-
سوزوكى سويفت
السلام عليكم و رحمة الله و بركاته
استفسار..أنا عندى سوزوكى سويفت موديل 1997 كنت شارى العربيه نضيفه جدا لكن كنت بسمع صوت تسقيف فى الموتور فرحت للميكانيكى عشان اضبط الكهربا و بعدها حسيت ان العربيه مش مضبوطه...الأول كنت لما انقل من الأولانى لللتانى يفضل صوت البنزين معلق سنه يعنى زى اللانوس كده..وده كان كويس لما ارفع رجلى من على دواسة البنزين و انا مدى غيار.مبيخليش العربيه تلم جامد..دلوقتى الصوت ده راح بعد ما ضبطت الموتور فحاسس ان العربيه متغيره..انا سألت الميكانبكى وقال لى ان ده بلف و مدام اتلعب فى الموتور فصعب انه يرجع تانى.
من ناحيه تانيه عندى الأبواب بتخبط فى المطبات و حاسس ان الكارتون اللى مشدود عليه فرش الأبواب قوس وده عمل فرق بين الباب و الفرش...فهل دى مشكله معروفه فى السوزوكى التقفيل المصرى؟ وهل ليها علاج؟
-
بالنسبه للموتور
ف هو عاوز ضبط تاكيهات و كهرباء وهواء
بمعني اصح الكاربيراتير يتفك يتنضف و يضبط الكهربا.
خلي بالك و هو بيفك الكاربيراتير في سيكس بلف في وش التاكيهات \
السيكس بلف دا طالع واخد وصله صغيره جدا من خرطوم الفايظ
و دا بيفيد ان لو صباب معلق او لازق بيجيب هوا من بخار الزيت و يدخله للموتور تاني
فبيضبط العربيه.
السيكس بلف ب 50 جنيه استعمال و مفيش منه جديد و ما تخليش الميكانيكي يفتكس فيه و يحاول يركب بتاع تويوتا و الهجص دا (دا في حاله لو كان بايظ)
و لو بايظ حتلاقيه بيجيب زيت علي الوش كله
لو سليم و الخرطوم دا مقطوع هات خرطوم استعمال برضه ب 20 جنيه .
و لو عملت دا كله (تنضيف كاربيراتير و ضبط هواء و كهربا و مراجعه السيكس بلف )
الموتور حيتظبط باذن الله.
.......................
بالنسبه لفرش الابواب محتاج سروجي نضيف يجيب سوليتكس جديد و ينقل فرش الابواب القديم علي السوليتكس الجديده \
و هو بيعمل السوليتكس الجديد يبقي يراعي اماكن الكليبسات علشان ما تخرمش في فرش الابواب و يبقي شكله مش كويس
انا عملت السوليتكس دا بايدي و النتيجه كانت 80 % من الفابريكه!!:)
لو تعرف تعمله اعمله لو مش عارف شوف سروجي محترم
و اي خدمه :)
-
حزومة هو في سربنتينة للتكيف جديدة لو استعمل بكام.اظن ياخي كريم ان اخي حازم افادك
-
اللي اعرفه يا محمد باشا ان فيه مستعمل و في حدود 200 جنيه
عموما انا نازل اجيب فتيس قريب اللي عاوز اسال له علي حاجه يقول
-
جزاك الله خيرا
جزاك الله خيرا يا أستاذ حازم...ربنا يجعله فى ميزان حسناتك ان شاء الله.
Content Relevant URLs by
vBSEO 3.6.0 PL2