الموضوع: افيدونى في البيع بالتمليك الجزئي ..عاجل....

انا اشتريت بنظام التمليك الجزئي حصة في قرية بالساحل الشمالي علي ان يكون لي اسبوعين في السنة
واتضح ليا الاتي بعد دفع المقدم 5500 جنيه
اولا :شركة التسويق قامو بعرض قري سياحية فاخرة وجاهزة للتسليم ومستوي 5 نجوم وبها خدمات عديدة وبعد التعاقد قمت بالذهاب للشركة المالكة للقرية فأتضح ان المنطقة الخدميه والترفيهيه لم يتم بناءها حتي الان وتشمل الكافتريات والسوبر ماركت والملاعب ولعب للاطفال وخلافه وان مستوي التشطيب والخدمة اقل بكثير مما عرضوه علينا من صور وفيديو لقري اخري

ثانيا :كان متفق علي ان اقوم باختيار اسبوعين للمصيف علي ان اختار اسبوع في نصف العام الاول من شهر 1 الي شهر 6 واسبوع اخر في نصف العام الاخرمن شهر 7 الي شهر 12 وان اختار وقت الاسبوع المطلوب قبل ميعاد المصيف بشهر

واتضح الاتي ان سوف يكون هناك عقد اخر مع الشركة المالكة ولها شروط اخري غير شروط شركة التسويق وهي ان لي اسبوع محدد يتم اختيارة طبقا للجدول المرفق مع العقد ويكون معاده ثابت لكل سنه والاسبوع الاخر مبنى اختياره علي اختيار الاسبوع الاول, ولم استطيع تغير الوقت بعد ذلك ولا للاسبوع المختار او الاسبوع الاجباري الذي يكون بالطبع في فصل الشتاء.

دلوقتى انا رجعت لهم وحكيت كل الي حصل وقولتلهم بما ان في نقط غير صادقة فانا عايز ارجع الحصة وديا مع خصم اي مصاريف ادارية طبعا الرد كان في شرط جزائي وهو8600 اي اكبر من الدفعة المقدمة ماذا افعل مع اني المفروض انا اللي احصل علي الشرط الجزائي لعدم التزامهم . وهل هناك من حل وخاصة ان العقد من 3 ايام فقط وقمت بتوقيع وصلات امانه مذكورة بالعقد لباقي الاقساط

هو انا اللي كان مطمنى شويه ان الشركة لها بطاقة ضريببية وسجل تجاري واخذت صورة منهم وشركة المقاولات صاحبة القرية شركة قديمة ولها سمعتها وهي اللي هكتب معاها العقد التانى
ولحد دلوقتى المشكلة في تثبيت ميعاد الاسبوع وده ماضمنوش بظروف شغلي والاسبوع الاخر راح لانه في الشتاء والمشكلة التانية ان المنطقة الخدمية والترفيهية لسه ماتنبنتش اساسا ومستوي التشطيب مش ولا بد