ا / مجدي
في البداية معلش ان مافيش حد رد عليك لان منتدي الاسكودا للاسف في غرفة الانعاش وبتمني انة يصحي دة احنا للاسف مش عارفين نغمل مقابلة ولا لينا مشرف حتي علي العموم بلاش اوجعلك دماغك
نخش في المهم
انا مش هاتكلم بناء اني من ملاك اسكودا هاحول بقدر الامكان اكون حيادي
من ناحية الاكثرانتشارا وطلبا والرواج في مصر بالترتيب سيراتو- اوكتافيا- فلونس
من ناحية سعر اعادة البيع اوكتافيا- سيراتو - فلونس
من ناحية التوكيل او الصيانة خارج التوكيل وتوافر قطع الغيار اعتقد ان في تساوي بين السيراتو والاوكتافيا يليهم فلونس
هاقول مقارنة غريبة وهي من ناحية السرقة السيراتو وهي حازت علي رقم واحد في معدلات السرقة وذلك بسبب عدم وجود نظام تأمين فعال يمنع سرقة السيارة علي العكس من الاوكتافيا تماما ودة بيشير الي خلل مهم في تأمين السيارة
بالنسبة لنسبة عمولة شركات التأمين علي السيارات الاوروبي بياخد نسبة اقل من جنوب شرق اسيا والياباني
بالنسبة للثلاث سيارات الاتزان بهم جيد
بالنسبة لاختبارات السلامة الاوروبية الفلونس والاوكتافيا حصلوا علي 4 نجوم من خمسة والكيا 3 نجوم ودة موقع الاختبارات
comparison | euro ncap - for safer cars crash test safety rating
بالنسبة بالاحساس بالراحة الاوكتافيا ثم الفلونس ثم السيراتوا
وبالنسبة للسيراتوا علي فئة بالجنوط 17 بوصة العربية ناشفة جدا جدا وبالنسبة لشوارع مصر تعتبر سيئة جدا وبيحصل مشاكل في الجنط والكاوتش كتير جدا
بالنسبة للاوبشن السيراتو اكثر ثم الاوكتافيا ثم الفلونس
بالنسبة للاغتمادية الاوكتافيا ثم السيراتو ثم الفلونس او الرينو عموما
بوجة عام الرينو التركي غير الفرنسي وبيحصل مشاكل كتير في الحساسات بتاعتها وكانت الميجان مع صاحبي وباعها وجاب باسات
بالنسبة للارتفاع علي الارض وطرق مصر المحروسة الاوكتافيا ثم الفلونس ثم الكيا
بالنسبة لنوعية الخامات داخل الصالون الاوكتافيا ثم الفلونس ثم السيراتو
بمعني ان جودة الخامات والفخامة اما بالنسبة للشكل السيراتو ثم الفلونس ثم الاوكتافيا
بالنسبة للانفراد بمعني ان في ناس مابتحبش ان يكون في ناس كتير راكبة نفس العربية يبقي الفلونس ثم الاوكتافيا ثم السيراتو
ملحوظة العربية الوحيدة اللي شفت منها تاكس هي السيراتو
بالنسبة لطول عمر قطع الغيار الاوكتافيا ثم السيراتو ثم الفلونس
بالنسبة للشكل طبعا دي ازواق بس عن نفسي الاوكتافيا ثم الفلونس ثم السيراتو
بالنسبة للمسااحات الداخلية وسعة الصالون السيراتو والفلونس اكبر من الاوكتافيا
الجلوس بالكنبة للاوكتافيا ضيقة فعلا بس العكس بالنسبة للشنطة حيث ان الاوكتافيا تتفوق عليهم بفارق كبير
مش عارف هل في حاجة تانية ولا كدة كفاية علي العموم انا حاولت اجتهد واسف ان كان في اخطاء املائية
اة نسيت الاجابة في الاخر تونس
اسف الاوكتافيا ثم الاوكتافيا
ثم الاوكتافيا وبعد كدة السيراتو والفلونس لاء
وفي اقتراح تاني من عندي وهو الكيا سبورتدج وهي فعلا رائعة
وفي النهاية بالتوفيق ان شاء الله ولو في اي مساعدة ممكن نتكلم علي الاسكاي بي ان تحت امرك بس ابقي ابعتلي علي الخاص