ازاي أعرف العربية النصين من السليمة ؟؟

**A7medHeaders** · 16-02-2012 07:20 PM

السلام عليكم ورحمة الله وبركاته ..

كنت عايز أعرف الخطوات العملية اللي الواحد بيقوم بها لمعرفة ان كانت السيارة سليمة أم لا في حالة عدم وجود سمكري "زي تشيك أب سريع" ؟؟

أقصد ما هي الأماكن التي يُنظر اليها في السيارة ؟؟ وكيف تتم معرفة السيارة اللي رشه دواخل من الفابريقة ؟؟

وشكرا ..

**ramsisthethird** · 16-02-2012 09:08 PM

سؤال جميل جدا لان الواحد اوقات بيلاقى عربيه ومش بيبقى عارف يشوف حد يكشف عليها وفعلا احنا محتاجين نعرف الاساسيات دى عشان نقلل الخسائر قدر الامكان ياريت الخبراء يدخلوا ويقولولنا

**seleem3** · 27-02-2012 12:30 PM

upupupupupupupup

**osama.m** · 27-02-2012 12:49 PM

اسلم حل تكشف عليها في مركز محترم .. عشان الاماكن اللي بيبقى فيها لحامات صعب على اللي زيننا انهم يشوفوها خصاصا ان اللحام مش بيبقى باين .. هو بيلحم و بيساوي المكان بالصاروخ و يرش .. فا صعب علينا نعرف العربية نصين ولا سليمة

**minam30** · 05-03-2012 08:30 PM

ممكن تتاكد من الدهان الداخلى لو فية عيوب أو رتوش رش والفنش مش هو يبقى العربية فها شغل فى الدواخل

**Land_Cruiser** · 05-03-2012 08:54 PM

هو مش كشف قوى يعنى بس هتلاقى فيها حاجه غريبه . يعنى مثلا عربيه بقالها ١٠ سنين على الاقل و دهانها فابريكه مش منطقى يعنى فى ظل التلوث و الشمس و ده مثال بسيط بس اضمن حاجه تروح بيها التوكيل يعملولك تقرير مفصل عنها علشان بيبقى عندهم الجهاز اللى بيكشف اذا كان الدهان فابريكا و لا لَا و كمان هيطمنك على الحاله العامه قبل الشراء منعا للمفاجات الغير ساره

**beckeryahia** · 13-03-2012 05:23 PM

العربية الملعوب فيها لازم يبان عليها سواء من فك الطابلوة او اماكن فك البيبان والكلبسات وخراطيم الموتور ووصلات الكهرباء وشكل البوهية وريحة العربية نفسها , العربية الملعوب فيها لازم تلاقي ياريحة بوهية ياريحة شياط لو لسة معمولة جديد ولو معمولة من زمان هاتبان جامد لانها هاتبقي مخلعة مع الاستخدام وهتبان عيوب العربية لان اللي اتفك واتربط تاني غير اللي عمره ما اتفك وعيوب البوهية مع مرور الوقت بمعني ان العربية لو راشة حوض بعد مرور سنة علي حرارة الموتور البوهية لازم تقشر ويبان المعجون من تحتيها , زلازم وانت بتتفرج علي العربية تكون بتتلكك علي الغلطة وماتعديش اي مكان باين عليه فك وتركيب وخاصة لو في الطابلوه او الموتور

**mohamed_7amo** · 22-03-2012 08:59 PM

دى حاجة سهلة جدا على فكرة بس مش اى حد يعرفها بكل بساطة اركب العربية اللى انتا شاكك فيها وامشى سالنسية فى اى شارع مش متسفلت وطلع ايدك من الشباك وامسك القايم اللى فى النص لو حسيت بان فية حاجه جواه بتخبط تخبيط خفيف يبقى العربية دى ملحومة من النص يعنى عبارة عن نصين ومتركبين فى بعض ولو حطيط ايدك على القايم الى قدام اللى هو ماسك الازاز يعنى وحسيت برضو نفس الاحساس يبقى العريبة دى مغيرة نص قدام ووارا واحد يبقى اعد يحط ايده على القايم اللى بالعرض بتاع السقف اللى هو بيبقى فوق البيبان لو حس برضو بحاجه بتشخشخ جوة او بحاجة بتخبط يبقى مغيرة سقف وعلى فكرة مش بتبان اى لحمات خالص الا ازا فاكيت ارضية العربية ودى محدش هيخليك تعمل كده فى عربية قبل ما تشتريها طبعا غير كده مش هتعرف العربية فيها اية ....... المعلومة دى كان قايلهالى سمكرى نضيف جدا وكبير فى السن جدا ومشتغلش حاجة غير الشغلانة دى من وهو عنده 10 سنين

**A7medHeaders** · 23-03-2012 01:33 PM

أشكرك بشدة علي ردك لكن أعتقد إن موضوع التخبيط ده لن يظهر إلا في السيارات الملحومة بطريقة رديئة وغير إحترافية .. بدليل ان هناك سيارات قوتها أكثر من 500 حصان ونصيين وماشيه عادي جدا بقالها سنين وكأنها فابريكة .. وجزاك الله كل خير علي معلوماتك القيمة