رجالة !
ايه الاربع انظمة بتوع الوا الي ملهموش اي تلاتين لزمة دول ؟ ولا واحد فيهم مناسب !
القدام كانوا احسن انا شايف ولا انتوا رايكوا ايه ؟
عرض للطباعة
رجالة !
ايه الاربع انظمة بتوع الوا الي ملهموش اي تلاتين لزمة دول ؟ ولا واحد فيهم مناسب !
القدام كانوا احسن انا شايف ولا انتوا رايكوا ايه ؟
سبحان الله كنت معدي بالصدفة شفت الموضوع دا :)
على فكرة انا شغال في موبينيل
اتصل برقم 300 وااسمع الانظمة كويس هتلاقي انها افضل فعلا وتشمل القديمة
بجد دا حقيقي مش تحيز يعني انا لسة بقرأ الميل اهو بتاع الانظمة :)
تحياتي
ايوة بس مثلا لو الواحد كان الكل 14 يبقى مززنجي هوا المناسب ؟
بالظبط يا باشا
الكل 14 كان سعر الدقيقة 14 قرش لاي شبكة + 25 قرش رسم فتح مكالمة مرةواحدة في اليوم
والنظام اللي انت اشرت ليه هو الافضل (روقنجي) الدقيقة موحده 15 قرش لاي شبكة من اول دقيقة :)
ولا ليهم لازمة , اشتغالة يعنى وتغيير اسامى انظمة
برتقانى ايه وبتنجانى ايه
انا قلت حلاقى عروض جديدة او فرق جديد بين الانظمة
كل الخكاية حيتغير اسم النظام من الو بلدنا لروقانجى بلدنا
هههههههههههههههههههههه
اية الاسماء اللى جاية من غرزة دية ( روقنجى ومززنجى ههههههههههههههههه)
طب والللي بالثانيه يبقي تبع ايه
فيه عندنا مشكله فى مصر كل الناس عاوزه اللى يتعمل يبقى مخصص ليها
انا مثلا كان عندى مشكله مع موبينيل وبعد المشكله رميت خطوطها واشتريت اتصالات بدل ما اتعامل معاهم وانا موش مرتاحلهم
يعنى اللى النظام يمشى معاه يستمر واللى شايف انهم حراميه يغير وفى جميع الاحوال اهم حاجه تبقى راضى نفسيا عن اللى بتتعامل معاه
اعتقد من وجهة نظري واسلوبي في الأتصالات ان احسن شركة هي اتصالات
في حين ان الخط الي معايا بتاع الشغل والي مع كل الناس هو فودافون
وانا جايب اتصالات بيرسونال نمرته مع اهلي وبس الحاجة والحاج واخواتي والبيت عندي
والوحيدة الي لقيتها عاملة نظام انك تخصص نمر وتكلمهم بسعر مخفض جدا (6 قروش للدقيقة)
موبينيل مش بحب اتعامل معاها بسبب التغطية بتاعتها
والله المستعان
،
،
انا شايف ان موبينيل ولينك .. بيعملوا بالمثل اللي بيقول " لاقيني ولا تغديني "
اكتر حاجة بتميزهم خدمة العملاء .. احلى كلام واحلى استقبال واحترام
لكن جودة خدمة .. مفيييش
عايزين نتغدى بقىىىىىىىىىىىىىى
انا بس عاوز اقول ان من ضمن الانظمة في نظام بتدفع جنيه و بتاخد 120 دقيقة يعني الدقيقة ب 0.8 قرش :)
انا الاسماء كنت مضايق منها جدا بس بجد علقت مع الناس و الناس مبسوطة بالاسعار
و جه لينك الاسعار
أنظمة الو
موبنيل ستظل موبنيل
للاسف
:((
انا شايف ان افضل نظام هو بدون شروط 14 قرش لموبينيل و 19 لاي خط اخر
كل الانظمه الحاليه اقل سعر فيها 15 قرش لموبينيل و 20 قرش لاي خط اخر
ومدينلك شويه دقايق مجانيه مقيده الاستخدام في وقت مالناس نايمه وكمان لموبينيل فقط
عروض روتينيه .. وكلها متساويه على فكره
وبعدين النهاردة 90 % من الارقام اللي على تليفوني اتصالات وفودافون
انا كان عندي مشكله فنيه مع شبكة موبينيل في المنطقه بتاعتي كلها .. يعني مش مشكله خاصه بالخط بتاعي فقط والمشكله مش بتظهر غير مع اللي معاه تليفون فيه ثري جي وظروف معينه
وفضلت اشتكي لموبينيل 7 شهور .. ودوخوني تجارب وتغير شريحه ودوشه
وبعتولي واحد البيت شاف المشكله عالطبيعه وعمل تجارب
طب يحلوها بقى .. ابداً ولا الهوا
واشتكي تاسع وعاشر ولا عندهم علم ان في حد جالي البيت ولا اني بقالي شهور بشتكي
و وكانوا سعات يتصلوا بيه يقولولي احنا بنكلمك من تليفون ثري جي اهو ومفيش مشكله
انا مابسكوتش .. بردو اشتكي مابزهئش ولا امل
لحد ما هما زهئوا مني قاولولي تابعنا في شهر مارس
روحت مشتكيهم في تنظيم الاتصالات .. والجهاز ماعملش الشكوى بالساهل
دة بعد خناق ومحاولات ..
