في أوروبا والدول المتقدمة

الموضوع مفتوح عشان كل واحد يقول اللي شافه برة وأو سمع عنه أو أي حاجة في العربيات
وطبعا مش هيبقي عندنا
نبدأ
في أوروبا والدول المتقدمة
العميل أو المواطن هو أهم حاجة عندهم .... مفيش عربية بتخش البلد من غير وسائل أمان
الناس بتخاف علي بعضها
المخالفات مش كلها فلوس
اللي معاه رخصة لعربية أوتوماتيك ... مايسوقش عربية مانيوال
ماتلاقيش عربيات حالتها معفنة وموقفة الشارع
كل واحد ماشي في حارته ومايتنقلش منها غير لما يدي أشارة وفي الغالب هتلاقي الناس بتوسعله وملتزمة بحارتها
ال street racing حاجة حرام

يالله قولنا كدة اللي عندك

فى اوربا والدول المتقدمه اى حاجه عكس اللى فى مصر وريح دماغك انتلسه هتفكر ياراجل كبر مخك ههههههههههههههههههههههه

في اوروبا و الدول المتقدمه
-المرور مش بيرخصلك العربيه غير لما يروح معاك البيت و يشوف الجراج اللي هتحط فيه العربيه عشان الشارع مش ناقص زحمه ( و دي موجوده في اليابان )
-بيبقى فيه زحمه اه بس كل عربيه واقفه في حارتها و فيه مسافه مابينك و ما بين اللي وراك و اللي قدامك فبتحس براحه نفسه و انت واقف في الزحمه !!!!

اهم حاجه العربيات عندهم رخيصه :)

هي ناقصه تعقيد يا جماعه

اقتباس:

---

المشاركة الأصلية كتبت بواسطة moh19227

اهم حاجه العربيات عندهم رخيصه :)

---

يا بختهم و الله
و كمان العربيات عندهم متوفر فيها كل وسائل الامان من غير كذب و خداع و لف و دوران و مش بيحسبوها من الكماليات زي مصر

لي صديق بريطاني..بريطاني بجد بشعر اصفر وعيون زرقة..معاه دوكتوراه في تجرمات القرآن إللي السنسكريتية والفارسية وكدا..في مرة قلت له الكلام إللي انتم بتقولوه ده عن قد ايه الشعوب دي محترمة وكانت الاجابة الصدمة!!!!! قالي صديقي البريطاني احنا مش محترمين ولا حاجة، والناس عندنا (في بريطانيا) نفسهم يكسروا الاشارات ويمشوا عكسي بس مافيش فرصة..قلت له ازاي؟؟ قال لي لو احنا محترمين ماكنش يبقى في كاميرات في كل حتة في لندن وفي كل ركن في كل محل...قال لي كل الفرق بينا وبينكم إن القانون هناك هايتنفذ على رقبة الكبير حتى الملكة ورئيس الوزراء، وماحدش يفكر إنه هايعدي من المخالفة ابداااااااااا

اقتباس:

---

المشاركة الأصلية كتبت بواسطة ecybrarian

لي صديق بريطاني..بريطاني بجد بشعر اصفر وعيون زرقة..معاه دوكتوراه في تجرمات القرآن إللي السنسكريتية والفارسية وكدا..في مرة قلت له الكلام إللي انتم بتقولوه ده عن قد ايه الشعوب دي محترمة وكانت الاجابة الصدمة!!!!! قالي صديقي البريطاني احنا مش محترمين ولا حاجة، والناس عندنا (في بريطانيا) نفسهم يكسروا الاشارات ويمشوا عكسي بس مافيش فرصة..قلت له ازاي؟؟ قال لي لو احنا محترمين ماكنش يبقى في كاميرات في كل حتة في لندن وفي كل ركن في كل محل...قال لي كل الفرق بينا وبينكم إن القانون هناك هايتنفذ على رقبة الكبير حتى الملكة ورئيس الوزراء، وماحدش يفكر إنه هايعدي من المخالفة ابداااااااااا

