الموضوع: تقرير عن البرسونا 2012 بعد استعمال 3000 كم

الف مبروك و عقبال صيانة ال 100 الف
عايوين تفاصيل يا معلم و صور

المشاركة الأصلية كتبت بواسطة hesham1978mmmm

4- تأخد اي ملف جامد علي سرعة 100 كم ولا حاجة ثبات تحفة بجد
تاخد ملف على اسكندرية الصحراوي على 180 وعادي برده.
1-تانك البنزين يخنق بجد لآنه 40 لتر مش زي الكتالوج بيقول 50 لتر وده حاجة خانقني جدا يعني يا دوب 3 مشاوير كبار والتانك بيقرب يخلص. هو 50 فعلا بس تقريبا الاحتياطي أكتر من 10 لتر لأني أول مرة خالص فولت 42 لتر.
2-الفرامل بصراحة ضعيفة علي امكانيات التسارع في العربية وقوة موتورها بس في مهندسين اعرفهم بيقولوا ان في عربيات سيستم الفرامل كده وده بصراحة مش عاجبني انا كان نفسي الفرامل تكلبش جامد .
مش عارف البيرسونا ايه نظام فراملها بس الفرامل فالجين 2 من أهم مميزاتها.

مبروك عليك وعقبال صيانة ال 300,000

المشاركة الأصلية كتبت بواسطة hesham1978mmmm

ازيكم يا جماعة عاملين ايه
ان باشكر كل الناس اللي في المنتدي اللي ساعدوني وخالوني اشتري عربيتي البرسونا 2012
بعد استعمال 3000 كيلو اقولكم علي العيوب والمميزات من وجهة نظري وبصراحة
اولا:- المميزات
1- شكلها تحفة وانا كمان جايب لون برونزي بيعجب اي حد يشوفها.
2- موتور تحفة بجد التسارع هايل ةتحس فعلا بقوة الموتور غير الكوري خالص مع العلم ان صديقي ركبها علي الصحراوي وهو معاه نيو اكسنت وقالي في فرق كبير في تسارع العربية عن الهيونداي

بس ده تسارع النيو أكسنت روعة بصراحة

3- ثبات العربية روعة علي 140 كم وكأنك ولا اي حاجة العربية ثقيلة ومكلابشة في الأرض والعفشة ناعمة وحلوة مش خشنة زي ما الناس بتقول
4- تأخد اي ملف جامد علي سرعة 100 كم ولا حاجة ثبات تحفة بجد
5-الكماليات جميلة من مثبت سرعة وفوجات وسنسيور بارك وساوند سيستم بجد روعة وصوت الكاسيت والسماعات تحفة وشنطة كبيرة جدا
6- انا عربيتي اوتوماتيك ومستمتع بقيادتها جدا ومفيش اي مشاكل
نيجي بقي للعيوب
1-تانك البنزين يخنق بجد لآنه 40 لتر مش زي الكتالوج بيقول 50 لتر وده حاجة خانقني جدا يعني يا دوب 3 مشاوير كبار والتانك بيقرب يخلص.

لا يا باشا التانك 50 لتر
بس أنت مش بتحس بكدا لأن العربية مش بتأخد أكتر من كدا إلا لو مشيت على التانك و هو منور أحمر بتاع 100 كم
هاتلاقيها أخدت أكتر من 40 و عن تجربة شخصية
واضح أنهم مخليين التانك نفسه حوالي 40 لتر و فيه مكان أحتياطي فيه 10 لتر لأن ده حصل معايا و مشيت بالعربية حوالي 80 كم و هي بتنور و عداد البنزين جايب آخره

2-الفرامل بصراحة ضعيفة علي امكانيات التسارع في العربية وقوة موتورها بس في مهندسين اعرفهم بيقولوا ان في عربيات سيستم الفرامل كده وده بصراحة مش عاجبني انا كان نفسي الفرامل تكلبش جامد .

دوس جامد و هي تقف أسرع و الفرامل على فكرة ممتازة و برضه عن تجارب كتيرة

3-اضاءة العربية مش قوية اوي وغيرت اللمبات لأوسرام نايت بريكر بلس بس مش حاسس بفرق جامد ومش عارف اغير الفوجات كمان ولا لأ
4-التوكيل بصراحة مش هاقدر احكم عليه لان اتعاملت معاه في صيانة اللف بس للأمانة استقبلهم كان محترم جدا بس برده للمانة تحس انك داخل ورشة كبيرة مش توكيل محترم عكس هيونداي روحت مع واحد صاحبي بصراحة حاجة جامدة
ده كل اللي اقدر اقوله دلوقتي بموضوعية وامانة وطبعا قطع الغيار مش هاقدر افتي لاني لسه ما جربتش حاجة وربنا يستر

مبروك عليك العربية و ربنا يستر طريقك و يباركلك في العربية

المشاركة الأصلية كتبت بواسطة hesham1978mmmm

بس يا باشا انا كانت لمبة البنزين منورة وفي كمبيوتر العربية بيقول متبقي مسافة 44 كيلو والعربية خدت 36 لتر بس

الكمبيوتر مابيديش قراءات صحيحة للكيلووات المتبقية, خصوصاً لما تبقي العربية علي وشك انه تخلص بنزين. يعني لو كنت لستنيت أكتر شوية كنت هتلاقيه اداك شرطتين و ممكن تمشي بيهم أكتر من 50 كيلو زيادة.

الف مبروك يا أ.هشام وعقبال المليون الف :)

كنت عايز اعرف من حضرتك لما بتقفل العربيه بالريموت او تفتحها بتعمل معاك صوت ( صوت السارينه ) علشان تتأكد انها قفلت او فتحت ؟!!
علشان انا ساعات بسمع صوت السارينه وانا بقفل كده بس بحس انها مخنوقه :))))

وربنا يباركلك فيها يا باشا وعلى فكره فراملها ممتازه فعلا بس انت قوى قلبك شويه ودوس جامد زى ما أ. توت قالك :)

وانصحك انك تعمل الصيانات فى عصام صفا انا ان شاء الله ناوى ابعد عن التوكيل تماما علشان روحت كذا مره مع اصحابى وبصراحه معجبنيش خالص ..