السلام عليكم
عندى استفسار من اهل الخبر ة العربية عندى سخنت روحت للميكانيكى شال الترموستات بتاعة الكوع المياه
وقلى انى هيه مالهاش لازمه كونت عايز اعرف صحة كلامه ايه. شكرا
عرض للطباعة
السلام عليكم
عندى استفسار من اهل الخبر ة العربية عندى سخنت روحت للميكانيكى شال الترموستات بتاعة الكوع المياه
وقلى انى هيه مالهاش لازمه كونت عايز اعرف صحة كلامه ايه. شكرا
الثرموثتات ده بيتركب للعربيات علشان التسخين صباحا
اما بالنسبه لاي عربيه فولكس مافيش حاجه اسمها مالهاش لزمه و سخونه العربيه ليها اسباب ممكن المروحه ممكن اي حاجه
روح اكشف عليها عند اي حد متتخصص فولكس هو الي هايديك المفيد
السخونة اسبابها كتير طرمبة اربة بتسرب طبب ميه خرطوم ميه مخروم ردياتير بايظ مروحة مبتدورش كده و كمان ده ميكايانيكي فلاح مفيش حاجة في الفولكس اسمها ملهاش لازمة العربيات دي كل حاجة محطوطة فيها ليهه سبب
هو فعلا ممكن يتلغي بالذات فى بلد حر زى مصر، بس العربية هتبقى اقل م ال 90 بشرطتين تقريبا بالذات فى الطوالي، بس الاحسن انك تروح لحد من بتوع الفولكس عندك هاني ورا حديقة بدر فى جسر السويس
ده حل اخترعوه فى مصر علشان يريحوا دماغهم
كده العربية درجة حرارة التشغيل بتاعها ممكن يبقى اقل من الطبيعى, و بالتالى اداء اقل من العربية, و استهلاك بنزين اعلى
سبب السخونة حاجات كتير
راقب العربية اذا كان فى اى تسريب, و اتأكد ان المروحة شغالة
بعد كده بتشوف غطاء اربه المياه, ساعات كتير بيقى خلاص قدم, و محتاج يتغير
بتشوف وصلات المياه و الخراطيم علشان تتأكد ان كلها سليمة
و لو كل حاجة سليمة, و لسه بتسخن, يبقى غالبا جوان وش سلندر
مشكلة ثرموستات البولو دى معروفة.
المشكلة ان الثرموستات علشان يفتح فيها فيه صباع رفيع بيضغت على الكوعة من جوة لما سائل التبريد يسخن، ويؤدى ان الثرموستات يفتح فى الاتجاه العكسى.
المشكلة بقى ان الكوعة دى بلاستيك وبعد فترة مابتستحملش والصباع الرفيع ده بيخرم لنفسه مكان فى الكوعة فبدل مالثرموستات يفتح الصباع بيتحرك عالفاضى جوة الكوعة.
الكوعة دى انا جبتها من سنتين ب 30 جنيه والثرموستات بحوالى 60.
ممكن الاول تفك الكوعة وتبص فيها من جوة فى النص هاتشوف المكان اللى الصباع بيبات فيه.
عمق المكان ده حوالى 2-3 مم. لو هو اعمق من كده وغالبا بيكون مكسور وواصل لأخر الكوعة يبقى تغير الكوعة وتركب الثرموستات بتاعك تانى.
لو عايز تريح دماغك ممكن تجيب الاتنين مرة واحدة وخلاص. بس ماتمشيش من غير ثرموستات لأن ده معناه ان العربية هاتستهلك بنزين زياده طول ما الحرارة اقل من النص لأنها لسه عايزة تسخن. يمكن فى الصيف الموضوع ده مش واضح قوى بس فى الشتاء بيبان.
لو بعد ماشلت الثرموستات العربية درجة حرارتها بقت تحت النص وانت ماشى على طريق مفتوح يبقى المشكلة واضحة انها من عند الثرموستات اكيد.
فى الحقيقة يا جماعة انتو ناس محترمة انا ماكنتش متوقع الرد بسرعه كدة
انا بس كونت عايز اوضح شىء ما لما العربيه سخنت حصل ان الترموستات باظط طبعا دورة التبريد
وقفت داخل الماتور عشان كدة الموحة مشتغلتش لما الميكانيكى شال الترموستات دورة التبريد اشتغلت طبيعى وتمام والمروحة اشتغلت تمام بس فى نقطة العربية على الطوالى عداد الحرارة بينزل شويه
وكمان الصبح بتتاخر فى التسخين عن ما كانت عليه الاول النقطة الاخيرة ان المكانيكى قلى اشترى ترموستات جديدة مع دخول الشتاء ايه رائيكم اغيرو ولا امشى على كلامو .
زى ماقلتلك
غالبا اللى بيحصل فى البولو ان الكوعة هى اللى بتبوظ! بس الميكانيكية اللى بتوع كله مش بياخدوا بالهم من الموضوع ده وبيقولوا ان الثرموساتات هو اللى بايظ.
على كل لو عايز تطمن نفسك هات الاتنين اضمن.
روح لميكانيكى فولكس محترم, مش اى حد و خلاص.
لازم الثرموستات يركب و حتى لو اضطريت تغير الكوعة.
كان فية تشبية قالهولى الميكانيكى بتاعى هو "هل ينفع تنزل تجرى من غير ما تسخن ؟"
لو عرفت الاجابة حتروح تركبة علاطول.
الفكرة انك لازم تعالج المرض مش الاعراض.