اقتباس:
المشاركة الأصلية كتبت بواسطة ashour
انا اسف على التأخير فى الرد...
بالنسبه لنقطه التعصب.. يعنى انا شيفها طبيعيه بالنسبه لحضرتك
انا كان قصدى انى فاكر صاحب الرد مذكر و لهجه اعنف من بقيت الردود المذكره اللى سبقته.. بس لما عرفت ان حضرتك مؤنث اتضح الامر انها مشاعر طبيعيه مافيهاش زياده........... ارجو تكونى فهمتى توضيحى ده.
اختيار المقال مفيهوش تحيز على قد ما فيه اقتناع منى و بيعبر عن وجهه نظرى (و لا هو اى رأى لا يتطابق أو يشترك مع رأى حضرتك يبقى تحيز مفيش حاجه اسمها راى اخر)
و انا شايف ان لما احب اطرح موضوع بجيب المقال اللى يتفق مع رأى.... انا ممكن اقرا مقالات مختلفه مع رأى ده بس مش مطالب بنشره... حضرتك قاريه او محتفظه بمقال مخالف الرأى مع المقال ده يا ريت تنشريه و تقوى حجتك بيه.
بالنسبه بقى لسؤال حضرتك اللى هو (فاذا اردت ان تعرف وجهة نظر المجتمع الامريكى فى قضية عمل المرأة، .....لا تعبر باى حال من الاحوال عن الاجماع المجتمعى فى امريكا بل انه رأى مخالف لما يؤمن به الغالبية)
انا عايز اعرف انا هستفيد ايه لما اعرف راى المجتمع الامريكى... هل لانه راى مجتمع فى بلد متقدم؟... و هل رأيه هو اللى هيخلي مجتمعى متقدم؟ انظرى الى العواقب الوخيمه اللى جنيناها من تصديرهم للديموقراطية و العولمة الامريكية..
اه الديموقراطية مهمة و العولمة مفيدة بس انا مستعد على ان اتقبلها من دولة صديقة تهتم بى او بالاصح تشترك معى فى المصالح.. ليه مفيش ديموقراطيه يابانيه مثلا او يونانية.
طب مهو امريكا بنتقدوا فى السعودية و مجتمعهم و بيقولوا معندهمش ديمقراطية مختراعوش حجه ليه عشان ينشروا الديموقراطية و يحرروا المرأة السعودية.. (مصالح).
بالنسبة للسؤال الاخر ... مش واضح معناه؟؟
فى دراسة اتعملت لمجموعه من طلاب جامعه اكسفورد بيتضح فيها ان المرأة السعودية هى المرأة الاكثر تدليلا فى العالم..
لانها بتخدم فى جميع الانشطه المنزلية... و توقعوا انها فى حالة اتاحت الفرصة لهم فى الحصول على رخص قيادة انها هتظل تفضل الاعتماد على سائق.. (هى ده المرأه المهانه فى وجهة نظرنا)
بالنسبة لموضوع امريكا احب بس افكر حضرتك انك انت الى جبت كاتب امريكى لتعرض وجهة نظره و لست انا من قام بنشر مقال امريكى فانا لم اطرح امريكا كنموذج من الاساس، ثانيا التحيز هنا فى الاختيار فقط فانا احترم رأيك المخالف لرايى و لا اجد مشكلة لايمانك باى فكر اى ان كان و لكن انا مثلا لا يجوز ان اتخذ من فكر جمال البنا و فتواه الشهيرة فى اباحة التدخين فى نهار رمضان و ازعم انه يعبر عن المفكريين المصريين عامة مع الفارق بين الموضوعين
و سؤالى الاخير كان بخصوص تعريف الاخلاق فغالبا ما يشار الى الغرب باعتباره العالم المنحل اخلاقيا و يضيف البعض ان ذلك بسبب خروج المراة الى العمل و هنا ان فقط اذكر بان الغرب به من الصفات الحميدة من صدق و امانة و اتقان عمل ما يفوق بمراحل ما نواجه من فساد فى مجتماعاتنا المحافظة "شكلا" فليست العلاقات الغير سوية بين الجنسيين هى فقط معيار الحكم على الاخلاقيات و الحكم على اثار خروج المرأة الى العمل
و خلاصة ما احب ان اقوله انه لا تفترق ملكات المرأة الروحانية و قدراتها الفكرية والعقلية و هما جوهر الانسان عما اوتى الرجل منها و لا دليل على ان الله سبحانه وتعالى يفرّق بين الرجل والمرأة من حيث الإخلاصفي عبادته والامتثال لأوامره، فإذا كانا متساويين في ثواب وعقاب الآخرة، فلملا يتساويان في الحقوق والواجبات إزاء أمور الدنيا؟ و الظن قديما بعدم كفاءة المرأة ليس إلا شبهةمرجعها تفوّق الرجل في القوة العضلية و عدم اشتراك المرأة في الماضياشتراكا متكافىء مع الرجل في شئون الحياة،و هو لم يكن أمرا أملته طبيعتها بقدر مابرره نقص تعليمها وقلّة مرانها، أما الان وقد فُتحت اليوم أبواب التعليم أمام المرأة، وأتيح لها مجال الخبرة بمساواة معالرجل فقد انتفت هذه الحجة
فالمرأة كائن كامل الاهلية و بالتالى هى ادرى بقدراتها فمن رأت انها تريد ان تعمل ذلك يرجع الى اختيارها و ان ارادت البقاء فى منزلها فلها ما ارادت ايضا فهى وحدها القادرة على تحديد ما هو انسب لها.
لقد كنت و مازلت اعتقد ان قدراتى لا تؤهلنى للعمل كطبيبة فاختارت مجال اخر لانجح به الا ان ذلك لا ينفى قدرة الاف النساء الاخريات الائى نجحن فى العمل بالطب بتفوق بالغ فهى فروق فردية بين النساء و بين الرجال ايضا فالمراة و ليس الرجل هى من تقرر ما يتاسب معها. و هذه هى نقطة خلافى مع ما يقال عذرا للاطالة فانا هنا فى المنتدى بشكل مؤقت و لوقت قليل حتى انتهى من حاجة معينة و بمجرد انتهائها سارحل لذا اردت عرض كل ما اود عرضه قبل الانسحاب من مناقشات المنتدى واتمنى لكم جميعا التوفيق فى منتدى شبه مقصور على الرجال :)