هذه اول مشاركة لي و بصراحة انا كان عندي 128 مصدقت اخلص منها و عايز اعمل نقلة نوعية اي السيارات اختار ( كيا برايد 98 - و لا هيونداي اكسل 94- ولا سكودا فلييشيا 97) او في حاجة تانية تكون في نفس الفئة السعرية وتعمر مع الواحد شوية ويكون شكلها كويس وفيها شوية اوبشن انا عارف ان اي حاجة غير 128 هتكون افضل برجاء الافادة و شكرا
بس يا باشا انا كنت في حيرة زيك كدة اول لما جبت عربية جديدة
انا بالنسبة لية رسيت علي فليشيا وكانت أول عربية ليا و هيا زي اي عربية فيها حاجات كويسة و وحشة
بالنسبة الحلو فيها :
1-قطع غيرها مريحة و في منها المصري و الصيني و الألماني طبعا
2-سحبها كويس جدا و بتوفر في البنزين
3-الصاج بتاعها يعتبر أنشف صاج بالنسبة للعربيات الحديثة
4-تابلوة شيك
5-المكانيكا بتاعتها سهلة و كتير بيفهموا فيها
6-اوسع من الكيا من جوة
اما الحاجات اللي تعتبر عيوب:
1- هوا الدركسيون لو انتا مش مزبط العفشة و ظابط الكوتش صح بيبقيء تقيل حبيتين في الركنة لكن بعد سرعة ال 30 كدة بيبقيء ناعم أوي
2-الناس اللي يخرقهم اللي عملوها مخلين اللي يشتغل فيها يطلع عينوا عشام مزنقين الحاجات جمب بعدها
3-هاتحتاج تركب مروحة تانية عشان في الصيف بتسخن لكن لما بيبقيء مروحتين بتبقيء العملية فل
4- البرومة بتمسك بسرعة فيها مش عارف لية
------------------------------------------
بالنسبة لل هيونداي هيا عربية تاعمة اوي و بتجري بس خفيفة موت و قطع غيرها بردة في المعقول انا مش هقدر اقول فيها كتير في ان شاء الله حد من خيرا الهيونداي هيرود عليك و كذلك بالنسبة لل كيا
انا عني نفسي افضل
1-فلشيا
2-هيونداي
3-كيا
و دة اميلي لو حبت تسأل عن اي حاجة بالنسبة للفلشيا
savatagonline_2004@hotmail.com
و بالتوفيق ان شاء الله :)
شكرا جزيلا علي الرد اسريع و المفصل انا برده اميل الي الاسكودا بس حضرتك رعبتني من موضوع البرومة دي ....... طيب ممكن تقلي النصيحة اللي ابص عليها لوحبيت اعاين عربية و شكرا جدا علي وقتك
انا مع صديقي الصدوق حماده فليشيا الفليشيا يعبيبها البارومة و انها كميكانيكا مزنقة في بعضها و عموما احسن من هيونداي و كيا و شكلها حلو من برا و من جوا عن شكل الابيزا بتاعتي كمان و حاجات الابيزا الالماني كلها بتركب عليها لانهم تقريبا نفس المقاييس بس الابيزا موتور شاسيه عفشة فتيس الماني و الفليشيا تشيكي
لا يا باشا متخفش اوي كدة من البرومة
هوا بص أهم حاجة انك تتأكد ان كل قطعة هيا بتاعت الاسكودا عشان دية بيتوفق عليها حاجات كتير من عربيات تانية
يعني مثلا ممكن تحت اسبراتير 128 عليها
كاربيراتر جولف و ابيزا و دة طيعا بيبقيء أحسن
تتأكد ان الموتور بحالتة عشان دة موتور ألمونيوم في العمرة فية بتبقيء عاوزة ميكانيكي شاطر أوي
و تركز جدا جدا علي العفشة
عيا عفشة قوية جدا بس أغلب الناس لما تلقيها معمرة كدة مش بتكشف عليها من وقت لتاني
و انتا ان شاء الله لو لاقيت حاجة كويسة تبقيء كلمني انزل معاك انا كدة كدة فاضي ع طول