سؤال مهم للى عنده ماروتى

**manuel_jose** · 16-02-2012 04:52 PM

سلام عليكم ازيكم عاملين ايه انا اول مره اشترك معاكم وكنت عايز اخد رايكم فى حاجات بلاحظها فى العربية اولا انا عندى ماروتى موديل 2008 دلوقتى المشكلة اللى ظاهرالى انى بسمع صوت رجه كده فى التابلوة معرفش ليه وانا ماشى او وانا واقف وقولت لبتوع التوكيل ومفيش حاجه اتغيرت معرفش العيب منين زى صوت ترزيع كده فى التابلوه مع ان هو رد عليا وقالى صواميل التابلوه كانت عايزة تربيط وربطهالك بس بردو الرجه موجوده دى حاجه الحاجه التانية بسمع صوت زى حاجه بتشحر كده وانا بدوس فرامل عارف لما واحد يكون بيشرب سجاير ويجرى ويشحر كده بصدره ههههههههه هو نفس الصوت ده بيحصل لما بدوس فرامل برده مش عارف الصوت ده معناه ايه ياريت لو حد فاهم اللى بيحصل ده سببه ايه يرد عليا وشكرا

**sarah5** · 16-02-2012 05:27 PM

احيانا فعلا بيبقي فيه صوت لما بدوس ع الفرامل قالولي عادي وصوت من ورا زي صوت رجة المية قالولي ده صوت تنك البنزين بس عادي مش مهم حاجات بسيطة :-)

**Amr Axel** · 16-02-2012 05:35 PM

مش عارف موضوع الفرامل ده في الماروتي كلها ع كلام sarah5
اتمني مالكي الماروتي يفيدوك لأني التو :)
بالنسبة الرجة ممكن تكون من التابلوه فعلا كان عندي تخبيط في التابلوه و الباب اليمين فكيت الباب و ربطت و ربطت كل المسامير اللي شوفتها قدامي في التابلوه و شيلت اي حاجة في التابلوه تخبط و التخبيط راح
بس عامة امتي بتسمع الصوت و الرجة و الصوت جاي منين تحديدا ؟؟

**dr.hazem** · 16-02-2012 07:56 PM

صوت الرجرجه غالبا التابلوه عايز يتربط او في حاجه جوه الادراج هيا اللي بتهز من هزة الماتور

وده طبعا يخليني اسألك : هل كهربة العربية مظبوطه اكيد ولا محتاجه ظبط؟؟
لان كونه انه مكنش بيتهز وجديد بقا بيتهز يخلي السؤال ده من اهم الاسئله على اللسته عندي

وياريت تدينا لمحة عن العربية ككل
عامله كام كيلو وآخر صيانه امتى وغيرتلها ايه؟؟؟

ده كمان عشان نجاوب على سؤال الفرامل
لان الفرامل ملهاش صوت
فلو التيل متغير قريب يبقى تيل وحش غالبا
او لو مغيرتهاش ممكن ده الصوت اللي يدل على موعد تغييرها وساعتها المفروض زيت الفرامل يكون قل وممكن لمبة الفرامل في العداد تنور

تحياتي

**dr.hazem** · 18-02-2012 09:33 PM

المشاركة الأصلية كتبت بواسطة manuel_jose

الى الاخ hm 414 والله يا باشا انت سالت اسالة كتيرة بس كلها مهمه وانا هرد عليها كلها بالنسبة لكهربة العربية المفروض انها تكون مظبوطه لان انا بعمل الصيانة على طول فى التوكيل وبيغيروا اطقم الكهربا كلها تانى سؤال العربية عامله اربعين الف كيلو واخر صيانة ليها كانت صيانة الخمسة وتلاتين كانت من 3 اشهر تقريبا واتغيرلها طقم كهربا وزيت طبعا وفلتر زيت السؤال التالت بالنسبة للفرامل انا فعلا كنت مغيرلها تيل فرامل من سنة تقريبا او سنة ونص وطبعا انت عارف الاصلى مش بيتباع وانا جبت واحد هندى درجة تانية طبعا بيصفر والكلام ده كله بس الصوت اللى بقولك عليه ده جديد وبعدين انت قولت نقطه مهمه جدا لان فعلا لمبه زيت الفرامل كانت نورت عندى وافتكرت العيب منها ومليتها بس برده الصوت موجود عموما يا باشا الف شكر ليك واتمنى اكون جاوبت على كل الاساله واعرف العيب منين وشكرا

تمام كده ياعزيزي
العيبين واضحين
الكهربا عايزة ظبط طبعا وخصوصا ان التوكيل ناس كتير اشتكت منهم انهم مش بيظبو الكهربا كويس
فأنا انصحك تروح لميكانيكي ينظف الكربيراتير ويظبط الكهربا ولو انت قريب من المطرية في حد كويس ممكن ادلك عليه

اما التيل فانجز غيره قبل ما ياكل الطنابير لان زيت الفرامل مبيتزودش
ده بينقص كتعويض لتآكل التيل وكون اللمبه نورت يبقى التيل بالسلامه وده صوت احتكاك حديد فبعضه
لان التيل خلص ومش فاضل غير الحديده بتاعته

يفضل تعمل الموضوع ده قبل كهربة العربية ومتتأخرش عشان الطنابير الاماميه...

تحياتي

**dr.hazem** · 18-02-2012 09:50 PM

المشاركة الأصلية كتبت بواسطة m7nsh

كلام سليم جدا .. فى اختبار صغير كده يعرفك اذا كانت الكهربا فعلا عاوزه تتظبط ولا العيب من حاجه تانيه .. زود بنزين كده بالراحه وانت واقف ممور و حاسس برجرجه وشوف بتروح مع زياده البنزين_حاجه بسيطه مش كتير_ ولا زى ماهى .. لو راحت يبقى منها لو مراحتش يبقى فعلا فيه مسامير مفكوكه او سايبه ..
و الصوت ده اكيد التيل خلص ... انت بتقول مغيره من سنه .هو عامه صوت مستفز و بيوجع القلب ونا حافظه ههههههههه .. روح اكشف ع التيل بسرعه حفاظا ع الطنابير ..
صباح الفل يا زووم .. اموت فى تحليلاتك يا حج .. مش كنت تطلع دكتور تحاليل ؟؟

هههههههههههههههههه
يامحنش بيه

تحاليل ايه بس
عايزهم يقولو عليا في البلد فني مختبر!!!
ههههههههههههههههههههههههه هههههههه

عادي يعملوها
ههههههههههههههههههههه

-

-

الموضوع: سؤال مهم للى عنده ماروتى

LinkBack

أدوات الموضوع

عرض

-

-

-

-

-

المواضيع المتشابهه

سؤال فى السوزوكى ماروتى

ماروتى سوزوكى توقف أنتاج ماروتى 800

حد عنده ماروتى للبيع

سؤال للي كان عنده عربيه قبل الجين

سؤال للى عنده ام بى ثرى الولاعه

الكلمات الدلالية لهذا الموضوع

المفضلات

المفضلات

ضوابط المشاركة