-
سؤال في التجنيد
والله ما هسأل السوال اللا لأني حاسة اني ممكن الاقي فيه اجابة عند حد هنا
اخويا اخد تأجيل جيش لمدة 3 سنين و نسي يرح بعد انتهاء المدة الحددة و نهاية المدة كانت في 26\5\2007 و كان فاكر انها في 26\5\2008 و لسة مكتشف الكلام ده امبارح ! و ليه اخ صغير 18سنة في التعليم و والدنا متوفي
يا ترى يروح الهايكستب يعمل ايه بالضبط علشان هوة خايف يروح و يدخلوه في متاهات و خلافه
فيه ناس بتقوله يروح يطللع بدل فاقد من شهادة المعافاه(اللي المفروض انه حصل عليها بعد انتهاء المدة المحددة) بالعربي يعمل عبيط
افيدوني اذا امكنكم و لكم مني جزيل الشكر
-
مايعملش عبيط ولا حاجة هو لو أخد تأجيل عادى ذى الناس كلها مش لأسباب خاصة - يعنى تأجيل لم يصبه الدور هايروح هاياخد الإعفاء عادى
لكن لو واخد تأجيل عشان كونه العائل الوحيد و كده ممكن ياخد تأجيل تانى عشان لسه هو العائل
فى كل الأحوال بيكون متسجل عندهم يعنى لو عمل عبيط مش هاتفرق بل ممكن يتعطل
خليه يروح فى أقرب وقت
-
الموضوع بسيط جدا ... وطمني أخوكي ... أنا حصل معايا نفس الموقف والتأجيل بتاعي خلص ونسيت برضه ... المهم رحت بعد شهرين من إنتهاء التأجيل وقدمت شهادة التأجيل القديم وقالوا لي تعالى بعد أسبوع خد التأجيل الجديد أو الإعفاء
إللي ممكن يعمل مشكلة فعلا إن الورقة القديمة تكون ضاعت ومفيش حتى صورة منها ، لأن دة هيخلية يطلع كل الأوراق من جديد
-
والله الزملاء هنا قالوا كل حاجة
خليه يروح ويتوكل على الله
وإبقي طمئنينا على أخوكي إن شاء الله
-
بجد شكرا ليكو جدا و هوة فعلا كان واخد تأجيل 3 سنوات عادي مش علشن عائل وحيد
و هوة عنده الشهادة القديمة في الشغل و مفيش مشكلة في النقطة دي و ربنا يكرمكوا ريحتوا بالنا
Content Relevant URLs by
vBSEO 3.6.0 PL2