غير تيل الفرامل بنفسك diy
انا بحب جدا أعمل كل حاجة في العربية بنفسي
في الموضوع هنا هتكلم بالتفصيل عن تغيير التيل للفرامل ال Disk Breaks
بعد ما تجيب طقم التيل الجديد ... طبعا تجيبه الأصلي .. لأن التقليد هيبوظ الطنابير ويبقي أتكلفت تيل وطنابير
هترفع العجلة بالطريقة علي الكوريك
تفك مسامير العجل بطريقة سمبكسة ... criss cross زي كدة
http://i660.photobucket.com/albums/u...dox/Mex569.jpg
حط العجلة تحت الطنابير .... أمان
http://i660.photobucket.com/albums/u...dox/Mex570.jpg
لف الدركسيون ناحية العجلة اللي أتفكت
http://i660.photobucket.com/albums/u...dox/Mex572.jpg
هيبقي قدامك الكاليبرات ماسك علي التيل بمسمارين
فك المسمار اللي تحت وأرفع الكاليبر
http://i660.photobucket.com/albums/u...dox/Mex572.jpg
بعد ما ترفع الكاليبر هيكون باين فيه المكبس بالنظر ده
http://i660.photobucket.com/albums/u...dox/Mex574.jpg
شيل التيلين من الجنبين بتوع الديسك وشوف ملاحظاتك عليه ... هنقول الملاحظات في الأخر
ركب التيل الجديد
http://i660.photobucket.com/albums/u...dox/Mex577.jpg
رجع المكبس لمكانه ... وأحذرررررررررررر .... تدوس علي دواسة الفرامل في الوقت من ساعة ما فكيت الكاليبر لغاية ما هتركب الكاليبر تاني
ده بالنسبالي أصعب مرحلة .... انا بمك مفكات وحاجات كتير عشان أعرف أرجع المكبس تاني
هو الفكرة انك لما بتدوس علي الفرامل ... السرفو بيقوي الفرملة جدا بدل مانت تدوس جامد
دلوقتي انت محتاج قوة قد اللي السرفو بيعملها عشان ترجع المكبس تاني
وده بعد ما المكبس رجع
http://i660.photobucket.com/albums/u...dox/Mex576.jpg
أقفل الكاليبر بالمسمار بتاعه ورجع العجلة تاني وأطلع جرب
أعمل حسابك أن التيل لسة هيطبع وأدائه هيتحسن
الملاحظات اللي تاخدها علي التيل
متاكل كله بنفس الشكل .... يبقي كدة تمام
متاكل التيل اللي ناحية المكبس أكتر من التاني .... يبقي البنز اللي فوق بتاع الكاليبر ناشف ولازم يتفك الكاليبر وتشحم البنز كويس
متاكل بميل .... عيب بنزات برضه
متاكل وفيه خطوط .... يبقي الطنابير فيها حتتت عالي ويفضل تتفك وتروح لخراط يشوفلك لو ينفع تتخرط أو تجيب جديد
طبعا العملية ده كلها هتتعمل للفردتين
كل فرده فيها تيلين