هو احنا بقينا وحشيين اوى كدة لية ؟ مجموعة مواقف من الشارع وحياتنا

السلام عليكم ورحمة الله

بصراحة الواحد فى قمة النكد

أخلاق الناس بقت ببساطة واسف فى اللفظ زبالة ..

حبدأ بالشارع:

مش حتكلم على السواقة ... نتكلم على الركانات كمثال

كل واحد قدام دكانة فارش كراتين بعرض الشارع تكفى 4 عربيات صف اول وتانى كمان

تيجى تتكلم يرضيك يرضيك تقابل بوابل من السفالة وقلة الادب والشتائم و ياما ترد وتنزل للمستوى الوضيع ياتمشى

حتى الاماكن العادية ... انزل الاقى كيس زبالة مرمى على الازاز بكامل محتوياتة ...

ومرة الاقى ازاز اة والله ازاز واحدة رامية برطمانات على العربية متكسرة ؟ وتلاقى واحد قولك اصل الجيران وحشين ... طبعا الغرض معروف متركنش هنا

ومرة زيت مرمى و الكلام دة فى كل حتة بمعنى الكلمة

ومرة واحد طلعلى بشومة وبيقولى فى عربية عفش بتيجى تركن هنا ! و الشومة طبعا للتهديد


نيجى للشغل:


تلاقى بلاوى ... وقلة ضمير و شغل بيزنس المهم الفلوس وانة يعد فلوس اخر اليوم

ومهما تتكلم وتوعى تبقى ابن ....* وبتلسن على زميل مهنتك

والمرضى سذج ولا فاهمين و ولا مهتمين وبيفتكروا ان اللى بينصح دة بيشتم فى التانى عشان يكسب زبون الخ الخ لحد ما بقيت بسكت ويكش تولع

حتى فى الكلية حيث انى خلاص حناقش رسالة الماجيستير

تلاقى ورقك وقف وادفع للموظفين وتلاقى واحد خريج اول امبارح واخد مكانك فى المناقشة عشان ابوة فلان و قريب علان

لدرجة ان فى كتييير لا تنفذ عليهم لوائح و قوانين المجلس الاعلى للجامعات فقط عشان ابن فلان وقريب علان ولو اتكلمت واشتكيت البس ياعم ورقك ضاع مفيش ختم استنى و ابعت واشتكى

و ياتسكت وتبص فى الارض عشان تخلص بعد ال20 الللى اخدوا دورك بالظلم يأما انسى انك تخلص

حتى فى البيع و الشراء

تشترى حاجة تفاجأ انها مغشوشة ومضروبة تيجى تشتكى تترمى برة المحل و تلاقى 5 فوقك عايزين يخدموا المعلم صاحب الشغل

لدرجة ان بياع قاللى فية بعد العيد كحك ! بمعنى انا بعت وانت لبست وانسى ياعمرو

الحياة بقت زفت

حتى الكلام فى السياسة بقى كلة شتايم وتخوين وانت وانت الخ الخ

كل اللى بنشوفة

والواحد مطالب انة يكون ذوق و محترم ومروح اخر اليوم البيت سعيد ومبتسم فى وش مراتة (ماهى ملهاش ذنب الصراحة) وتكون ظريف ولطيف مع اهلك الخ الخ

طب اذاى

انا بجد نفسى اسيب البلد وامشى اسيب العرب كلهم وامشى الواحد متنكد اخر نكد والله العظيم

النهاردة واحد جاب عربية فاكهة و وقف يبيع وجة واحد تانى جمبة وتالت وبقى سوق وفين فى نص الشارع ولو اتكلمت ... انتوا عارفين


البلد كلها شتايم و نرفزة وقلة ادب وغش و ظلم فى كل حاجة

حسبى الله ونعم الوكيل

ده فية اوحش من كده
البلد دى لازم تنضف من فوق و من تحت

يا باشا ده فيه العن من كده و ده مثال بسيط ع اللي بشوفه لما اجي اركن

http://www.nilemotors.net/Nile/261739-a.html

بقيت انزل من غير العربية اغلب الوقت عشان اريح دماغي من قلة ادب اللي سايقين و غبائهم او قرف الركنة او السايس اللي ناططلك في كل مكان لدرجة اني حاسس لو جيت ابص تحت السرير هلاقيه ناططلي كنت رايح لواحد صاحبي في الشوارع الداخلية في عباس العقاد لقيت اللي ناططلي كنت هضربه و ع رأي f3lix بالسيفتي و المضرب ههههههههه