---

أيوة يا دكتور كلامك سليم
وال forums أكبر دليل علي كدة
بس برضه انا بشوف ان أكتريتهم ملتزم حتي أخطائهم أقل بكتير من أخطائنا

ماهو الغلطة هناك بفورة يا هندسة

اقتباس:

---

المشاركة الأصلية كتبت بواسطة ecybrarian

ماهو الغلطة هناك بفورة يا هندسة

---

طاب ماحنا لو أتطبقت عندنا القوانين .... مش هتبقي الغلطة بفورة ؟
أحنا متساهلين قوي

شوية تعقيد.........و فى دولة عربية

1- تروح ترخص عربيتك لو مستعملة و تعمل الفحص و التجديد فى ساعة إلى ساعة و نص
2- تروح ترخص عربية جديدة و تاخد نمر فى ساعة و بدون ما يكون معاك العربية...........مجرد جواب من المعرض اللى بايع وفيه ما يفيد أن العربية جديدة.
3- تعمل مخالفة يجيلك على الموبايل رسالة بالمخالفة و فى أخر الرسالة " نتمنى الألتزام بقوانين و قواعد المرور حرصاً على سلامتكم"
4- تدخل تدفع مخالفاتك على النت.....و بيتعمل تخفيض من 30 ل 50% على المخالفات مش أقل من مرتين أو 3 فى السنة.
5- كل عربيات الشركات عليها ستيكر مكتوب عليه " كيف ترى قيادتى......للشكاوى أتصل بالرقم ............ "
6- معظم العربيات التاكسى بتاعة شركات و مكتوب عليها نفس الكلام و ساعات بيزودو أن السرعة مقيدة ب 80 كم فى الساعة لو الشركة ماشية بالنظام ده.
7- لو ماشى فى الشمال و سرعة الطريق 100 و اللى قدامك ماشى 100 برضه و أنت مستعجل و قلبت نور بيوسعلك مش بيشوحلك........على الأقل معظم الوقت ده بيحصل.
8- الردارات أكتر من الهم على القلب و 90% منها ظاهرة ( بأستثناء الرداردت المتحركة) و فى معظم الأحوال بيكون قبل الردار يافطة أن الطريق متراقب بالردار أو يافطة بتفيد بالسرعة القصوى.
9- تكون ماشى الساعة 3 الفجر و الطريق فاضى و تدخل على إشارة و تلاقى الناس واقفة لو الإشارة حمراء حتى لو مفيش قطة جاية من الطريق اللى إشارته مفتوحة.
10- لو حصلت حادثة لا قدر الله بتنزل أنت و الطرف التانى و تطمنو على بعض الأول......و بعد كده بتتصلو بالشرطة.
11- لو فيه مصابين لا قدر الله الأسعاف بتوصل فى خلال 10 دقايق بالكتير و لو الدنيا زحمة.
12- فيه على يمين أو شمال الطريق و ساعات فى الأتنين خط أصفر و جنبه حارة تانية لعربيات الشرطة و الأسعاف علشان لو الطريق زحمة تمشى فيه...........و مخالفة أى عربية تانية تعدى الخط الأصفر لا تقل عن 600 درهم...... بتتجاب بالكاميرات المنتشرة فى كل حتة يعنى مش محتاج ظابط أو أمين شرطة يبقى واقف وشايف.

كفاية كده علشان محدش يضربنى.

بس هديكم أمل..................لو الردرات و الكاميرات مش موجودة هتلاقو عك زى اللى بيحصل فى مصر.

اقتباس:

---

المشاركة الأصلية كتبت بواسطة eng.geo

طاب ماحنا لو أتطبقت عندنا القوانين .... مش هتبقي الغلطة بفورة ؟
أحنا متساهلين قوي

---

هو ده اللي احنا بنادي بيه و نتمنى تطبيقه بعد الثورة إن شاء الله

قانون يمشي على رقبة الكل الكبير من أول رئيس جمهورية (عارف أنه هيتسائل أمام جهات رقابية قبل مسائلته أمام الله) مرورا برئيس الوزراء و الظباط و وكلاء النيابة و القضاء و كافة من له سلطة وصولا إلى المواطن حتى نصل إلى مرتبة الوازع الخلقي و هو المحرك الأساسي لتقدم الأمم و الشعوب ابتغاء مرضاة الله تعالى

