المشاركة الأصلية كتبت بواسطة benmatar
السلام عليكم
طبعا فيـــــــــــــــات 128 سهل الحصول منها على حالة جيدة بالسعر ده، بالإضافة لرخص قطع غيارها وسهولة استخدامها، وبعد فترة لما تحب تبيع برضه سهل بيعها، إنما لو عاوز حاجة تعيش معاك وتعمر أكتر ويهمك الشكل والقوة للسفر والاستخدام الشاق ممكن تشتري مازدا 323 الثمانينات عربية ياباني ناعمة وموتور قوي بس قطع غيارها قلت وأغلى من الفيات، أو تشتري رينو9 أواخر الثمانينات عربية فرنساوي عنيفة ومنها مكيف ومتينة وعالية عن الأرض وثابتة بس قطع غيارها أقل من 128 واغلى والمفروض تصلحها عند فني رينو متخصص وعملية إعادة البيع أصعب من 128، بس عربية كويسة لو حالتها جيدة، ممكن برضه تفكر في الريجاتا عربية محترمة بس متفتكرش إن قطع غيارها زي 128. المهم بصفة عامة انتقاء الحالة الجيدة، وكفة الفيات 128 ترجح لو اقتصاديات التشغيل تهمك، أما الفيات 131 و132 عربيات كويسة بس قدمت أوي ومش سهل تلاقي منها حالة كويسة واستهلاك البنزين أعلى من كل الموديلات السابقة. وبالتوفيق