الانترا 2007!

**kgawish** · 15-02-2012 01:13 PM

يا ريت لو حد يقدر يساعدني معروض عليا الانترا 2007 ماشية 40 الف كيلو وبحالة ممتازة جدا(استعمال سيدة) بس انا كنت سامع ان الموديل ده فيه مشكلة في الباور (الباور مش بيفصل علشان كهرباء) وانا بصراحة مش عارف ومحدش بيفيدني ,,,,,,العربية حالتها ممتازه جدا
يا ريت كمان لو ممكن الافادة عن متوسط سعرها قد ايه؟

**kisho55555** · 15-02-2012 01:52 PM

العربية محترمة .... السعر من 68-75 ... توتو ولا مانيوال ؟؟ وكيل ولا خليجى ؟؟؟

مفيش مشكلة فى الباور ... الموضوع كله انه خفيف عشان هو كهرباء عشان كدا ناعم .... وحكاية انه بيفصل دى مش عارف بصؤاحة ...

**kgawish** · 15-02-2012 01:58 PM

العربية اوتوماتيك ووكيل مصري مش خليجي ..وياريت لو تعرف حد تسأله علي حكاية الباور اللي مش بيفصل دي وايه حجم خطورته علي الطريق؟ انا ركبت ال2009 وكنت ماشي بيها 190 كم/س وماحسيتش بالمشكله دي بس برضه فيه ناس قالتلي ان المشكله كانت موجوده في الموديل ده واتعدلت في الموديلات اللي بعد كده

**Kareem Fawzy** · 15-02-2012 02:19 PM

باشا العربية معايا وماشية 44 الف
نفس الحالة اللى حضرتك بتتكلم عليها
انا لما كنت ببيعها كنت طالب فيها 79 الف وبعدين غيرت فكرتى عن البيع
عربيتى فابريكا برا وجوا وكمان راكب فيها اكسسوارات تعدى الالفين جنيه دلوقتى
يعنى لو حبيت ابيع مش هبيع اقل من 80 الف
بالنسبة للباور بيفصل يا باشا معايا بعد سرعة ال100 تقريبا
او يمكن اقل من كدة
ومتسمعش للى يقولك ان الباور مبيفصلش بيفصل يا باشا زى اى عربية
بالتوفيق اتوكل على الله لو العربية حالتها حلوة
بس مقولتلناش هتاخدها من السيدة على كام؟.؟؟؟

**kgawish** · 15-02-2012 02:27 PM

اشكرك يا باشمهندس كريم
هي طالبه 77 الف وانا بعد كلامك هاحاول اكسر فيها اي مبلغ بس ان شاء الله هاتوكل علي الله واشتري....... دعواتك
تحياتي

**kgawish** · 15-02-2012 02:27 PM

اشكرك وربنا يطمنك ويباركلكم جميعا في ما معكم

**M.Al-Hefnawy** · 15-02-2012 02:44 PM

كان معايا نفس الموديل بس مانيوال الحاجة الوحيدة اللي كانت فيها نقر في الدركسيون في المطبات والعيب ده قى شائع جدا حت موجود معايا دلوقتي في اللانسر البومة.

**Mo3taz Selim** · 15-02-2012 03:06 PM

عذرا للتكرار

**bakkarahmed** · 15-02-2012 03:07 PM

موديل 2007 كان فيه عيب في قطمه الدركسيون والتوكيل كان بيحل المشكله دي تماما واعتقد ان المشكله دي اختفت تماما من كل موديلاات 2007 الموجوده حاليا
بالنسبه للباور هو خفيف وبيتقل مع السرعه بس لازم تاخد عليه شويه بس انا شايفه ميزه لانه بيخلي العربيه سلسه كتير
الالنترا عربيه محترمه وناعمه وعزمها كويس
بالنسبه للسعر انا ما ينفعش اعمم سعر لان كل عربيه وليها حاله وفيه عربيات موديل 2007 اغلي من 2009
ماتبصش للعداد علشان انا مش مقتنع اوي بحكايه انها تعمل 40 الف بس في 5 سنين وشويه

-

الموضوع: الانترا 2007!

LinkBack

أدوات الموضوع

عرض

-

-

-

المواضيع المتشابهه

الانترا 2006 vs لانسر 2007

صيانتى مع الانترا 2007

الانترا 2007

سؤال بخصوص الانترا 2007

الانترا 2007 ولا ماتيريا 2007 ؟؟

الكلمات الدلالية لهذا الموضوع

المفضلات

المفضلات

ضوابط المشاركة