طريقة لمنع القطط من الصعود على السيارة

**nonetta** · 16-02-2012 11:23 PM

على غرار الموضوع الخاص بطريقة مبتكرة لمنع الكلاب من الصعود على السيارة
انا عاوزة طريقة لمنع القطط من القفز فوق السيارة
القطط جننتني
كل شوية القطط تهبد نفسها على كبوت العربية والاقي الانذار بيصرخ
وكل هبده كأنها على دماغي من قوتها
غير انها بتعمل كل حاجة على غطا العربية
والغطا بيبقى ريحته شنيييعة كل شهر اطلعه انقعه في ايريال في البانيو يوم كامل واغسله في الغسالة بعدها .. الحمدلله انه ووتر بروف خفيف
لا والقطط عندنا متغذية تمام التمام ومتربية عالغالي

انا حاسة انها بتسيب العربيات اللي تحت البيت كلها ومش بتروح غير لعربيتي
اخلص منها ازاي محدش عنده طريقة ؟
حاسة انه موضوع مستحيل

انا مش عارفة اعداد القطط والكلاب عندنا في مصر في تزايد فظيع
نفسي امشي مالاقيش ولا قطة ولا كلب

**ahmdmagdy** · 17-02-2012 02:13 AM

انا شايف ملهاش حل انا عندي نفس المشكله لما ارجع بليل ع الساعه 12 و ابص من البلكونه بشوف 3 قطط بيناموا ع الكبوت و يدفوا من صهد الموتور و مش لافي حل حتي في تغيير مكان العربيه

**A7MED_PHARMA** · 17-02-2012 02:40 AM

أقولك

لو مش بيسببوا ضرر كبير للعربية
إحتسبيها عند ربنا صدقة .. وتتجازي عليها

ولو تقدري تحطي حتة جبنة ليهم كمان.. يبقا الثواب أكبر

مش بهزر على فكرة

**A7MED_PHARMA** · 17-02-2012 02:50 AM

المشاركة الأصلية كتبت بواسطة إبراهيم المصرى

أزازة مياة معدنية بلاستيك قديمة ومليانة ميه من الحنفية ومغلقة بأحكام وتوضع على السقف او الكبوت لن تقترب منها القطط وعن تجربه اكييييد بس الكلاب ملهاش فى الكلام ده والله اعلم

Hydro-phobic cats???

**zangry** · 17-02-2012 03:14 AM

الحمدلله معنديش هنا حاجة من دى مافيش غير قطة واحدة بتيجي ساعات تنام على الكبوت وتمشى الصبح

**windofchange** · 17-02-2012 04:29 AM

وفيها ايه لما تنام عالكبوت وتدفي مهي مخلوق زينا من لحم ودم,,,ورحمتنا ليها باجر وصدقة عند ربنا قال صلي الله عليه وسلم "الراحمون يرحمهم الله يوم القيامة ارحموا من في الارض يرحمكم من في السماء" والضرر الواقع علينا(غطاء العربية) هي ماكسرتش ازاز ولا سرقت فرده جنط ولا سرقت فوانيس يعني شيء طبيعي اللي بيحصل منها وبعدين لو يجوز (اننا منششفش ولا قطة ولاكلب فالشارع) فنقتل كل الحيوانات اللي بنكرهها وناخد الاجر!!!!! انا شايف ان اللي في مصر كبلد بسبب كل واحد يلا نفسي وكلامي مش موجه ليكي عالخصوص يانونيتا انا متعاطف معاكي لكن كلامي بوجه العموم علي احوالنا في كل مكان وابسطها الشارع واحد يلبسك في عربية وانت مستعجل بمجرد انت جريت من جنبه وعايز تدخل في حارته(حصلت معايا من يومين) مبدأ انا ومن بعدي الطوفان....هدينا في الحياة وطريقنا للجنة سنة الرسول عليه الصلاة والسلام واللي غير مسار الجيش وده كان ممكن يعرض الجيش للهزيمة والهلاك بسبب كلبة بتولد لكي لا يخيفها في ولادتها واحاديث كثيرة بتدل عالرفق بالحيوان ومنع تعذيبه والله المستعان ولاحول ولا قوة الا بالله

**zangry** · 17-02-2012 04:43 AM

المشاركة الأصلية كتبت بواسطة windofchange

وفيها ايه لما تنام عالكبوت وتدفي مهي مخلوق زينا من لحم ودم,,,ورحمتنا ليها باجر وصدقة عند ربنا قال صلي الله عليه وسلم "الراحمون يرحمهم الله يوم القيامة ارحموا من في الارض يرحمكم من في السماء" والضرر الواقع علينا(غطاء العربية) هي ماكسرتش ازاز ولا سرقت فرده جنط ولا سرقت فوانيس يعني شيء طبيعي اللي بيحصل منها وبعدين لو يجوز (اننا منششفش ولا قطة ولاكلب فالشارع) فنقتل كل الحيوانات اللي بنكرهها وناخد الاجر!!!!! انا شايف ان اللي في مصر كبلد بسبب كل واحد يلا نفسي وكلامي مش موجه ليكي عالخصوص يانونيتا انا متعاطف معاكي لكن كلامي بوجه العموم علي احوالنا في كل مكان وابسطها الشارع واحد يلبسك في عربية وانت مستعجل بمجرد انت جريت من جنبه وعايز تدخل في حارته(حصلت معايا من يومين) مبدأ انا ومن بعدي الطوفان....هدينا في الحياة وطريقنا للجنة سنة الرسول عليه الصلاة والسلام واللي غير مسار الجيش وده كان ممكن يعرض الجيش للهزيمة والهلاك بسبب كلبة بتولد لكي لا يخيفها في ولادتها واحاديث كثيرة بتدل عالرفق بالحيوان ومنع تعذيبه والله المستعان ولاحول ولا قوة الا بالله

هو حضرتك دخلت فيها شمال ليه كده ؟ انا مش مضايق خالص والله بالعكس وحتى لو ضرت العربية مش مشكلة .. انا كل قصدى بحكى اللى بيحصل معايا مش اكتر لكن انا لا عايز اطفشها ولا اموتها احنا اصلا بنربى قطط فى البيت

**windofchange** · 17-02-2012 05:23 AM

وانا كمان بربي قطط بس انا بتكلم فالمنتدي الاجتماعي كاخوات وقعدة عائلية مش اكتر وانسة نونيتا ليها مني كل احترام *) شكرا لمشاركتك يازنجري باشا

-

-

الموضوع: طريقة لمنع القطط من الصعود على السيارة

LinkBack

أدوات الموضوع

عرض

طريقة لمنع القطط من الصعود على السيارة - انشر الموضوع فى :

-

-

-

-

-

المواضيع المتشابهه

طريقة مبتكرة وعجيبة لمنع الكلاب من الصعود فوق السيارة

(الدليل بالفيديو) على صحة طريقة سبعاوى المبتكرة لمنع الكلاب من الصعود فوق السيارة

اختراع : طريقة فعالة لمنع سرقة السيارات @@

طريقة لمنع سرقة الجين 2

طريقة لمنع سرقة غطاء السيارة

الكلمات الدلالية لهذا الموضوع

المفضلات

المفضلات

ضوابط المشاركة