انا حقولك بما يرضى الله
انا كان معايا فيرنا وعارفها كويس
وكان معانا فيرنا اوتو 2004 كمان
انا لو حجيب الاوتو يبقى حجيب الفيرنا لية بقى ؟
لأن فتيس الفيرنا الاوتو متجرب من 2004 وهو هو بتاع الالنترا 2006 وبتاع الماتريكس وبتاع الجيتز
ومجربينة لمسافة 240الف كيلو لحد مابيعناة العربية
... انا كان معايا تحت رجلى فيرنا 3 سنين 70الف كيلو
العربية الحمد لله معطلتش مرة واحدة ... ومكسفتنيش مرة واحدة
غير ان قطع غيارها مرمية فى كل حتة وسعر اعادة بيع رائع وبيعتها فى ساعتين بالسعر اللى انا عاوزة
مشكلة الفيرنا الاساسية انها بتنزل بجنوط13 فى المانيوال فدة ثباتة سئ
لكن الفيرنا الاوتو بتنزل بجنوط14 بمقاس 185 على 60 ودة حلو قوى وبيدى ثبات جامد
غير ان موتورها ماشاء الله معروف... والعفشة قعدت سنين مغيرناش فيها حاجة
العربية الفيرنا فى اختبار تحمل رحنا بيها شرم رايح جى 4 فى العربية بالشنط فى شهر 8 على سرعات 170 و 180 بالتكييف و ولا سخنت ولا عطلت ... تقريبا 1400 كيلو متواصل
.......
مشكلتها كانت بالنسبة ليا الوحيدة انها قريبة من الارض فقط
.......
لو حنتكلم على اللوجان
من وجهة نظرى انها تتميز بالعلو عن الارض والوسع فقط
و الاتنيين واخدين 3 نجوم فى اختبارات الامان
غير اختلاف الشكل
الصالون من جوة فى الفيرنا احلى ومتناسق وكل حاجة فى مكانها ومسند يد للكرسى ودلع
لكن الكنبة الخلفية مش ذى اللوجان خالص
اللوجان اوسع و اعلى عن الارض فلو بتمشى فى مناطق مدغدغة حتنفعك اكتر
نيجى للتكييف انا جربت الاتنين .... الفيرنا اقوى مرتين تلاتة.
......... لكن نيجى للنهاية
اقعد فى الاتنين ورة وقدام
وشوف التابلوة و الزراير وحجم الشنطة
واللى ريحك اكتر خدة
انا لو حشترى حاخد الفيرنا لأنى حابب شكلها من برة و جوة اكتر وصالونها اكتر
لكن اللوجان فعلا اكبر واوسع لكن شكلها مبيعجبنيش خالص
.....
وحتلاقى كلام بقى من عينة الفيرنا ريشة وفرامل بسكلتة وحاجات كدة .... خد الكلام من سويق ومجرب .... كلام مش واقعى لأنى كنت راكبها وانت معاك جنوط 14 مش ال 13
.................................................. ....