الموضوع: نضف ريدياتير عربيتك بنفسك طريقه سهله جداااااااا

المشاركة الأصلية كتبت بواسطة kareem fawzy

تماااااااااااااااام جداً
الله ينور عليك بس عارف لو الموضوع دة بصور كان هيبقى بجد مرجع ممتاز
خصوصاً صور حضرتك وانتا بتشرب حجرين شيشة وبتلعب عشرة طاولة
ههههههههههههههههههه
تحياتى

المشكله ان انا كنت واقف فى الشارع بليل بعمل الكلام ده و مش فاضى اصور
لانى مكنتش ملاحق لان كان لازم اروح بيها الشغل النهارده
فا كنت بعمل الكلام ده بسرعه و مخدش ساعتين زمن
بجانب تغيير الزيت و فلتر الزيت و ساعه الزيت و تنضيف ال 2 كربراتير و فلتر الهوا و فلتر بنزين و البوجيهات ال 3 شمعه و قصه كده كبيره فا انا مكنتش فاضى للتصوير و الحركه دى بعملها من زمان جداااا بس قلت لازم اخواتى فى المنتدى يعرفوها بدل ما يتنصب عليهم
و ان شاء الله بلنسبه للشيشه انا مليش فى الكلام ده و مش بحب قعده القهواى اساسا
انا كنت واقف جنب العربيه لان كان فيها شغل كتير زى ما انت فاهم
فا كنت بعمل باقى الحاجات على ما المايه تتصفى
^_^

المشاركة الأصلية كتبت بواسطة kisho55555

موضوع رائع وجميل .. بس انا جربتها فى عربيتى ... بيجو 504 ...

بس المشكلة كانت ان الصدأ منزلش و بعض الناس نصحتنى استخدم جاز واحطه فى الريداتير عشان يشيل الصدأ ... بس لسه مجربتهاش ..

لا الجاز ده بيتعمل لما الريدياتير هيتحط فى مايه نار بعديها و ده طبعا مش هيحصل غير عند بتاع الريدياتير
لو الصدا عندك كتير
حط ازازه خل كامله و روح مشوار طويل و بعد كده تعالى فك الكوعه اللى تحت العريبه تفضى المايه اللى فيها
و بعدين اقفل الكوعه اللى تحت و دور العريبه و نضف الدوره بلبريل و سيب الكوعه اللى فوق مفتوحه
و بعدين سيبها تدور شويه علشان دى بيجو فا المروحه شغاله على طول سيبها بتاع ربع ساعه شغاله و الخرطوم جوه الريدياتير
فك الخرطوم اللى تحت تانى تفضى العريبه كويس اوووووى و بعد كده ركبه و زود المايه بتاعتك
حتلاقى ان مفيش ولا صدا فى العريبه
ولو عملت صدا تانى بعد فتره يبقى الريدياتير ده لازم هيتغير لان النحاس اللى فيه بيكون اترسب عليه صدا و ده عمره ما هيروح الا لو فضلت كل اسبوع مثلا تعمل الحوار ده او تشتشرى ريدياتير جديد
ياب اكون افدتك ^_^

تسلم ايدك ياباشا مجهود جباااار :)

المشاركة الأصلية كتبت بواسطة ahmedeihab

لا الجاز ده بيتعمل لما الريدياتير هيتحط فى مايه نار بعديها و ده طبعا مش هيحصل غير عند بتاع الريدياتير
لو الصدا عندك كتير
حط ازازه خل كامله و روح مشوار طويل و بعد كده تعالى فك الكوعه اللى تحت العريبه تفضى المايه اللى فيها
و بعدين اقفل الكوعه اللى تحت و دور العريبه و نضف الدوره بلبريل و سيب الكوعه اللى فوق مفتوحه
و بعدين سيبها تدور شويه علشان دى بيجو فا المروحه شغاله على طول سيبها بتاع ربع ساعه شغاله و الخرطوم جوه الريدياتير
فك الخرطوم اللى تحت تانى تفضى العريبه كويس اوووووى و بعد كده ركبه و زود المايه بتاعتك
حتلاقى ان مفيش ولا صدا فى العريبه
ولو عملت صدا تانى بعد فتره يبقى الريدياتير ده لازم هيتغير لان النحاس اللى فيه بيكون اترسب عليه صدا و ده عمره ما هيروح الا لو فضلت كل اسبوع مثلا تعمل الحوار ده او تشتشرى ريدياتير جديد
ياب اكون افدتك ^_^

هجرب حوار الخل دا و اشوف لو الصدا راح يبقى موضوع جامد اوي :d

بس ايه حكايه دوره تبريد مفتوحه و دوره مغلقه دي ؟
ترموستات الكوع موجود او متشال يعني ولا حاجه تانيه ؟

انا هعمل الحوار دا عشان عايز اركب ترموستات الكوعه و احط ميه خضرا و انسى دوره التبريد شويه