طلب مقارنة لو سمحتوا

**softatman** · 15-02-2012 02:06 AM

السلام عليكم : كنت عاوز اعمل مقارنة بين الموديلات التالية
1- بيجو 505 موديل 1987
2- هوندا سيفيك موديل 1992
3- اوبل فيكترا موديل 1997
4- نيسان صنى 1992
من حيث الاعتمادية والثبات وسعة الصالون - واهم شىء مدى توافر قطع الغيار علما بانى اعيش فى الصعيد

**benmatar** · 15-02-2012 10:25 AM

السلام عليكم
بالنسبة لاستخدام حضرتك كما توقعته، اعتقد إن الأسد الفرنسي بيجو 505 أفضل الخيارات بشرط الحالة الجيدة والكشف المتأني والفحص الشامل، قطع غيار منتشرة ومعمرة، شاسيه متين وصاج ناشف، موتور محترم بكل المقاييس لو الصيانة عند متخصص بيجو هتفضل معاك زيرو، ثابتة في السفر والجري وتشيل أفراد وحمولات.
ثاني ترشيح أوبل فيكترا برضه بشرط الحالة بس لازم تعرف إن الأوبل لازم تصينه عند خبير أوبل ومعرفش فيه منه في الصعيد ولا لأ لأنه مش كتير هنا في القاهرة، إن قطع غيارها نارية حبتين بس عربية محترمة وقوية. بالنسبة للسيفك عربية ناعمة وكويسة بس واطية على الأرض وقطع غيارها مش منتشرة زي البيجو وعاوزة معاملة رقيقة، أما النيسان الصني92 فآخر الاختيارات لأن قطع غيار الموديل ده أقل بكتير من الموديلات الحديثة وغالبا ما هتكون خليجي. وبالتوفيق

**sanhory** · 15-02-2012 10:36 AM

رغم امتلاكي هوندا لكن ارشحلك اوبل فيكترا عشان برضه الصعيد اكيد طرقه فيها مطبات كتير و الاوبل عالية و ثابتة و تستحمل الشغل الشاق و في نفس الوقت واسعة و شكل حديث و ركوبة و قطع غيار موجودة , المهم تجيبها حالة كويسة

**softatman** · 15-02-2012 03:11 PM

شكرا عالرد والاهتمام

**elmahdy** · 15-02-2012 05:19 PM

طلاما قولت قطع غيار في الصعيد يبقى انت عارف على طول
بيجو طبعا... وعلى فكره فعلا ال505 من احلى العربيات اللي ممكن تركبها في حياتك لحد النهارده ... ديه عباره عن تهذيب شكل لل 504 ... بجد عربيه تستاهل تمنها
ولو مفهاش تكييف الموديل ده كان بينزل مكيف... وتكييفه حلو جدا لانه ياباني... دور عليه استيراد وركبه... هايمتعك... وطبعا اوعى تسمع اي كلام يقولك بياتر على الموتور... العربية ديه موتورها اقوى من كده بميت مره
قبل ما انسى ... اشهر مركز صيانة بيجو في مصر لو انت حابب بتاع احمد عماره في الفسطاط ( مصر القديمه )... بجد اشهدلهم... وعنده اي قطع غيار ... وبيوفرها بسعر معقول... هو طبعا اغلى من الميكانيكه العاديين... بس شغله فوق الوصف... وكمان مسئول عن اي شغل عمله
وربنا يوفقك

**Dr'AhmZZong** · 20-02-2012 10:46 PM

المشاركة الأصلية كتبت بواسطة benmatar

السلام عليكم
بالنسبة لاستخدام حضرتك كما توقعته، اعتقد إن الأسد الفرنسي بيجو 505 أفضل الخيارات بشرط الحالة الجيدة والكشف المتأني والفحص الشامل، قطع غيار منتشرة ومعمرة، شاسيه متين وصاج ناشف، موتور محترم بكل المقاييس لو الصيانة عند متخصص بيجو هتفضل معاك زيرو، ثابتة في السفر والجري وتشيل أفراد وحمولات.
ثاني ترشيح أوبل فيكترا برضه بشرط الحالة بس لازم تعرف إن الأوبل لازم تصينه عند خبير أوبل ومعرفش فيه منه في الصعيد ولا لأ لأنه مش كتير هنا في القاهرة، إن قطع غيارها نارية حبتين بس عربية محترمة وقوية. بالنسبة للسيفك عربية ناعمة وكويسة بس واطية على الأرض وقطع غيارها مش منتشرة زي البيجو وعاوزة معاملة رقيقة، أما النيسان الصني92 فآخر الاختيارات لأن قطع غيار الموديل ده أقل بكتير من الموديلات الحديثة وغالبا ما هتكون خليجي. وبالتوفيق

رد ولا اروع بصراحة ..

**moh19227** · 09-03-2012 05:48 PM

لو عاوز سفر وثبات يبقي خليك في الاوبل اما لو عاوز حاجه تستحمل هبد وطحن يبقي خليك في ال 505

**Sehsss** · 10-03-2012 03:56 PM

المشاركة الأصلية كتبت بواسطة benmatar

السلام عليكم
بالنسبة لاستخدام حضرتك كما توقعته، اعتقد إن الأسد الفرنسي بيجو 505 أفضل الخيارات بشرط الحالة الجيدة والكشف المتأني والفحص الشامل، قطع غيار منتشرة ومعمرة، شاسيه متين وصاج ناشف، موتور محترم بكل المقاييس لو الصيانة عند متخصص بيجو هتفضل معاك زيرو، ثابتة في السفر والجري وتشيل أفراد وحمولات.
ثاني ترشيح أوبل فيكترا برضه بشرط الحالة بس لازم تعرف إن الأوبل لازم تصينه عند خبير أوبل ومعرفش فيه منه في الصعيد ولا لأ لأنه مش كتير هنا في القاهرة، إن قطع غيارها نارية حبتين بس عربية محترمة وقوية. بالنسبة للسيفك عربية ناعمة وكويسة بس واطية على الأرض وقطع غيارها مش منتشرة زي البيجو وعاوزة معاملة رقيقة، أما النيسان الصني92 فآخر الاختيارات لأن قطع غيار الموديل ده أقل بكتير من الموديلات الحديثة وغالبا ما هتكون خليجي. وبالتوفيق