الموضوع: تقرير تركيب زينون فوجات بتوكيل أوتوايجيبت

تقرير تركيب زينون فوجات بتوكيل أوتوايجيبت





الحمدلله تم اخذ القرار لتركيب زينون للفوجات بعربيتي نيسان صني موديل 2009


بس عشان شكل العربية يبقي الاضاءة شكلها اجمل من قدام العربية جبت لمبات صغيرة و ركبتها في النور الصغير خالص اللي هو بينور مع نور الطابلوه و اللمبات عملت 22 جنيه و شكلهم زي ما انتوا شايفين في الصورتين دول








طبعا بعد ما اخويا الجميل احمد جابلنا خصومات الاكسسوارات من اوتوايجيبت اللي طبعا ً نفسه موجود مع كل واحد في قسم نيسان نايل موتورز و تعبه معايا و اتصلاته للأطمئنان عليا في التوكيل ووصلت لغاية فين .. ربنا يخليك يا احمد علي محبتك الغالية ديه

قررت تركيب زينون في فوجات العربية و ده كنت بخطط له من زمان بس كنت عايز اركبه في التوكيل و بصراحة في توكيلات تانيه تابعة لنيسان عندهم زينون للفوجات بس للاسف اسعار غالية و علي فكرة برده هو السعر في اوتوايجيبت مش رخيص بس بصراحة عرضهم افضل بكتير لو اشتريتهم من بره التوكيل خصوصا اني ركبتهم بـ 616 و معاهم ضمان سنة علي الموديول و كمان علي اللمبات انما لو ركبتهم بره التوكيل كان هيبقي في حدود 340 جنيه و كان الضمان هيبقي 3 شهور علي الموديول و مفيش ضمان علي اللمبات و طبعا يكفي ان لو حصل حاجه للضفيرة بعد تركيب الزينون في التوكيل طبعا التوكيل كان هيشيل التكلفة لكن فعلا الزينون شكله نوعه ممتاز و فعلا حاجه محترمة

طبعا روحت التوكيل و قام المهندس باختيار الزينون المفضل للفوجات و كان نوعه :

زينون 9006 السعر شامل الضريبة 580 مصنعية التركيب 82.5

معاكم بقي الصور عشان تتفرجوا علي الزينون بعد التركيب























و بكده يكون انتهي التقرير و اتمني يكون عجبكم


أخوكم

بيشوي PeaceMan

الف مبروك ياباشا على الزينون وشكلهم تحفه بس خد بالك اللمض بتاعت النور الصغير دى هتحتاج تغيرها كل 5 شهور ولا حاجه علشان لونهم بيضعف وبيخلى شكل العربيه وحش