الموضوع: العربية دي تستاهل السعر ده فعلا ولا لأ ؟ ضروري وبسرعة!!!!!!!

128 لإني مش مقتنعة بيها اوي بس هيا ميزتها الوحيدة قطع غيارها الرخيصة وسهولة صيانتها بالنسبة لأي مستجد في السواقة بتبقي عملية.
منتظرو ردودكم يااحلي منتدي والله

اوك معاكي في اللي بتقوليه
بس ال 128 مش بتستحمل سفر اسكندريه و البهدله
غير كده حاجه قطع غيار رخيصه اه لكن مش معمره
لان ببساطه قليل لما تلاقي قطعه غيار ايطالي او الماني حاليا الا في العفشه احيانا كمان .
يعني قطع الغيار الموجوده يا صيني يا مصري و لو نضيف اوي يبقي تركي!!!

محمد لسة عامل المشاركة دى

المشاركة الأصلية كتبت بواسطة mohamed_rhem

انا شخصيا معايا شاريد 90 الحمد لله زي الفل شغاله مفيش مشاكل وقطع غيار ممتازه ومكيفه وسحب بسم الله ماشاء الله بسافر بيها شرم الشيخ والصعيد
طبعا عربيه ناعمه وواسعه غير الماروتي واعتماديه

واول ما تحسى انك نويتى على عربية معينة روحى القسم بتاعها و هاتعرفى كل المعلومات بتاعتها بالتفصيل
وماتقلقيش حاجاتها و الميكانيكية بتوعها موجودين فى الحرفيين كتير
اول ما تعرفى ميكانيكى واحد منهم هناك وتتعاملى معاة .. يبقى خلصت

المشاركة الأصلية كتبت بواسطة SEATLOVER

محمد لسة عامل المشاركة دى


واول ما تحسى انك نويتى على عربية معينة روحى القسم بتاعها و هاتعرفى كل المعلومات بتاعتها بالتفصيل
وماتقلقيش حاجاتها و الميكانيكية بتوعها موجودين فى الحرفيين كتير
اول ما تعرفى ميكانيكى واحد منهم هناك وتتعاملى معاة .. يبقى خلصت

متشكرة اوي لمساعدة حضرتك ليا وانا بدرو في كل موضوعات الشاريد ولاقيت كمان دايهاتسو ميرا شكلها حلو بس لاحظت لما دخلت علي Cars100100 ان الاسعار اعلي من اللي انا حاطاه وكمان العربيات تاريخها قديم من 2007 ومفيش دايهاتسوا كتير.

عموما اديني هادور واشوف كده ايه الانسب ليا وميرسي مرة تانية لردك واهتمامك

وياريت لو حد عنده اي اراء تانية يفيدني برده

المشاركة الأصلية كتبت بواسطة birdybirdy

متشكرة اوي لمساعدة حضرتك ليا وانا بدرو في كل موضوعات الشاريد ولاقيت كمان دايهاتسو ميرا...

الميرا ممتازة بس سعرها اعلى من اللى معاكى عشان كدة ماقولتلكيش عليها
وعموماً العربيات دى نادرة شوية ..واللى معاة حالة حلوة منها مابيبعش
معلش هى عايزة شوية صبر
لإما ماروتى زيرو ..قسط

مفكرتيش في ابيزا سيستم بورش موديل 92 1200 سي سي انجكشن عربية ممتازة بس للاسف مش عارف سكة قطع غيارها

المشاركة الأصلية كتبت بواسطة ahmodium

كتييير جدا


انا ليا رأي بالنسبه للبنات

ان بلاش 128

عشان حاجات كتييير
متعبه جدا بالنسبه للبتات

مفيش باور.... ودي مشكله كبيره..
العربيه تقيله ومش ناعمه..
ولو عطلت منك هاتحتاسي فيها

عموما فكري كويس وشوفي اي عربيه خفيفه وباور

هي عموما اي عربية لو عطلت مني هاحتاس فيها لاني معرفش اي حاجة في حوار العربيات ده خالص ولا كان ليا اختلاط بأي ميكانيكية قبل كده.
بس انا اتعلمت السواقة علي 128 هو اينعم الدريكسيون كان تقيل شوية بس محستش بتقله الا في الركنة والطلوع من الركنة غير كده كان معقول جدا.
بس عموما حضرتك تقترح عليا ايه بال 20 الف اللي معايا دول لإنهم مايجيبوش لاباور ولا غيره للأسف ومقدرش دلوقتي افكر في زيرو وتقسيط وحركات من دي عشان انا زي ماذكرت قبل كده مبتدئة سواقة يعني هابهدل اي عربية هاركبها انا عارفة نفسي وعارفة سواقتي

المشاركة الأصلية كتبت بواسطة mohamed ibiza

مفكرتيش في ابيزا سيستم بورش موديل 92 1200 سي سي انجكشن عربية ممتازة بس للاسف مش عارف سكة قطع غيارها

فكرت فيها والله بس دي ان شاء الله لما ابوز فيها حاجة اتصرف ازاي بقي؟ لإني عارفة إن قطع غيارها غالية جدا ده ان لاقيتها اصلا واللي بعد السيستم بورش بتتكلم في 35 و 40 الف كمان :angelsad2: