السلام عليكم
انا ماليش خبرة قوى ف العريبات و دة اول موضوع او استفسار ليا هنا فى القسم و معايا نيسان صنى2011ex manual كنت اشتريتها من 5 شهور كدة المهم العربية انا حاسس انها مش مظبطة :
اولا: بقالها 4 اسايع كدة بتاكل بنزين بطريقة غريبة جدا بالنسبة لاول فترة مشيت بيها انا ف الاول ما كنتش بحسب اوى بس كنت بشوف المؤشر بتاع البنزين و عارف كل مشوار طويل بياخد كام دلوقتى تقريبا بيسحب بنزين مرة و نص قد الفترة الاولانية"حوالى 10كم ف اللتر او 220 كم ف الصفيحة على طريق سريع.مع العلم ان انا ف الاول كنت بظبط كل الاطارات على 30 بس بقالى فترة بظبطها على 36/33 او 32/29
ثانيا:ال ار بى ام بقة رافع علطول يعنى و انا ممور بيبقى على 1 و لما اغير غيار بينزل لحد ال 1 بس ما بيزلش لاقل من كدة بين الغيارات و تقريبا المشكلة دى كانت حصلت مع صاحب العربية بعد اول صيانة ف التوكيل عملولوا حاجة خلا ال ار بى ام بيعلق و دايما رافع ف مش عارف كدة يبقى المشكلة رجعت تانى ولا ايه؟
ثالثا :زوايا العربية مش راضية تتظبط مرة بتبقى حادفة شمال و رحت ظبطتها بعد كدة باقلها فترة بتحدف يمين جامد.
رابعا:انا كدة كملت 40000 و ان شاء الله عايز اروح اعمل صيانة ف ياريت تدلونى اعملها فين و تقريبا هتتكلف كام و اذا مكان فيه تخفيضات عشان المنتدى اقدر اجيب باد المنتدى من فين و بكام و الصاينة تقريبا هتكلف كام بعد التخفيضات
اسف عالاطالة و شكرا