وفي خلال حوالي 15 يوم المشكله اتحلت
واللي يكسف ان موبينيل اتصلوا بيه بعد مالمشكله اتحلت .. بيطلبوا مني يبعتولي واحد يشوف المشكله علشان يحلوها !!!!!!!!!!!!!!!!!!!!!!!!! مليون علامه تعجب
بالنسبه لشركة لينك .. فدي البركه بقى بتاعة تنظيم الاتصالات
ممنوع تشتكي من لينك والا تبقى محدث للنعمه
اقوله انا خطي 2 ميجا وبحمل ب 10 كيلو بالليل ومعظم اليوم .. يقولي دة قانوني مش هقدر عملك شكوى
انا بقى لو عايز اشتكي تنظيم الاتصالات .. اشتكيه فين ؟
انا معاك طبعا ان في بعض العملاء عندهم مشكلة في الشبكة ومش عارفين يتوصلوا لحلها انا كنت بتكلم على المستوى العام للشبكة
وكمان صدقني مش بسهولة ان الشركة تحل مشكلة معينة في الشبكة نظرا لعوامل كتير منها التراخيص والموافقات وحاجات روتينية بشعة جدا دا طبعا بالاضافة للروتين الللي ممكن يكون موجود في الشركة نفسها
مرة كان في اتنين من قرية جايين يشتكوا من ان الشبكة عندهم اصبحت ضعيفه فكنا بنسألهم ايه السبب وكدة قالولنا في اتنين سلفيين كسروا الشبكة يللا تعالوا عشان تبنوها تاني !!
هو اصلا مش متخيل الشبكة دي تكلف كام اللي الشركة المفروض تبنيها ببساطة
هما اكيد لا سلفيين ولا حاجة لكن بتكون ناس دماغها على أدها شوية
دا غير ان بجد عذاااااب ان الشركة تبني محطة تقوية في منطقة وخصوصا بعد الثورة في ظل رفض شرس من الاهالي واللي هما نفسهم بيشتكوا ان الشبكة ضعيفه !
التفاصيل بسيطة جدا
سعر موحد للدقيقة 15 قرش
بدون اشتراكات شهرية او رسم فتح مكالمة
وكمان في ميزة اضافية لو انت ساكن بره القاهرة والاسكندرية
انك ممكن تشترك في نظام مشابه اسمه روقنجي بلدنا
دا برضو سعر موحد 15 قرش وبيديك كل يوم ساعتين مجانا لموبينيل من الساعة 12 صباحا لحد الساعة 3 العصر بعد اجراء 5 دقايق مدفوعة لاي خط موبينيل
يعني لو انت من القاهرة او اسكندرية اختار روقنجي (15 قرش للدقيقة بدون اي مصاريف تانية)
لو برة القاهرة واسكندرية اختار روقنجي بلدنا
تحياتي :)
انا عجبني رواقنجي دة .. لأن معظم اللي بكلمهم شبكات غير موبينيل
الناس اللي بقى معظم كلامها لشبكه موبينيل .. برتقالي مناسب ليهم
منتظرين مزاجنجي على الصيف ههههههههههههههه