........ انا اترشحت ظابط احتياط ........ برجاء المساعدة

**Hacker5** · 16-02-2012 05:40 PM

بسم الله الرحمن الرحيم
طبعا بعد الكشف و الانتظار بين كل كشف و التانى و الاحراج اللى الواحد بيتعرضله من خلع الملابس كليا و الذى منه
بس العملية اتظبطت عن الاول بكتير اول مرة يعملوا كشف لكل كلية لوحدها كان كل كلية ليها يوم تروح تكشف فيه
احنا كنا على بعضنا مش مكملين 300 نفر على عكس النظام القديم كان كله بيدخل فى يوم واحد و طبعا بيكونوا باللافات
انا روحت يوم الاربع اول يوم كشف و النهاردة كان عندى كشف رمد
و كانت نتيجتى 3- مع انى 4- فى الكشف بتاع المستشفى اللى بروحها و دة طبعا بسبب القطرة اللى بيحطوها عشان بتوسع حدقة العين
و خدت تقدير لائق (ب)
و ناس خدت لائق (ا)
و ناس خدت لائق بس
و اللى قدرت افهمه من العساكر هناك ان لائق (ب) بيدخل جيش مخفف شوية (أعمال ادارية)
و المفروض هاروح يوم 26\2 اسمع الارجة
طب اروح امتى اليوم دة ناس تقولى تعالى الصبح و ناس تقولى تعالى الساعة 11 او 12 ؟
وياريت لو فيه حد خد لائق (ب) يقولى دخل ايه و كانت ايه مهمته ؟

**devilishtigers** · 16-02-2012 06:03 PM

لائق أ (ظابط احتياط)
لأئق ب (عسكري)
مبروك اترحمت من 3 سنين وهتيقى عسكري سنة واحد

**م/مصطفى محمود** · 16-02-2012 06:58 PM

كبر دماغك من موضوع لائق (أ) ولائق (ب) ، ده كويس فى حالة كنت مترشح عسكري :d

لو لبست فى الإرجاء (روح يوم الإرجاء على الساعه 9 صباحا ) يبقى انت كده مترشح ظابط إحتياط

هتروح الكشف الطبي بتاع الهيئة (يوم كشف الهيئة هيكون فى كشف طبي تاني على خفيف بس مركز ، يعني لو بتشتكي من حاجه معينة ابقى قول للدكتور بتاعها غير كده هيكشفوا على خفيف اوي)

الكشف ده للكل سواء كان لائق (أ) أو (ب) ، وبعده مفيش (أ) أو (ب)

يا بتكمل ظابط (وتستنى نتيجة كشف الهيئة) يا بتنزل عسكري (وتروح مع دفعة 4 تسمع السلاح) يا تخرج من الجيش خالص

انا كنت زيك (نفس الدفعة ) وكنت لائق (ب) باطنة (ضغط عالي) وزي الفل الراجل قالي 150/100 شغال ! ، وكملت فى سلسلة الظابط (نتيجة الهيئة مقبول ثم كشف السمات ثم المناظرة ودي اللى نزلت فيها بسبب الطول 166.5) ودخلت مع دفعة 4 عساكر

ربنا معاك يا كبير ويقدرلك اللى فية الخير

**Hacker5** · 16-02-2012 07:53 PM

ايه كشف السمات و المناظرة دة ؟ :)
انا نفس الطول تقريبا

**movies** · 16-02-2012 08:02 PM

المشاركة الأصلية كتبت بواسطة م/مصطفى محمود

كبر دماغك من موضوع لائق (أ) ولائق (ب) ، ده كويس فى حالة كنت مترشح عسكري :d

لو لبست فى الإرجاء (روح يوم الإرجاء على الساعه 9 صباحا ) يبقى انت كده مترشح ظابط إحتياط

هتروح الكشف الطبي بتاع الهيئة (يوم كشف الهيئة هيكون فى كشف طبي تاني على خفيف بس مركز ، يعني لو بتشتكي من حاجه معينة ابقى قول للدكتور بتاعها غير كده هيكشفوا على خفيف اوي)

الكشف ده للكل سواء كان لائق (أ) أو (ب) ، وبعده مفيش (أ) أو (ب)

يا بتكمل ظابط (وتستنى نتيجة كشف الهيئة) يا بتنزل عسكري (وتروح مع دفعة 4 تسمع السلاح) يا تخرج من الجيش خالص

انا كنت زيك (نفس الدفعة ) وكنت لائق (ب) باطنة (ضغط عالي) وزي الفل الراجل قالي 150/100 شغال ! ، وكملت فى سلسلة الظابط (نتيجة الهيئة مقبول ثم كشف السمات ثم المناظرة ودي اللى نزلت فيها بسبب الطول 166.5) ودخلت مع دفعة 4 عساكر

ربنا معاك يا كبير ويقدرلك اللى فية الخير

الراجل الطيب دا جابلك من الأخر..هوا دا اللى بيحصل بالظبط

**shaddadfalcon1** · 16-02-2012 08:05 PM

اهم حاجه لو فضلت ظابط احتياط بعد الأرجاء هتروح تاني يوم غالبا حلمية الزيتون لكشف طبي وهيئه