لأ و مش محلات بس ده حتي اكشاك حتة كشك طالع حتي من غير تصريح و عامل كده و اغلبهم معاهم فرد خرطوش او طبنجة هتكلم تقول ايه
و اخرها محل عشان ركنت قدامه مع انه فاتح جوة و بيني و بينه جنينة كبييررة جابلي العربية كلها بالاسمنت و الجبس مسخرتهم و خلاص كنت مستبيع و كنت لوحدي معييش حد اخاف عليه من كتر ما زهقت انا مش اخلص من خدوش و تكحيت عشان الاقيك جايبلي عليها اسمنت و جيبس و دورية الجيش كانت معدية قولت هجيبهم يمسخروهم شوية و في الاخر اللي مسئول عن المحل اعتذرلي عن اللي عملوه و خلي اللي شغالين في المحل نضفوا العربية حتة حتة و خلوها تلمع تاني

و غيره من اللي بنمر بيه كلنا سواء في الشارع في الجامعة عند البيت حاجة تقرف و الله كل حاجة بقت بالدراع بس هنعمل ايه ؟
طول الوقت بقيت اركن العربية و انزل مواصلات و حتي في املواصلات لازم تتخانق مع سواق زفت عمال يسوق زي الاغبية و يقف كل شوية عشان يشتري حاجة او يزق اوتوبيس زميله اللي عطلان و يوقف الشارع كله او واحد بيدخن و الجو ساقعة و الشبابيك مقفلة و اذا كان عجبك و تنتهي بضرب عشان مش عايز يطفي السيجارة
حتي الشحاتين اللي 99 في المية منهم اغني الاغنياء قرفينك سواء راكب او ماشي ع رجلك
و متخلصش من اللي عايزين ياكلوا باقي الفلوس عليك في كل مكان او يديك الحاجة بسعر عالي او عايز يضحك عليك في الحاجة اللي بتشريها و غيره و غيره
فعلا حاجة تقرف بس الواحد لسه عنده امل قولوا يا رب

لو اتطبق النظام صح و الناس التزمت بيه مش هتلاقي ولا مشكله من المشاكل دي
لكن احنا كل حاجه سايبنها حسب التساهيل يا اما خوف يا اما تكبير دماغ

تحياتى لكم جميعا .................................... وربنا يصبرنا جميعا

البلد عمرها ما هتتغير حتي بعد 1000000000000 ثوره

نظام مين ياجماعة اللى يطبق ... دى الناس من جوة من جوة زفت

شارع شغل بيع وشراء تجارة علم كل حاجة بقت اخلاق فى الضياع

فضفض ياباشا انت باين عليك شايل ومعبي وكلنا كده والله حاجه تقرف
ومش عارفين في امل ولا ايه ربنا يفرجها والبلد تنضف

نكمل كلام بقى

من فترة دخلتلى واحدة ست تكشف

ماشى ...


اكشف الست ذى الفل بس كل ما المس سنانها تصرخ !!

لدرجة انى شكيت انها مريضة نفسيا

قامت قايمة وقالتلى اتا تعبانة واجى بعدين ... قولتلها براحتك

وادتنى 200 جنية وقالتلى خد الكشف

اخدت 20 جنية على اساس انى معملتش حاجة تذكر اصلا واديتها 180 وباى ..باى

اقعدت افكر افكر هى عملت كدة لية

واذ بى بلعب فى الورقة ام 200 .... لقيتها مضروبة


موقف اخر يدل على جمال شعبنا واخلاقة العالية اوى


واحد عايز يعمل شغل لبنتة

كام يادكتور قولتلة كذا

قام ساب مبلغ بسيط من تحت الحساب وقاللى عايز فاتورة بالحساب عشان اخدة من الشغل.

