طبقه الشمع اللي بتيجي علي العربيه الأوبترا لغرض الحمايه

**tayson54** · 01-06-2008 09:59 AM

شباب فيه حد معاه عربيه اوبترا او افيو ولما اشتراها الشمع اللي مغطي العربيه كنوع من الحمايه مكنش طلع كله لسه رغم ان المعرض غسل العربيه بعلبه الشامبو المخصصه لازاله طبقه الشمع الحمايه دي ؟
لان عندي علي الشنطه والسقف بالذات اجزاء فيها طبقه الشمع دي تحس انها مطفيه كده واجزاء تانيه بتبرق لان معلهاش طبقه الشمع دي ...حد يعرف مركز متخصص تكون عنده سوائل يغسلوا بيها العربيه او حتي بنزينه نظيفه علشان تشيل الشمع بالكامل ؟؟

**dinow** · 01-06-2008 10:07 PM

بصراحة انا معرفش حد بس انا مارضتش اخليهم فى المعرض يشيلوه و فضلت ماشى بالشمع حوالى شهر كده لحد الشتا ما خلص و رحت مغسلة و كان معايا الشامبو اللى جاى مع العبية و شالوه تماما زى الفل

**tayson54** · 02-06-2008 10:37 AM

شكرا علي ردك يا dinow انا هحاول لما اروح الصيانه اسئل ازاي ممكن اشلها لان الأغبيا بتوع المعرض اللي انا اشتريت منه غسلوا بيه العربيه بس مطلعش كله لسه ...
يا ريت لو حد يعرف مغسله عندها سوائل زي كده يتفضل ويقول لنا عليها

**ysalah** · 07-06-2008 03:27 PM

ياباشا روح علي وطنيه الي بعد ال اف بي اي واعسلها مرة واحدة بالجاز وحتشوف النتيجة

**tayson54** · 07-06-2008 03:54 PM

الف شكر علي ردك يا ysalah بس ممكن توضح فين هي المحطه دي بالظبط وايه ال اف بي اي ده اصلا ؟
تفتكر غسيل العربيه بالجاز دي مش مضر للبويه لان واحد صاحبي برده قال لي اغسلها بالجاز لكن انا قبت يمكن بيهرج ولا حاجه .