ناوي علي لوجان ان شاء الله .. وخايف من موضوع الكلاكس ده

السلام عليكم ورحمة الله وبركاته

سعيد جدا اني ناوي قريب ان شاءا لله انضم لهذا القسم من هذا المنتدي .. اللي بعتبره من اقوي الاقسام وأنشطها ..

كنت ناوي ان شاءا لله قريب جدا أشتري لوجان مانيوال فول اوبشن بعد دراسة وفحص وتفكير طويل

لكن اكتر حاجةى مخوفاني منها موضوع الكلاكس ده :guitarplay1: .. عمري ما شوفت عربية الكلاكس بتاعها مش في الطارة وموجود في الدراع :Copy of majd(4): ... انا خايف ان يكون ده عامل من عوامل قلة الامان في العربية دي .. ياريت الناس اللي معاها اللوجان تقولي كلامي ده صح ولا غلط .. منتظر تعليقاتكم :inlove:

لا عادى جدا هتتلخبط شويه فى الاول وبعد كده هتلاقى الموضوع اسرع واسهل كتير , ولو ناوى تجيب وتقدر تزود وتجيب الاتوماتيك يبقى احسن

هو تحبه او لا او تختلف معاه ده حققك لكن مفيش عربيات الكلاكس مش فى الطاره اختلف معاك جدا
البيجوا معشوقة الملين الكلاكس مش فى الطاره فى دراع المساحات
واعتقد عربيات اوربى كتير بيفكره فى الموضوع ده

عمتن هو انا مبسوط بمكانه اخوى مخنوق شويه وده كان سبب فى ترددنا فى الاول لكن قدام مزاي العربيه الكتير صعب انك تسيب عربيه علشان مكان كلاكس ولا مكان ازاز فى ناس بتقبل عربيات باوبشن اقل بكتير

لكن الحمد لله لما جبنا العربيه اوتماتيك وده النصحك بيه فانته اصلا اديك فاضيه فا مش هيمثل مشكله كتير

وعمتن الامر متروك ليك فى الاخر لكن لنكون واقعيا فى الرنج ده والاعلى منه والاعلى منه لحد ايه الاوبشن المتاح قدامك تانى بنفس الكماليات دى والامكانيات دى

اما عن الامان فالاوربى عندهم الامان اولا وده البتحسه وانته راكب اى عربيه من عربيتهم وده الحسيته وانا راكب رينوا لوجان الامان فوق كل شيء

وربنا يوفقك لكل خير عمتن بص على بروتن ساجا هى المنافس الوحيد الممكن انصحك بيه لكن غير كده انا مش مقتنع

انا عن نفسي مستمتع جدا والله العظيم بمكان الكلاكس كده
رائع بجد

الكلاكس مكانه جامد والله
بصباعك اللى فى النص بدوس عليه وشغال زى الفل :d

لا تقلق من موضوع الكلاكس ... هو ليس عيب ( هذا رأيي الشخصي أمام الله ) .. مجرد تغيير في التصمييم و نفس نتيجة الأداء ... الكلاكس على الذراع بجانب يد السائق على التارة عشمال ( اليد الشمال في القيادة لا تغادر عجلة القيادة عكس اليمين تستخدم مع تغيير السرعات و فرامل اليد )
معلومة عامة : يلزم إستخدام ( كلتاااا يديك من أجل أقصى و أأمن تحكم للسيارة)

الف الف شكر يا رجالة .. انتوا كده طمنتوني .. دعواتكم بقي :)

اقتباس:

---

المشاركة الأصلية كتبت بواسطة pharmacology

الف الف شكر يا رجالة .. انتوا كده طمنتوني .. دعواتكم بقي :)

---

بالتوفيق ان شاء الله بس لو ناوى اتقل وخش على الاتوماتيك

ولا يهمك انا لسه شاريها من اسبوعين اتلخبطت شويه وخاصة في المفاجئه يعني تلاقي واحد معدي الشارع فاجئه بس الحمد لله كل يوم تعود اكتر من الاول وبعدين مش هيكون اصعب من سواقة المانوال يعني لو قعدت تفكر سنين ازاي هتنقل وتدوس ديبرياش وتبص على الطريق وتكلم اللي جنبك في وقت واحد لايمكن تعقل لكن مع التعود كل شيء بيمشي لوحده لان دي كومبليكس موفمنت بيترجمها المخ وبتبقى شيء عادي

بالتوفيق وربنا يباركلك فيها