ماشى ياعم ... اتفضل و البنت تيجى بكرة نكمل

وانا اصلا مكنتش عملت حاجة غير الكشف

طبعا الراجل خلع بالفاتورة وراح اقبضها من الشغل وانا الضرايب تدينى على قفايا




......


و للمواقف بقية.... واللى عندة حاجة يحكى

ربنا يكون في عونك
انا مش هقول علي اللي بشوفه ... مش ناقصة الصراحة !
انا أساسا عصبي ولما بتعصب كنت ممكن أتمالك أعصابي بسرعة
دلوقتي بقت تفلت مني خالص
ربنا يرحمنا برحمته

اقتباس:

---

المشاركة الأصلية كتبت بواسطة ashouhdy

نكمل كلام بقى

من فترة دخلتلى واحدة ست تكشف

ماشى ...


اكشف الست ذى الفل بس كل ما المس سنانها تصرخ !!

لدرجة انى شكيت انها مريضة نفسيا

قامت قايمة وقالتلى اتا تعبانة واجى بعدين ... قولتلها براحتك

وادتنى 200 جنية وقالتلى خد الكشف

اخدت 20 جنية على اساس انى معملتش حاجة تذكر اصلا واديتها 180 وباى ..باى

اقعدت افكر افكر هى عملت كدة لية

واذ بى بلعب فى الورقة ام 200 .... لقيتها مضروبة


موقف اخر يدل على جمال شعبنا واخلاقة العالية اوى


واحد عايز يعمل شغل لبنتة

كام يادكتور قولتلة كذا

قام ساب مبلغ بسيط من تحت الحساب وقاللى عايز فاتورة بالحساب عشان اخدة من الشغل.

ماشى ياعم ... اتفضل و البنت تيجى بكرة نكمل

وانا اصلا مكنتش عملت حاجة غير الكشف

طبعا الراجل خلع بالفاتورة وراح اقبضها من الشغل وانا الضرايب تدينى على قفايا




......


و للمواقف بقية.... واللى عندة حاجة يحكى

---

الشعب المصري ذكي جدا لو يستغل الذكاء دا في حاجه نافعه هانبقي احسن بلد بس النصب اسهل

المشكلة الاكبر ان اي حد بيعمل موقف من المواقف دي دايما بيبقى عندة مبرر واحدة "اكل العيش"
سواق التاكسي اللي خبطك عشان مفكر ان الطريق ملكة .. اكل العيش
واحد مأجر محل و مانع العربيات تركن قدامة .. اكل العيش
واحد بياخد رشوى و بيظلم ناس كتير .. اكل عيش
بياع مستعد يغشك و يديك حاجة مش شغالة و هو عارف .. اكل عيش
دا حتى اللي بيسرقوا و البلطجية بقت الحكاية دي بالنسبة ليهم اكل عيش

انا بدعي ربنا انه يطلعني من البلد دي في اسرع وقت و لو حصل اكيد اكيد مش راجعها

احنا عندنا ازمة اخلاق + ضمير ... لولا دول كان زمان بلدنا بقت سويسرا

ياجدعان مفيش فايدة فى البلد ديه الا لو استوردنا ناس تانية غيرنا دا انت بتتكلم عن الحضر انزل شوف الارياف و العشوائيات متفكرش كتير هما الأتراك اللى كانو فاهمنا وكانو بيعملونا صح

المشكلة فعلا ان ناس كتير لما حست ان الدنيا سايبه بقو يركبوا و دلدلوا رجليهم
هي فعلا الناس اللي عاوزة تتفرمت
بس رأيي ان دة بردو نتيجة تراكمات الناس اخلاقها اتغيرت و بقيت زي الزفت

كبر دماغك و ملكش دعوة بغيرك يولعوا ولا كأنهم موجودين

أكبر دماغى ياجماعة اذاى ولا اعمل اية

هى اصلها مش فلوس حرام ... احنا تعبانيين فيها

والمشكلة ان الواحد مش عايز يرد ويمد ايدة

مع ان الحمد لله ربنا مدينى القدرة جسمانيا انى اخد حقى بدراعى

بس معقول حننزل للمستوى دة ؟

طب اللى بيغشوا الناس فى الشغل

اللى ممشيين البلد بالواسطة

دة انا بقالى سنة بحاول اخد دور عشان اناقش الرسالة كل شوية ينطلى ابن فلان وابن علان

طب والبضايع اللى بنشتريها مضروبة

نقول اية بقى

النهاردة راكن العربية فوق كوم زبالة عشان محدش يقولى دكانى ورصيفى و عيشتى وكشكى و ركنتى ...

