لو سمحتم طالب الافاده في كليو 2002

**wael2two** · 16-02-2012 01:44 AM

السلام عليكم انا مش هطول عليكم بس ارجو انكم تساعدوني يا وحوش الكليو بجد انا حاببها وعندي حبه قلق بردو مش هطول عليكو انا معروض عليا رينو كليو 2002 فبريكه دواخل و رشه بره 1400cc اوتوماتيك راكب عليها جنوط ميجان 2008 ماشيه 95000 وسعرها 36000 ج

فهل السعر كويس عليها ؟
الاتوماتيك في الكليو حلو ولا فيه مشاكل ولو حلو مش وحش اشيك عليه ازاي؟
قطع الغيار متوفره ولا هتعب فيها و اسعاراها عامله ايه ؟

الصراحه من شهر وانا عايز اشتري حاجه بالحدود ده فكانت هى الي اودامي وعجباني ومتابعها بس عمري ما جربتها فمش عارف اقيم هستريحلها ولا لا
وهل هى ولا الفيات السينا 2003؟ ( هى بردو في حدود السعر ده )

بجد موضوع الشرا ده صعب مكنتش متخيل كده ابدا
وانا شاكر ليكم و عذرا للاطاله و الصداع

**عمرو عمارة** · 16-02-2012 05:41 PM

وعليكم السلام

غريبة أوي إنها 2002 والـ1400 سي سي وأوتوماتيك كمان !!.....إتأكد من الموضوع ده وإحذر لأن ممكن العربية تكون متعدلة ومعمول في شغل جامد......أنا مش بقول إن ده عيب ( لو إتعمل صح ) ولكن لازم صاحبها يقولك إيه إلي عمله فيها بضبط لأن السعر ده مقلق جداً

أنا معلوماتي إن الـ1400 سي سي 16 صباب نزل في موديلات 2001 و2005 وبعض 2006 والأوتوماتيك نزل في موديلات 2005 فقط

في ملاك كتير هنا معاهم 2005 أوتو وبيقولوا كويسة بدون مشاكل وقطع الغيار متوفرة

يسر الله لك

**wael2two** · 17-02-2012 04:13 AM

متشكر اخي الفاضل عمرو عمارة كلامك مظبوت الراجل باه بيتهرب مني لما سالت كتير عن حالة العربيه لدرجة انه اداني معاد و ملتزمش بيه و شاكر لتعبك انا مباتش عارف الصراحه اشتري ايه في الحدود ده

**osha_ahmed** · 17-02-2012 12:20 PM

طبعا مفيش وجه مقارنة بين الكليو ..والسينا ..مع كامل احترامى لملاكها
دور على حاجة تكون موديل 2005 1400 لو حابب تركب اتوماتيك
انا معايا كليو 1200 2003 الحمد لله ميش مزعلانى فى حاجة ..تركبها ولا تحس انك راكب عربية 1200 خالص

قطع الغيار متوفرة ولكن طبعا اغلى شوية من الكورى ..ولكن معمرة
وانا تحت امرك فى اى استفسار

**medohai510** · 18-02-2012 01:40 PM

أكيد العربية متركب عليها الموتور الأوتوماتيك لأن بداية الأوتوماتيك التركي من 2005 وأنا معي 1400 أوتوماتيك موديل 2004 أرجنتيني لكن كلة زي بعضة في كل شيء لا فرق بينهم نهائياً
ولا يعيبها شيء لو التعديل مظبوط ومعمول صح لو حتي خارج التوكيل
والنصيحة أنك تكشف عليها في التوكيل علشان تعرف تفاصيلها أكثر
والله الموفق

**عمرو عمارة** · 18-02-2012 04:43 PM

جديدة موضوع 2004 أرجنتيني وأوتوماتيك......أنا كنت فاكر إن الكليو السيدان كله تركي

أيضاً عرفت اليوم أن أحد الأعضاء يمتلك 2006 أوتوماتيك.....أنا كنت شاكك في المعلومة دي لكن هو أكدها....بس هي قليلة جداً

معلومات جديدة تُضع في الحسبان

**medohai510** · 19-02-2012 09:51 PM

المشاركة الأصلية كتبت بواسطة عمرو عمارة

جديدة موضوع 2004 أرجنتيني وأوتوماتيك......أنا كنت فاكر إن الكليو السيدان كله تركي

أيضاً عرفت اليوم أن أحد الأعضاء يمتلك 2006 أوتوماتيك.....أنا كنت شاكك في المعلومة دي لكن هو أكدها....بس هي قليلة جداً

معلومات جديدة تُضع في الحسبان

لا يا باشا الرينو لها مصانع كتير غير تركيا وفرنسا والمغرب يمكن هما دول ألي نعرفهم هنا في مصر أما صاحب المعلومة (بتاعت أن الكليو الأوتوماتيك ما قبل 2005 أرجنتيني) كان صاحب محل قطع غيار مش فاكر هو مين لكن لما كنت بسأل عن قطعة غيار أول ما بقولوا 2004 أوتوماتيك قال أنتا جايبها معاك من برة لأنها منزلتش مصر خالص لأنها أرجنتيني مش فرنساوي ولا تركي، وبعد كدة وأنا برخص العربية وبجين شهادة بيانات من المنصورة (لأنها كانت مرور المنصورة) فالموظف فتح الملف وقالي أنها كانت تابعة لشركة سياحة وتم بعها بعد أنتهاء حظر البيع وأنها مستوردة من الأرجنتين فعلاً