رادارات الدائري شغاله ولا ؟؟؟

**ramylanos** · 16-02-2012 12:55 AM

الدائري من طلعه طريق السويس لحد نزله دار السلام النزله الي هيه بعد المعادي
شايف رادرات كتير ومش عارف شغاله ولا. مره الاقي الناس مهديه ومره القيهم بيجروا

انا علي الطريق ده كل يوم واحترت بصراحه حد يدلني من فضلكم

**AhMeD MeTwAlY** · 16-02-2012 01:57 AM

واحد كان بيحكي من فتره انه مشي علي الدائري بليل وبيقولي فعلا بتدي فلاش كدا علي العربيه الي بتعدي السرعه المحدده بس الكلام ده من زمان يعني قبل الثوره او بعدها مش فاكر بصراحه
بس انا مش متأكد من كلامه لان انا معرفوش الراجل ده كنت اتقابلت معاه عند كهربائي سيارات

**Kareem Fawzy** · 16-02-2012 02:42 AM

معلوماتى انهم بايظين انا تقريباً كل يوم على الطريق دة ولو طلعوا شغالين هسلم عربيتى للمرور
علشان اقدر ادفع المخالفات

**elswaha** · 16-02-2012 03:30 AM

الكلام الاكيد وده انا شفته بعينى
وعلى نفس الطريق
ان ساعة المغرب شفت عسكرى نزل من سيارة مرور
وفتح الردار واخذ الفيلم اللى متصور عليه السيارت
ومشى تانى وراح للى بعده
يعنى من الاخر الظاهر هما بيحطوا فيلم او موميرى
علشان يتسجل عليها واخر النهار بيخدوا علشان يفرغوها
وبكدة اعتقد انها بالليل مش شغالة
وكمان مش طول الوقت بالنهار شغالة
هذا والله اعلم

**me_medoo** · 16-02-2012 09:58 AM

انا قبل الثورة ... كنت عاوز أجيب بوية وأحط علامات قبل الرادارات ... علشان الناس تاخود بلها من الردرات وتهدي ... بس مجتليش الجرءة ... وبعد الثورة كمان كان نفسي حد أبن حلال يشلهم ، بس بيني وبينكم بقيت مره بقول مهلمش لزمة ومرة بقول لا وجودهم ضروري ... لأن في تريلات بتبقى ماشية على 120 و 140 وشايل رمل وزلط وماشاء الله ... مغرق الدنيا وراه ومعفر على كل العربيات ، ومرات يكون في شب توتي كده معاه عربية مساعداه بس تلاقيه غبي مبيعرفش يسوق ويقعد يكسر ويلزق وينرفز خلق الله ... فبقول وجودها ضروري ... والمشكلة تلاقي عيال كتيررررررررررر مبتعرفش تسوق بس بتجري بغباء وأفترى ... ويكسر عليك ، وحتى ما بيسيبش بينك وبينو مسافة أمااااااااااااااااااان على السرعات العالية ... يعني تكون ماشي انتا وهو على 120 ويجي يلزق فيك مسافة ربع متر ... من جنب عربيتك أو من وراك يعني غلطة صغيرة تضيعك انتا وهو ؟؟؟ حاجة تغيظ بجد ... ده غير سواقين التريلات الي فاكرين نفسيهم سايقين عربية نونوو ... وبياخدو غرز بين عربيات الملاكي الكتاكيت الصغيرة .