الموضوع: فرصة لا تعوض : أراضي للمغتربين تبدأ من 200 إلى 700

المشاركة الأصلية كتبت بواسطة أبو صلاح

عايز اقول ملحوظة
الناس اللي مرتباتها بالملايين سنويا لو هم دول مستهدفين يبقى الحكومة حسبت غلط

لسبب بسيط جدا
من خلال احتكاكي بالناس هنا من كل الطبقات
اقدر اقول ان الفئة دي معندهاش استعداد ترجه مصر نهائي
ومعظمهم بينزل مصر شهر كل 5 سنين كنوع من الفسحة آخره يشتري شقة وعرببية

كل الي خرجو من مصر مش عايزين يرجعو تاني مش الفئه دي بس
والله يا فندم احنا بنتسرق ف كل حاجه ف مصر

الي عاش برا مصر هايحس انه بني ادم ولو ف حاجه بسيطه زي الاكل و الشرب!

السلام عليكم ورحمة الله وبركاته


بالنسبه للاخ اللي بيقول اللي برا بياخدو بالملايين ما حضرتك تحاول تسافر

كده وتجمعلك 100 مليون ولا حاجه بدل ملاليم مصر لو زي ما حضرتك بتقول

انت لو بتاخد قرش في دول الخليج بيطلع عينك فيه عشان هما مش جايبينك

من بلدك تتفرج عليهم وغير كده بتكون انت المحتقر بالنسبه لاهل البلد المغتصب

على الارض وواخد فرص عمله ويعاملك زي السواق الهندي ولا الخدامه اللي عندو


...

المشاركة الأصلية كتبت بواسطة أبو صلاح

نسبة كبيرة جدا من المغتربين خصوصا في دول الخليج
بدون مبالغة بتقبل مرتبات توازي نفس مرتبات مصر والله ويمكن اقل

كل ده بسبب انه مش لاقي فرصة في مصر اصلا

القصد يعني مش كل مغترب مبسوط بدخله

المشاركة الأصلية كتبت بواسطة khaled online

يا أفندينا أنا واحد من الناس أقبل أشتغل بنفس مرتبي اللي هنا في أي حتة
ربنا يخفف عنكم الغربة ويرجعكم بالسلامة
بس نصيحة لوجه الله خليكوا أحسنلكم
حرقة الدم اللي هنا تخليك تغني (أبيع نفسي) كل يوم وانت مروح

المشاركة الأصلية كتبت بواسطة walidzakzok

البلد دي ماتعرفش ان معظم المغتربين ابخل من البخل نفسه الا من رحم ربي يا راجل دة الواحد بيشوف ناس عاملة زي مسلسل البخيل وانا بتاع فريد شوقي بيعدوا انفاسهم احسن ياخد نفس زيادة والا حاجة ويطلع بفلوس...دة طبعا ما يمنعش ان فيه قلة قليلة محترمة...بس انا شايف ان البلد لو اعتمدت على المغتربين يبقى زي اللي بينفخ فى قربة مقطوعة...اللي اتعامل مع اخواته المصريين فى الخارج هايحس باللي بقوله.

انا مش قصدي حد بالكلام دة كلام عام ..الاراضي نازلة كمساعدة من مصريين الخارج لمصر بس البلد عملاها فى صورة بيع اراضي يعني انت بتشتري بنية مساعدة البلد .المسئولين مش هيحطوا الفلوس فى جيبهم وفيه ناس مغتربين بيقبضوا باللملايين سنويا دول المستهدفين.

المشاركة الأصلية كتبت بواسطة khaled online

متفق معاك في كل كلمة
بس ليا سؤال عند الحكومة:
الناس المحليين اللي بيقبضوا بالملاليم سنويا، الحكومة هتستهدفهم امتى؟

المشاركة الأصلية كتبت بواسطة amr.mostafa

السلام عليكم ورحمة الله وبركاته


بالنسبه للاخ اللي بيقول اللي برا بياخدو بالملايين ما حضرتك تحاول تسافر

كده وتجمعلك 100 مليون ولا حاجه بدل ملاليم مصر لو زي ما حضرتك بتقول

انت لو بتاخد قرش في دول الخليج بيطلع عينك فيه عشان هما مش جايبينك

من بلدك تتفرج عليهم وغير كده بتكون انت المحتقر بالنسبه لاهل البلد المغتصب

على الارض وواخد فرص عمله ويعاملك زي السواق الهندي ولا الخدامه اللي عندو


...

السلام عليكم
1. انت تقصد مين فينا بقي؟
2. ما تتعصبش ماحدش قال حاجة غلط
3. التلاتة اللي دار بينهم الحوار اتنين منهم شغالين برة مصر لحظة كتابة هذه السطور
ركز يا بيه

المشاركة الأصلية كتبت بواسطة saadelden

بنك الاسكان و التعمير عامل قرعه منزل فيها اماكن حلوه ف اكتوبر
بس المشكله انها سكني بس و نموذج معين تمشي عليه

انما مكانها ممتاز ورا مول العرب ف اكتوبر و طبعا السعر من 140 ل 195 الف حسب حجم قطعه الارض

دي اللي تقصدها؟
http://www.urban-comm.gov.eg/22-12-2011%20koraa.asp

المشاركة الأصلية كتبت بواسطة الطنطاوي

دي اللي تقصدها؟
http://www.urban-comm.gov.eg/22-12-2011%20koraa.asp

ايوا هي دي
بس طبعا الكراسه مبينين فيها الشروط اكتر و خريطه المكان و الاسعار
يعني الجاد في الشرا و الحجز يجيب الكراسه

المشاركة الأصلية كتبت بواسطة LanCeLoT

الف شكر يا جماعه ..
هوا ال ١٤٠ - ١٩٠ الف ده سعر الارض كلها ؟؟؟؟؟
وهوا سعر المتر في الحتت دي هناك اصلا عامل كام ؟؟؟
و يا ريت لو حضرتك تقدر توريني فين الموقع ده على جوجل اكون شاكر

بص يافندم هي متقسمه مقاسين 276متر و 209 متر
القطعه ال 276متر سعر المتر 690 جنيه
القطعه ال 209متر سعر المتر 595 جنيه
دا من كراسه الشروط بتاعتهم

لكن اعتقد ان سعر المتر اغلى من كدا بكتير , بس المنطقه دي مخصصه للاسكان العائلي
طبعا الارض داخلها خدماتها كامله كهربا و ميه و صرف

المكان انا ماشوفتهوش ف معرفش اطلعه من ع الجوجل للاسف
لكن دي الصوره من كراسه الشروط


و اخر معاد للتقديم يوم 23 من الشهر دا

و لسه فيه مرحله تالته هاينزل فيها اراضي اعتقد ممكن ينزلو اراضي ف الشيخ زايد و القاهره الجديده