خدوا الصورة دى النهاردة الصبح

http://img221.imageshack.us/img221/1...204155806q.jpg


تعمل اية فى الشعب دة ؟؟ دى عربيتى المصونة ... صندوق الزبالة بتاع الشعب

حسبي الله و نعم الوكيل تاني
دي قلة ادب رسمي
شوفلك جراج يا شهدي, كدة حرام
دة ناقص يفرشوا ياكلو عليها

اقتباس:

---

المشاركة الأصلية كتبت بواسطة mnabeih

حسبي الله و نعم الوكيل تاني
دي قلة ادب رسمي
شوفلك جراج يا شهدي, كدة حرام
دة ناقص يفرشوا ياكلو عليها

---

فعلا

العيال اللى جمبنا بيلعبوا كورة وفى اوقات متأخرة جداا بتوصل ب 2 وساعات 3

ومرة واقف فى البلكونة ومكنش فيه عربية راكنا الا بتاعتنا .. سمعت عيل بيقول الحق اخوك هيبوظ العربية !! قولت ابص اشوف لقيته ماسك بتاعه كده طويلة وبيحشرها فى البتاعة بتاعت الاكرة بتاعت الباب طبعا اتعصبت وروحت مزعق انت يلاااااااااااااااااااا ... الواد قالى معلش !! من ساعتها ومحدش بيجي نحية العربية

ربنا يحفظك من كل سوء يادكتور وحسبي الله ونعم الوكيل وبعدين اقل جراج دلوقتي 150 جنيه دول ادفعهم لو انا جايب العربية من غير جمارك قد كده ربنا يخرجنا منها علي خير لاحول ولا قوة الا بالله

للاسف النظام الامنى السابق كان ناجح فى التعامل مع الشعب المصرى تما بجميع طوائفه

للاسف فى قطاع كبير من الشعب مينفعش معاه الا الاسلوب القديم بتاع الشرطة

انه الجهل والفهلوه(النصب) يا صديقى

40% من شعب بلدك جاهل :majd(4):

اقتباس:

---

المشاركة الأصلية كتبت بواسطة ashouhdy

خدوا الصورة دى النهاردة الصبح

http://img221.imageshack.us/img221/1...204155806q.jpg


تعمل اية فى الشعب دة ؟؟ دى عربيتى المصونة ... صندوق الزبالة بتاع الشعب

---

حقد يافندم للاسف
لكن هاتقول ايه غير شعب جاهل و ادينا بناخد ثواب من وراهم

:36_2_49[1]:

ربنا يهدى البلد يارب واولها اخلاق الناس والمعاملات

موضوع الركنة ده بالذات مشكلة

أنا كنت هنضرب مرة في الموسكي..بسبب الركنة دي

انما الامم الاخلاق مابقيت فان هم ذهبت اخلاقهم ذهبوا

نفسي ارد علي كلامكم ...
بس لو رديت هقول كلام مش حلو
لأني خلاص هفرقع من كل حاجه ولا طايق نفسي ولا دنيتي ولا طايق حد ولا عارف اشتغل ولا عارف اتخرج ولا عارف اتجوز ....
كفايه كده علشان معظم ده كله بسبب الدنيا البايظه و العقليات المتخلفه

مش عارفة اقولك ايه بس كل ما هاتصبر على الاذى كل ما هتثاب ان شاء الله

خاليها علي الله لو فكرت كتير هتتعب و العربيه خاليها بي وسختها عشان لما يشفوك بتنضفها هيرمو زباله تاني حسبي الله و نعمة الوكيل في الجهل

مش عارف اقول اية ؟؟؟؟؟؟؟
بس خلاص البلد باظت جدا جداااااااااااااااااا جدا

احنا لسة عايشين في البلد دي برحمة ربنا الحمدلله علي كل حال الصبر هو الحل