لما تدخل كشف الهيئه خليك عبيط واهبل ومبهدل واهطل وكل العبر اللي في الدنيا

متفردش نفسك قوي وتعمل فيها وحش

عشان اللي بيخسو انه كده بيكمل ظابط احتياط

هيطلبو منك تقول اسمك وسنك ووظيفة والدك وشوية حاجه بسرعه
قولها انت بلخطبه واتلجلج في الكلام

**م/مصطفى محمود** · 16-02-2012 08:06 PM

لو نفس الطول يبقى لما تيجي تكشف فى الهيئة (ده لو لبست فى الإرجاء) يبقى إطلع على الميزان من غير الكوتش ، لإن فى الغالب أقل من 170 مبيدخلشي ظابط إحتياط (مش شرط أوي يعني بس فعلا بيفضلوا 170)

انا كنت فى كشف الهيئة طلعت بالكوتش وطلع طولي 170 (متسألنيش إزاي :d هو كوتش اديداس عادي )علشان عديت فى الهيئة وفى كشف السمات لقيت بيطلع ال 168 فقولت ان طولي 168 (لقيت اللواء الهياتمي بيزعق ويقولي انت 170) قولتلة لأ ده كان بالكوتش وكده ، قالى اطلع على الميزان طلعت طلع الطول 166.5 :d

اما كشف السمات فده يوم كده ملهوش لازمة شوية اختبارات فكسانة

والمناظرة هي هي الهيئة بس من غير طبي وفى حضور رئيس هيئة التنظيم والادارة

**Nistelrooy** · 16-02-2012 08:45 PM

مش هاقدر اقولك الا ربنا معاك

جندي طازة لسة في مركز التدريب وهروح القوة الاساسية يوم السبت ان شاء الله

**AhMeD EzZ** · 16-02-2012 10:07 PM

بمناسبة الموضوع دة يا شباب عندي استفسار

انا هتخرج ان شاء الله السنة دي و هتم 21 في يوم 30\5\2012

والدي معدي سن ال 60 و يعمل في قطاع خاص و و معاه جنسية اخري غير المصرية ليا اخ وحيد هيكون سنة بالظبط 17 في 10 \3 الجي و انا نظري ضايع بمعني الكلمة -4 و -5.5 و فلات فوت هل كدة هلبس في الجيش و لا لا ؟

**Hacker5** · 16-02-2012 10:19 PM

المشاركة الأصلية كتبت بواسطة ahmed ezz

بمناسبة الموضوع دة يا شباب عندي استفسار

انا هتخرج ان شاء الله السنة دي و هتم 21 في يوم 30\5\2012

والدي معدي سن ال 60 و يعمل في قطاع خاص و و معاه جنسية اخري غير المصرية ليا اخ وحيد هيكون سنة بالظبط 17 في 10 \3 الجي و انا نظري ضايع بمعني الكلمة -4 و -5.5 و فلات فوت هل كدة هلبس في الجيش و لا لا ؟

انا مش عايز اقلقك بس ماتعشمش نفسك انك هتاخد اعفاء مافيش حد دلوقتى بياخد اعفاء غير اللى عنده عاهة او وزنة اكتر من 130 كيلو او رفيع جدا و عرض صدرك صغير غير كدة انسى
انا كان معايا ناس عندهم ناظور و عدوا من الكشف بس هايودوهم سلاح خدمة مواطنين حاجة خفيفة كدة يعنى
بالنسبة للنظر انا عندى عين 4.50- و عين 3.75-
بعد القطرة الدكتور كشف عليا ادانى -3 لائق (ب) و بعد السؤال عرفت انها للاعمال الادارية

و شكرا للاخوة الاعضاء اللى ردوا بس ياريت يكون معاد الارجة الساعة 9 معاد اكيد عشان بسمع ناس بتقول انها بعد 12 الظهر فا مش عايز اروح اطلطع فى الشمس دة كله
بس موضوع الطول اظنة موضوع نسبى لان فى الباركود بتاعى كام مكتوب الوزن و الطول و لو فعلا طولى مش مناسب لظابط كانوا هايرشحونى عسكر بدل ماهما عارفين انى بطولى دة هانزل لجندى فياخدوها من قاصرها احسن

بس انتوا تنصحونى بايه ؟ عسكرى ولا ظابط ؟ طبعا العسكرى سنة و خلاص لكن زوج عمتى رائد فى الجيش بيقولى ادخل ظابط احسن المعاملة هاتبقى كويسة معاك و فلوسك ازيد و ليك وضعك جوا وحدتك و كلام من دة

الموضوع: ........ انا اترشحت ظابط احتياط ........ برجاء المساعدة

LinkBack

أدوات الموضوع

عرض

........ انا اترشحت ظابط احتياط ........ برجاء المساعدة - انشر الموضوع فى :

-

-

-

-

-

-

المواضيع المتشابهه

عندي سؤال في الجيش ( اللي كان ضابط احتياط وخد اعفاء )

برجاء المساعدة

برجاء المساعدة

مترشح ظابط احتياط يا رجالة

الكلمات الدلالية لهذا الموضوع

المفضلات

المفضلات

ضوابط المشاركة