ما افضل نوع الشاشات بلازما ولا lcd - ولا led وايه الفرق بينهم
عرض للطباعة
ما افضل نوع الشاشات بلازما ولا lcd - ولا led وايه الفرق بينهم
ال اي دي طبعا ثم الال سي دي ثم البلازما
دة موضوع يطول شرحه
هابقي اشرحه لحضرتك بالتفصيل وقت تاني انشاء الله
ولكن بالترتيب كجودة صورة ونقاء
1- بلازما
2- led
3- lcd
والله المستعان
،
،
بالعكس يا استاذ سيد البلازما اسوء صورة ونقاء
الأفضل هو led
البلازما صوره نقيه وعدم انعكاس عالى لكن وزن كبير وعمر قصير
ال سى دى صوره حلوه وخفيف وسعر مناسب جودة صوره معقوله عمر افتراضى ضعف البلازما
ال اي دي صوره واضحه واصائه اعلى ووزن خفيف وعمى زى ال سى دي وسعر اعلى
اعلى شركات بالترتيب من وجهة نظرى عشان ماحدش يزعل
سامسونج ... ال جى ... سونى ... توشيبا ... باقى الماركات تتفاوت
شكرا لردكم واهتمامكم
سوني احسن واحده
بلازما
ال اى دى
ال سى دى
وياريت الناس اللى متعرفش ومجربتش متحكمش
احنا هنا من اجل الافادة فقط لصاحب الموضوع
مش معنى ان البلازما التقنية الاقدم تبقى اوحش وخلاص العكس هوة الصحيح على فكرة
لن ترى لون اسود حقيقى سوى فى البلازما
لن ترى لون ابيض حقيقى سوى فى البلازما
لن ترى شاربنيس وكونتراست حقيقى الا فى البلازما
لن ترى سرعة استجابة للشاشة غير فيها تصل الى 600 هرتز بعكس ال سى دى وال اى دى كبيرهم 200 هرتز
سعرها رخيص جدا مقارنة بال اى دى (انا جايب ال 50 بوصة ال جى ب 4200 )
العيوب
وزن تقيل جدا
عمر افتراضى اقل وان كان يصل الان الى 100000 ساعة زية زى ال سى دى
الشاشة محتاجة عناية من ان لاخر علشان ميحصلش فيها حرق نتيجة اللوجوهات الثابتة على القنوات
البيكسلات ترى بوضوح ان كنت قريب من الشاشة ولامتع رؤية يفضل الابتعاد عن الشاشة 2 متر لحجم مثل ال 50 بوصة
حتى لا ترى البيكسلات ذات الحجم الكبير
عندما ينتهى عمرها الافتراضى تكون لا قيمة لها وغير قابلة للاصلاح لانها غاز بعكس ال سى دى او ال اى دى يمكن اعادتهم للحياة بتغير قطع داخلية بسيطة التعقيد
Led
البلازما تكنولوجيا قديمه .. جت بعدها ال lcd .. واخيراً ال led
ال led جمعت بين صورة ال بلازما المشرقه وجوده ومميزات ال lcd
وعلى فكرة شاشات ال ثري دي .. Led
العمر الافتراضي للبلازما اقل بكثير من العمر الافتراضي لل LCD او ال LED لأن فيها سائل او غاز بينتهي
وانصحك بالسامسونج .. والموديل والحجم بقى انت ابحث فيه
انا عندى lg 3d led جميل جداا وتجيبله رسيفر HD عشان يبقى احسن كتير
ياجماعه
اخر كلام بس عشان تكونو في الصورة
الموضوع كله بيعتمد على عدة عوامل
اولا مساحة المكان اللي هيتحط فيها التلفزيون
اضاءة المكان اللي هيتحط فيها التي في
الارتفاع عن سطح الارض (ايوة الارتفاع عن الشارع!!!))
المساحه الاكبر البلازما بيظهر فيها اكتر
الاضاءه المبهرة زي البيوت اللي واجهاتها ازاز او الاضاءه عالية جدا يبقى البلازما احسن
اما الاضاءة الخافتة زي اوض النوم بيبرع فيها الليد
كل ما ارتفع البيت عن سطح الارض الغاز اللي في البلازما خصائصه بتتغير للاسوأ وبالتالي تبقى البلازما الاسوأ
طيب تطبيق الكلام على ارض الواقع...
احنا معندناش بيوت كبير للدرجه عشان نجيب بلازما
ولو فرض ان عندنا ربنا يزيد ويبارك بس كم واحد مننا عنده الاضاءه شمسيه؟؟
وبالمناسبة فرق الالوان اللي لصالح البلازما بسييييييييييييييط جدا
طيب
موضوع العمر القصير الكلام ده قديم وانتهى واندثر ليه
لان معدل عمر الال اي دي لو اشتغل 24 ساعه 7 ايام في الاسبوع من 26-30 سنة
بينما البلازما من 25-27 سنه وياميييييييييييين يعيش
نكمل بقية المقارنه عشان تبقى كامله والكمال لله
من ناحية استهلاك الكهربا الاوفر هو الليد والاكثر استهلاكا البلازما
البلازما الجديد سمكه بقا زي الال سي دي ومعدش يبقى تخين
لكن لازال اكثرهم اصدارا للحراره هو البلازما
من ناحية السعر البلازما الارخص والاغلى هو الليد
الال سي دي له اغلب خصائص الليد الا ان سمكه اكبر وصورته اقل جوده و استهلاكه للكهربا اعلى
كده اعتقد كل واحد يقدر يحكم حسب معطياته من حيث المساحه والاضاءه والاستهلاك والسعر وربنا يوفقنا لكل خير
تحياتي
فيه تليفزيون Plazma Panasonic ميزته انه الوحيد الى فى السوق الى صناعة تيوانى 100% و الباقى تجميع مصرى ( حتى sony)
عليه ضمان خمس سنين ( الباقى كله سنه واحدة) و فيه wifi ready بيخش على الفيس بوك و سعر ال 42 بوصة حوالى 3800 جنيه بس !!!!!!!!!!!!
