السلا عليكم ورحمه الله وبركاته
شباب انا محتار بين العربيتين دول الأتنين اوتوماتيك وفول اوبشن
اتمنى ان تساعدونى فى الأختيار ما بينهم
وشكرا مقدما
عرض للطباعة
السلا عليكم ورحمه الله وبركاته
شباب انا محتار بين العربيتين دول الأتنين اوتوماتيك وفول اوبشن
اتمنى ان تساعدونى فى الأختيار ما بينهم
وشكرا مقدما
الصنى عربية محترمة اووووووووووى و وكيلها ممتاز افضل من وكيل بروتون بمرااااااااااااحل
على فكرة انا كنت فى نفس حيرتك عشان شكلك البروتون كان شاددنى و شبابى بس الحمد لله جبت الصنى الشهر الى فات و مش ندمااان نهائى
مش عايزين الموضوع يقلب بدم يا جماعة, ههههههههه.
ياريت يا جماعه لو حد من المحترفين يقول مميزات وعيوب كل عربية لان انا واقع في نفس الحيرة..وانا جديد لانج في موضوع العربيات ده وبفكر اجيب مستعمل قبل ما أشتري جديد..ايه رأيكم يا جماعه؟؟؟؟؟
المستعمل عاوز حد خبرة معاك عشان المقالب....لكن عن نفسى بفضل الزيرو اريح بكتييييييير دا لو انت بتسوق كويس
هيا الصني الجديدة مش هتنزل ولا ايه؟ وحتى لو نزلت بصراحة شكلها يقرف ( سوري يعني دي ازواق ) القديمة احسن منها في الشكل
موديل ٢٠١٢ نفس الشكل القديم و احتمال بقى مؤ ٢٠١٣ تبقى الشكل الجديد
ياااااااااااه
الموضوع ده اتهري 100 في فيلم قبل كده
علشان كده هاسميه
لا جين تو ولا بروتون (الصني الدامية)
ههههههههههههههههههههه
--------------------------------------------
ممكن تنزل في ارشيف المقانات وتقلب في المواضيع هتلاقي كل اللي نفسك فيه :))))
الجين تو من اشيك واحلي العربيات اللي فئتها وتابلوها شيك و فيها كماليات محترمة مش موجوده في عربيات اعلي منها بكتير
بس عيبها من وجهة نظري ومجبتهاش علشانها
1-الخامات من جوه ضعيفة شويه و عربيات الزراير بتاعتها بتتمسح و لما قعدت فيها بالرغم من جمال شكل التابلوه ماشاء الله بس حسيت انه ضعيف اوي بلاستيك وواضح ...... يعني مش بلاستيك وواخد طبقة شمع او جلد.
2-التوكيل اسوووووووء ما يكون وده اللي مكنتش اعرفه اوي وعرفته بعدين بس فيه مركز اسمه الصفا ماشاء الله ملاكها مبسوطين منه
.3- قطع الغيار .... فيه حاجات سمعت فيها ارقام فلكية وده راجع انها مش منتشرة و توكيلها سئ
بس ملاكها ليهم صرفة ممكن يظبطوك فيها ان شاء الله
--------------------------------------------
الصني
عيوبها
1- شكلها (لبعض الناس) الهادي جدا كلاسيك بمعني اصح ........ التبلوه شكله برده كلاسيك
بس خاماته اعلي من الجين و متحسش انه بلاستيك
2- الكنبة اللي ورا ضيقة الي بعض الناس زيها زي الجين تو بالظبط ........ نفس الصالون
3- العفشة ناشفة الي حد ما ....... بتنعم بعد فترة .بس بتديك ثبات علي الطوالي
مميزاتها
1- ماتور محترم قوي وفتيس عزمه قوي وعفشة محترمة ماشاء الله ...... ياباني
2- صاج محترم وفرامل ممتازة
3- وسائل الامان abs,ebd ......... اير باج للسواق والراكب اللي جنبه في السوبر صالون ... للسواق بس في ex
4- شنطة واسعه جدا ماشاء الله
5- قطع غيارها انتشرت كتيييييييير ماشاء الله و فيه منها انواع
6- توكيلها محترم جدا جدا والحمد لله كل فترة بيزيدوا
--------------------------------------------
من الاخر لو انت قابل شكل الصني ......يبقي صلي استخارة وتوكل علي الله
لو قافل منها .......... هات الجين تو و ملاكها ربنا يبارك فيهم محدش بيتأخر عن حد
طيب بادئ ذي بدء كده .. انهاءاً لموضوع الشكل
صني 2012 هاتنزل في نص السنة ديه ان شاء الله وشكلها جميل جدا واقرب للتيدا كتييييير وده اللينك بتاعها
http://www.nilemotors.net/Nile/211818-2012.html
بس برده هاتبقي تقفيل مصري وده مش لعيب ولا حاجة بس علشان انت تبقي عارف برده
وسعرها هايبقي في الرينج بتاع صني الحالية لغاية اول فئة في التيدا (اعتقد كده) وهاتكون موجوده في الفورميلا اللي جاي ان شاء الله _بس اياك يهمدوا بقي ويحددوا ميعاده_
.................................................. ..
الصني الشكل الحالي ...... هي تقفيل مصري
وعلشان معايا وصدقا اقولك علي الي لقيته عندي
انا لقيت عندي ........ ولا حاجة :))) ماشاء الله ههههههههههههه
فعلا كعيوب تقفيل عندي حاجة بتلخلخ حاجة مش عارف ايه .... لا متلاقيش بفضل الله
وتقفيلها افضل كتييييييييير من عربيات جاية من بلدها ماشاء الله
وحاول تنزل تشوفها في معرض وهي واقفة ..... ولو عايزني ممكن اقابلك او تنورنا في اقرب مقابلة وتفكها حتة حتة :)))
العيب المشهور بتاعها (الضفيرة) وديه غيرتها وانا في التوكيل لان الRPM كان اوقات بيعلق ........ حطوها علي الجهاز و لقوا انها عيب ضفيرة واتغيرت عندهم ومحصلتش تاني حتي بعد الضمان لما بيخلص بيتغير عادي ............ والجديد فيها لما غيرتها ان العيب ده اتعدل والجديد مش هاينزل بنفس الضفيرة ....وديه بتبقي عربية حالة شاذة.
.................................................. ..*
استهلاك البنزين
الحمد لله رب العالمين ...... مشتكش من اسنهلاك خالص بفضل الله
ان سواقتي كلها جوه البلد و بنقل علي 4000 ار بي ام و بتعمل معايا من 210- 212 في الصفيحة ماشاء الله تبارك الله
محسبتهاش علي الطوالي
وده لينك في استهلاكات بنزين جميع اعضاء الصني اقراه اكيد هاترتاح نفسيا :))
http://www.nilemotors.net/Nile/227761-180.html
وده الفهرس بتاع منتدي نيسان كله وهتلاقي فيه كل اللي نفسك فيه من اول الفروقات اللي بين الموديلات لغاااية الكماليات والاكسسورات للصني والتيدا وكل الموديلات
http://www.nilemotors.net/Nile/163656-a.html
واخيرا متنساش الاستخارة وربنا ييسرلك كل خير يارب العالمين
sonasteel .. احترمك
متشكر لكل الشباب اللى رد الحمد لله صليت استخاره وقلبى ميال للبروتون
فمتشكر جدا للى قعد وساعد وكتب فى الموضوع لمساعدتى