتتعمل عشان لو معشش فيها و سلك ع الشبابيك ضيق
بالتوفيق ان شاء الله
و ع فكرة انا مربي كلب في الشارع قولت يحرس الباركينج و كانت ليه فايدة كبييرة منها حراسة للعربية و الحمد الله لحقت العربية قبل ما تتسرق و اي كلاب بتيجي المنطقة بيجريهم من المكان او تعالب صغير او شخص غريب او مش مظبوط بيفضل يهوهو و يزوم لغاية ما يمشي :)
http://www.nilemotors.net/Nile/266735-a.html
الغريب يا بشمهندس سيد ان الكلب ده ليه مواقف كتيير بستغربلها انا مربيه من و هو لسه عنده شهر او شهرين تقريبا لقيته في الشارع بيلف حوالين نفسه
من ضمن المواقف ديه ان قطة كانت ميتة في نص الطريق تقريبا حد داس عليها راح الكلب ده جابها ببوقه و حطها في كومة رمل في الجنينة ع جنب و مشي
و اي شخص من البيت او الجيران و خاصة الجيران الكويسين معاه لما بينزلوا يشتروا حاجة او شخص رايح يصلي في المسجد بيفضل ماشي جنبه لغاية ما يوصله و يستناه و يرجع تاني معاه كأنه ماشي بيحرسه و الشخص لما يكون رايح يصلي الكلب مش بيقرب ناحيته نهائي بيفضل ماشي جنبي بس لغاية ما يوصله
و اهل الكلب ده قاعدين طول الوقت جنب المسجد اللي جنبنا
و غيره من المواقف سبحان الله
انا مقتنع جدا بكلام حضرتك
والدليل
http://www.nilemotors.net/Nile/27204...post3874115747
وانا من وجهة نظري الشخصية شايف ان ترويع الأمنين سبب وجيه لقتل او تطفيش الكلاب علي الأقل
انا كل مايؤرقني هو موضوع الكلاب ووجودهم في الشارع وعلي باب بيتي
ففي البيت يوجد اطفال قد تفزع من منظرهم ما اذا فتحوا الباب ووجدوهم مستلقون علي الباب يستمتعون بالشمس الدافئة
حاجة تانية : انا شخصيا احييانا بقعد امام بيتي علي نفس العتبة الي بيناموا عليها وبصراحة بقرف جدا اني اقعد مكانهم
كمان بقرف لو كانوا نايمين علي عربيتي
كمان احيانا بيقضوا حاجتهم تحت العربية (امام البيت) او علي جدار البيت
ولكل هذه الأسباب فوجودهم غير مرغوب فيه علي الأطلاق تحت بيتي
شكرا جزيلا لمشاركة حضرتك
نفعنا الله واياكم
والله المستعان
،
،