انا راى ده افضل قيمة مقابل السعر فى فئة 42 بوصة و كفاية انه ضمان 5 سنين
انا عندي بلازما 52 و lcd 32 والاتنين سامسونج ...
ال lcd شايفه احسن من البلازما بكتير كنقاء صوره والوان ..
حتي قولت يمكن العيب في الريسيفر ..اشتريت للبلازما ريسيفر hd بس برده مفرقش كتيير..
ميزة البلازما الوحيده في رائي هي سعره
هل الشاشةlcd ال32 سامسونج ممكن اجبلها ريسيفر hd ولا لأ؟؟
طبعا احترم الاراء جميعا ووجدت بالفعل بعض النقاط الصحيحة والملعومات المغلوطة
وبناءا علي خبرة طويلة في هذا المجال من جانب الهواية الشديدة للالكترونيات فاحب اضيف الاتي
التريب الصحيح
1-led = lcd
2- بلازما
للاسف الفرق بين ال led و ال lcd ماهو الا خدعة تسويقية فقط
لاستمرار الربح السوقي والتوسع في البيع علي حساب خداع المستهلكين فقط
لو لاحظنا ان لايوجد اي فرق ابدا بين ال led وال lcd
فالتكنولوجيا واحدة ولكن الفروقات في المواصفات فقط
بمعني
حينما اصدروا واعلنوا عن وجود لل led
فاول شيء كان جديد نحافة الجهاز عن ال lcd
اخف وزنا
زيادة اعلي في الكونتراست
الرسبونس تايم اقل في الاستجابة للصورة 2-1 في الثانية
عدد مخارج اكثر لفتحات ال hdmi
ترقية ال usb لتشغيل افلام ال hd
معلومات اضافية علي سطح الشاشة
الدخول علي الانترنت واليوتيوب من خلال الشاشة
تجسيم للصوت
كل ذلك يستطيعوا ان يضعوه في ال lcd لانها امكانيات اضافية وليست مستحدثة بتكنولوجيا مختلفة
واذا عندك lcd full hd 1080p لاداعي ابدا لدفع فلوس لن تري جديدا ابدا وكلها لن تفرق في الصورة ومن خلال تجربة ومن خلال خبرة الا اذا كنت تريد التغير لمجرد التغير وليس كشيئا عمليا او تغير تكنولجي تدفع عليه فرق في الفلوس
عزيزي
الال اي دي يستهلك طاقه اقل وكهرباء اقل والحراره الصادرة عنه اقل
علما بأن ليست كل اجهزة الال اي دي مزوده بكل التقنيات اللي حضرتك ذكرتها كما ان هناك بعض الشاشات الال سي دي تحوي خصائص عدة مما ذكر
الفرق في تقنية الاضاءه
ولتعرف قيمة الال اي دي اتفرج على اللابتوبات الميني الجديده بشاشات ال اي دي وكيف اصبحت بطارياتها تكمل ال8 ساعات وبعضها وصل ل 10 ساعات (الاسوس) بفضل الله ثم تحويل الشاشات الى ال اي دي
علما ان هو ده التغيير الوحيد اللي جددوه ...
تحياتي
حضرتك استوعبت كلامي بشكل خاطيء
انا بقول ان لايوجد فرق بين ال led وال lcd كثيرا وكل مافي الامر انها حيلة تسويقية ليس اكتر
بالاضافة الي مااشرت حضرتك اليه بخصوص توفير الطاقة والكهرباء اي انها كلها تغيرات ليست جوهرية بل تغيرات ضمنية
مثال علي ماقدمته السيارة ال BMW الفئة الخامسة كما هي من سنوات عددية ولكن بعض التغيرات والامكانيات التي تناسب العصر والزمن زجاج كهرباء وتكييف وشاشات خلفية وامامية وكنترول كامل بشاشة وهكذا
اي ان السيارة هي هي
والفئة هي هي
ولكن الاختلاف الموديل اي انهم لم يخترعوا سيارة تطير في الفضاء ولا سيارة بنفس الفئة تسير في المياه وقتها هنا الطفرة والتغيير
ارجو ان تكون المعلومة وصلت
اما بخصوص البلازما فلن اتحدث عنها لان الجميع يعلم عنها انها كانت طفرة وقت ظهورها ولكن اصبحت ماضي والدلائل كثيرة علي كلامي وبما اننا نتحدث عن تسويق وشراء فالسعر هو الفيصل في ذلك ويحدد ذلك
اما الاخوة اللي بيدافعوا عن البلازما فهو من باب عدم ركب سير التكنولوجيا وعدم التغيير مع احترامي الكامل لارائهم وتجاربهم واي احد يريد تقرير مفصل ومقارنة ياتني بحجج وبراهين وساقوم بالمثل للتاكيد علي صحة كلامي