يا جماعه الحل فى التربيه والتعليم ولن ينصلح حال هذه البلد الا عندما لا يكتب الامتحان والاجابه فى نفس الوقت على السبوره لتلاميذ الابتدائى عندنا ولا نكذب ابدا امام اولادنا (رد على التليفون وقوله بابا مش هنا) ويعرف كل مواطن ايه واجباته ويعملها قبل السؤال عن حقوقه ويطالب بيها وووووووو000 شرع الله 00شرع الله000مسلم او مسيحى مش مهم

يا الله رحماك من هذا العذاب

هيه دي الحرية في مصر انك تسوق براحتك وكل واحد على مزاجه وتتعايش في فنون الغرز هههههههه والضريبة جمارك عالية :) السؤال لو خيروك بين عربية حديثة وتمشي بالنظام او عريبة قديمة وتمشي براحتك!

اقتباس:

---

المشاركة الأصلية كتبت بواسطة moh19227

اهم حاجه العربيات عندهم رخيصه :)

---

انا لسه راجع من الهند من كام يوم بس

مش هتصدقوا لو قلت لكم انى اشتريت من هناك كاميرا سونى ب 17 الف روبيه

وكان سعر اقل فئه من السيارات اللى هى تاتا نانو 50 الف روبيه بس شوفوا الفرق اد ايه العربيات هناك رخيصه جدا

يعنى مايعادل 8000 ج مصرى

والغريب ان الهند دلوقت بتصنع كل حاجه

تاتا بكل فئاتها
ماهيندرا بكل فئاتها
وكمان مصنعه اول عربيه بتمشى بالكهرباء من غير موتور بتمشى بالبطاريه لمسافه 150 الف كيلو على ماتشحن تانى

مش عارف امتى مصر هتفوق من نومها العالم كله ماشى واحنا بنرجع لورا

اقتباس:

---

المشاركة الأصلية كتبت بواسطة abu_soheib

هو ده اللي احنا بنادي بيه و نتمنى تطبيقه بعد الثورة إن شاء الله

قانون يمشي على رقبة الكل الكبير من أول رئيس جمهورية (عارف أنه هيتسائل أمام جهات رقابية قبل مسائلته أمام الله) مرورا برئيس الوزراء و الظباط و وكلاء النيابة و القضاء و كافة من له سلطة وصولا إلى المواطن حتى نصل إلى مرتبة الوازع الخلقي و هو المحرك الأساسي لتقدم الأمم و الشعوب ابتغاء مرضاة الله تعالى

---

11111111111111

معظم الدول المحترمة فى اوروبا بتشرع قوانين لالزام شركات السيارات بوضع جهاز استغاثة ككماليات اساسية وظيفتة عند شعور السيارة بحدوث حادث ان ترسل اشارات استغاثة للاسعاق و الشرطة و تحديد مكان السيارة
:b4_564:

يكفي ان عندنا ياتركب عربيات تعبانه وتقرفك في عيشتك والا لو فكرت تركب عربيه نضيفه برضه يقرفوك في عيشتك ويدفعوك ما يقارب ضعف سعرها جمارك مش عارف ايه السبب تقريبا مصريين يقرفوك في عيشتك مهما كانت الظروف انا كل ما اتخيل ان سعر العربيه علي سبيل المثال ٢٠٠ الف مثلا وده سعر المصنع مثلا علشان تركبها في مصر لازم تدفع ٣٢٠ الف للدوله ؟؟؟؟؟؟ طيب حد يفهمني ليه هل العربيه دي مثلا هتكون مضره للبيئه ولا مثلا هتبوظ الطرق وهتعمل ذحمه واختناق مروري في الطريق من كتر اعطالها ؟؟؟؟؟؟؟؟

اقتباس:

---

وكمان مصنعه اول عربيه بتمشى بالكهرباء من غير موتور بتمشى بالبطاريه لمسافه 150 الف كيلو على ماتشحن تانى

---

150 كم