ملاكي بيبلطج علي تريلا !!!!
النهارده و انا علي الدائري قبل كمين المرج
قدامي تريلا و جنبها مازدا 3 هاتشباك نمر جمرك
و الطريق زحمه و ماشين تاتا
التريلا كسر علي المازدا جامد (كعادتهم يعني ) بس مخبطهوش
بتاع المازدا زمر جامد و بعدين وقف و نزل منها اتنين
قعدوا يخبطو في التريلا و طبقوا للراجل الباب بتاع التريلا بحديده تقريبا و فتحوا الباب و شدو التباع من العربيه علشان يضربوه و لما السواق نزل عاوزين يضربوه برضو و الناس تفض و دول عمال يشتموا و يتنططوا
الغريب بقي اني بتاع التريلا قاعد ساكت انا قولت هيطلع يركب العربيه و يفعصهم
و بعد كده عند الكمين لقيت بتاع التريلا ركن و نزل بلغ عن بتوع المازدا و لقيتو واقف بيشاور للعساكر و علي المازدا و راحو علشان يمسكوهم .
الواحد كان فاكر ان بتوع المكروباص و النقل بس ال بلطجيه بس الظاهر انو كلو دلؤتي بيبلطج