نضف ريدياتير عربيتك بنفسك طريقه سهله جداااااااا
اولا انا معايا هوندا بريليود و اكيد انتوا عارفين موتور العربيه ده الشغل فيه ضيق ازاى
علشان محدش يقولى يا عم الحوض عندى ضيق
اولا
العربيه لازم تبقى برده
مثال اصحاب السيارات الدوره المياه المغلقه سيب العربيه ساعه علشان تكون هديت
اصحاب الدوره المفتوحه افتح غطا الريدياتير و سيب العربيه بتاع ربع ساعه مثلا
تانى حاجه
فك الكوعه اللى تحت فى الريدياتير و سيب العربيه تصفى المايه اللى فيها شويه
تالت حاجه
فك خراطيم الريدياتير كلها من الريدياتير و اهم حاجه فيش المروحه علشان مفيش حاجه تتقطع من السلوك و اهم من كل ده فيشه الترموستات و لاصحاب العريبات الاتوماتيك زى حلاتى فك خراطيم الفتيس ولو لقيتها ناشفه غيرها علشان لو اتفكت و هى ناشفه لما هتيجى تركبها هتتكسر معاك
انا امبارح لقيتهم ناشفين روحت عن بتاع قطع الغيار جبت خراطوم سيرفو المتر كان ب 15 جنيه جبت 2 متر و 4 كوليهات جديده
رابع حاجه
فك مسامير الريدياتير اللى فى الجنب
خامس حاجه
كده الريدياتير بقا سايب قدامك طلع الريدياتير من العربيه مع ملاحظه ان مفيش حاجه تبقى عامله عائق مع الريدياتير
سادس حاجه
طلع الريدياتير بره خااااااااالص
و هات قالبين طوب من اللى هما بتوع الشارع دول اعملهم تزجه للريدياتير
هات خرطوم مايه من اى حته و رش على الريدياتير كله من الناحيه دى و الناحيه التانيه لحد ما تحس انك شايف الارض بوضوح بعد كده كيس بيريل ب 50 قرش و حطه فى الريدياتير و حط الخرطوم فى الريدياتير و سد الكوعه اللى فوق بأيدك و سيب الكوعه اللى تحت علشان تنزل الصابون
بعد كده شيل الريدياتير و رجه معلش هتتبهدل بس كله فى سبيل عربيتك
بعد كده سيب الصابون فيه شويه و اركنه على جنب كده
سابع حاجه
هات الخرطوم ده و نظف بيه سربنتينه التكييف كويس اوى من جوه و بره
علشان دى لو فيها عائق مش هتدخل هوا على الريدياتير
ثامن حاجه
فضى الريدياتير من المايه اللى فيه
تاسع حاجه
ركب الريدياتير الكوعه اللى تحت الاول علشان لسه هنعمل قصه تانيه
بعد ما تركب الكوعه اللى تحت ركب خراطيم الاتوماتيك اذا وجد و بعد كده فيشه الترموستات و بعد كده فيش المروحه و المسامير اللى فى الجنب
اهم حاجه تقرط كويس على الخراطيم
كده الريدياتير ثبت معاك
دور العربيه
ناقص الكوعه اللى فوق سيبها مفتوحه و هات كيس بيريل علشان نغسل دوره المايه اللى فى العربيه
حط كيس البريل فى الريدياتير كله و حط فيه خرطوم المايه و سيب الكوعه دى تنزل المايه بره العريبه
لحد ما تجيب معاك الصابون
سيب الخرطوم فى الريدياتير شويه و العريبه دايره لحد ما تتأكد ان فى شويه صابون بسيطه جوه
هات ازازه خل و حط ربعها فى الريدياتير
و اقفل الغطاء و لف بلعريبه فى المنطقه عندكوا شويه كده و تعالى علشان المروحه تستغل مره و اتنين و تلاته
و بعد كده اقف بلعربيه تحت البيت
سيبها تبرد شويه و فك الكوعه اللى تحت تانى علشان تفضى الصابون و الخل اللى فيها ده
و روح اقعد على القهوه اشرب حجرين ولا تلعب عشره طاوله
و بعد كده ارجع ركب الكوعه دى تانى
و حط المايه اللى انت عايزيها
المميزات
دفعنا 2 جنيه البريل و الخل
ريدياتير نضيف من جوه و بره لو رحت عملته فى بتاع الريدياتير هياخد 30 جنيه
سربنتيه تكييف ساكله
العربيه عمرها ما هتسخن
دوره مايه نضيفه لو رحت عملتها فى المحطه هياخد بردو 40 جنيه لو مخلكش تشترى الماده
العيوب
غرقت الشارع كله مايه
بهدلت نفسك
بس كسبت تبريد عربيتك
فا ناس ممكن تيجى تقولك يا عم هين قرشك ولا تهين نفسك
و مش عيب نتعلم علشان ابقى فاهم العريبه كويس اوى علشان ابقى عارف فيها كل حاجه و لما تعمل معايا دقت نقص ابقى عارف انا هعمل ايه
اقولهم كل واحد و يعمل فى عربيه اللى هو عايزه
يعنى الراجل اللى بيشتغل فى عربيتى هيشتغل فيها زى ما انا هشتغل فيها
اكيد لاء طبعا انا هخاف عليها اكتر و هعملها بضمير اكتر علشان اريحها علشان تريحنى
معلش طولت عليكوا بس انا قلت افيد الناس كلها من واقع خبرتى فى العربيات
المره الجايه بقا هقولكوا ازاى تنضف كربيراتير العربيه و الانجكشن
^_^
