الموضوع: انه ..... لمذاق لذييييييييييييييييد حقا

ازيكم .... طبعا كله ريقة جرى و سال لعابه ........ لمجرد قراءة العنون
و قطعا كل واحد سرح فى الشيىء اللى بيشتهية ........ طبق كفته و كباب ... او نص مشكل ......او شوربة سى فووود ... او طاجن كوارع .... او حتى تفاحه زى اللى لهفها الشبل الصغير منى و التهمها امام عينى قوتا و اقتدارا ......
اسمحولى انى اضرب كرسى فى الكلوب ..... و اخليها ضلمه عليكم .......... و اخرجكم من احلامكم الوردية ....
انها يا ساده طعم المغامرة ..... نعم طعم المغامرة و المخاطرة و الجنون ..........
زى ما حضرتكم عارفين ... انى بالرغم من انى عايش فى الجانب الهزلى من الحياة و مقضيها كوميديا الا اننى متلزم جدا بقواعد المرور .. و بمشى متلزم جدا و مش بتاع غرز و لا حوارات ......
المهم .... جتلى طوفه انهارده غريبة .... بنكش كده فى فلاشه الكاست لقيت اغنية جميلة كنت بسمعها و انا فى الجامعه اسمها " متقلبش المواجع " بتاعت عمرو مصطفى ..... قمت مشغلها و عليت الصوت بس مش قوى ... و قولت يا واد متشوف الناس اللى بتجرى ده بتحس باية ؟؟؟ و جريت و كان الطريق مفتوح و مغرى و ببص لاقيت سواق تاكسى لابد فى شنطه العربية ورايا يا دوبك سنتيمترات بين الاكصدام بتاعه و الاكصدام بتاعى و انا خايف اقف او اهدى علشان ملقاهوش قاعد جنبى على الكرسى .... المهم ادى انتظار مفيش فايدة ... اخد غرزة فى التانية ... و الباشا برضة لازق فيه كانى قاطر عربيته .... جينا عند الكوبرى لاقيت الناس كلها بتتفرج عليها و تخليت نفسى خارج من العربية شابك ايديا فى بعضيها و رافعا لفوق تعبيرا عن الفوز و الناس كلها بتصقفلى و رايح استلم الكاس و لا اجدع شوماخر .....
و للاسف اللى خرجنى من الحلم الجميل ده صوت صراخ الاربع فرد بتوع التاكسى على الاسفلت و قمت سادد ودانى و حسيت انى العربية هتاخد بالشلوت ..... و استنيت علشان اسمع طاخ بوم طشششششششش ..... مفيش حاجه ... الحمد لله ... المهم مشيت شوية و دخلت على شارع بطيىء عند الشغل بتاعى ... لاقيت التاكسجى عمال يدينى قلاب زى نور و طاير ناحيتى ..... المهم قمت ساحب الشومه من تحت الكرسى و لسه هنزل ارزعه زغروف !!! لاقيته جه جنبى ... و قالى : ايه باشا .... هى الاغنية ده اسمها ايه ؟؟؟ قولتله ..... تيت تيت توت تيت توووووووووووووت ابوك !!!!!!
و كان هاين علية ارزعه بالفلاشه فى وشه ؟؟؟؟ و مشيت
و طلعت على الشغل و مسحت الاغنية من الفلاشه و كتبتكم الموضوع ده ........