الموضوع: تحليل حلقة مافيا سرقة السيارات من برنامج لازم نفهم للأعلامي مجدي الجلاد

أول حاجة:

أحب أحييك أستاذ syd على تلخصيك للحلقة بالشكل الجميل ده..انت كده ماشاء الله لخصتها في 5 دقايق للناس اللي ماشافتش الحلقة

*أنا شوفت الحلقة امبارح وأجلت مشاوير بسبب الحلقة هههههههههه

أنا كل اللي مدايقني في الحلقة دي ومجنني ان اللس اسمو(مفتاح) ده بيقول أنا أقدر أسرق العربية حتى لو فيها انذار!!!

فعلا والدي كان معاه حق لما كان بيقولي اللي عايز يسرق عربية مش هيغلب وهيسرقها حتى لو فيها انذار.

طيب يجماعة افرد إن الإنذار ده في خاصة فصل الماتور يعني مش بس صوت ولا قدر الله جي الحرامي وفصل الإنذار. طيب يعني كده هتدور بردو ولا لا؟

طالما هو بردو بيكسر كونتاك العربية ويوصل الأسلاك؟

*أنا أحمل أفراد الشرطة المسؤلية بنسبة 98% هما السبب في كل اللي بيحصل ده, لأنهم سايبين الحرامية ياخدو راحتهم ومش بيتصدو لهم وعارفين أماكن العربيات اللي اتسرقت, وعلى كلام مفتاح أنهم وصلو لدرجة لنهم ممكن يساعدو الحرامية في تهريب العربيات المسروقة!!

حسبي الله ونعم الوكيل.

أنا جوز خالتي واحد صحبه اتسرقت منه عربية تاكسي فيرنا جديدة كان جايبها تقسيط, اللي سرقها اتصل بصاحب العربية وكان عايز منو 20 الف جنيه, راحو للقسم عشان يقدمو بلاغ(وجوز خالتي
كان معاهم), لواء شرطة بنفسه قالهم انصحكم تتصلو بالرجل وتتفاهمو معاه!!!

الناس اتصدمت لما سمعت كده,

وبعدين قالولو افرد ادينالو الفلوس وخدها ومرجعلناش العربية

قالهم لأ هيرجعها لكم الناس دي كلمتها واحده!!!

وفعلا في الاخر اتفاهمو معاه على 15 ألف جنيه والراجل يعيني واخد العربية تقسيط وكل شهر بيدفعلها اقساط, وقعد يلم الفلوس من الناس وكلمو الحرامي وبعت واحد ياخد منهم الفلوس وممعهوش العربية وقالهم احنا هنبقى نجيبهاك تحت البيت, وفعلا تاني يوم العربية كانت تحت البيت.
منهم لله.
الكلام ده كان من شهرين تقريبا.

خلاصة الكلام إن غياب الأمن في البلد هو السبب في كل البلاوي اللي بتحصل دي.

في النهاية اسف لو كنت طولت عليكم بس حبيت أديكم عينة من الأفلام اللي بنشوفها دي

وربنا يسترها ويبعد عننا اولاد الحرام.

وياريت لو حد يجاوبني على السؤال اللي فوق ده لأن عربيتي كان فيها انذار من القديم ده وباظ وعايز اجيب واحد حديث.

وشكرا,

شكرا على هذا التحليل الرائع