صيانة 1000 كم بتوكيل دايموند فرع السعودي جروب

السلام عليكم ورحمة الله وبركاته
تم بحمد الله عمل اول صيانة للسيارة لانسر بومة 2011 بتوكيل دايموند فرع السعودي جروب طريق مصر الإسماعيلية
التقرير الناتج عن:
تغير زيت (نوع الزيت Total)
وتغير فلتر اصلي
وكشف على الكهرباء بالكامل والفرامل والعفشة وفحص السيارة

ودفعت هناك 345 جنيه واتغسلت العربية وخرجت تمام
بس سألت بعض الاسئلة المعتادة عن:
الزيت المستخدم أفضل (Total) أم يوجد زيت تاني؟؟ وهل يتحمل 10000 كم لحد ميعاد الصيانة القادم؟
فردت المهندسة سمر على سؤال بإن شركة ميتسوبيشي نفسها بتنصح بإستخدام زيت Total وإنه يتحمل لغاااااااية 10000كم ميعاد الصيانة القادم إن شاء الله
الكلام ده صحيح يا جماعة؟؟؟؟؟
وسألت عن تظبيط العفشة والفرامل فقالت تم فحصهم ولكني لم أرى العربية أثناء عملية الصيانة

أنا عايز رأيكم في موضوع الصيانة والضمان هل أفضل أم أروح لأي ميكانيكي كويس أو ورشة كبيرة كويسة وأعمل الصيانة فيها وابعد عن الضمان بعد كده؟؟
وعايز أعرف من أهل الخبرة والتجارب مع التوكيل ده المفروض كنت اعمل ايه معاهم وايه المفروض بعد كده اعمله؟؟
وشكر لكم وجزاكم الله كل خير

حضرتك العربيه فيها مشكله.....ولا مفيهاش؟
لو مفيهاش ....أستمتع بالعربيه من غير وسوسه
فيها مشكله ....بلغ التوكيل وهم يحلوها....وتابع فى المنتدى
وربنا يستر طريقك

اولا مبروك العربية ربنا يديك خيرها ويكفيك شرها

وطالما هي لسه في الألف الأولى وليها ضمان يبقى حرام تضيع الضمان 3 سنين او 100 ألف كيلو ايهما اقرب - وبعد الضمان ما يخلص ابقى اسئل براحتك عن ميكانيكي عادي او مركز خدمة كويس تعمل فيه الصيانات

والمحافظة على الضمان معناها لازم تحافظ على الصيانات الدورية كل 10 آلاف كيلو في التوكيل او احد المراكز المعتمدة

بخصوص الزيت هو زيت توتال كويس لكن اعتقد من حقك تاخد اي زيت يعجبك معاك يغيروه في الصيانات الدورية وباقي قطع الغيار من عندهم (احنا في مصرية بنعمل كده لكن الافضل تتصل بيهم الأول للسؤال عن امكانية احضار الزيت معاك)

الضمان ممكن تحتاجه في حاجات بسيطة وممكن في حاجات جامدة لا قدر الله فحرام تفقده لو لم تحافظ على الصيانات الدورية

أشكركم جميعا على الردود
أنا كنت عايز أعرف مكان تاني أفضل من حيث السعر والجودة (لأني مش خبير اوي بأنواع الزيوت ولا بالميكانيكا)
وعلى فكرة العربية أثناء تغير الزيت والصيانة لم أستطع مراقبة ما يحدث لسبب منعهم وجودك بمكان الصيانة
وأيضا عرفت من العاملين هناك أن صيانة الـ10000 سعرها 2000 جنيه
ده غير خبطة بسيطة جدا في الاكصدام ممكن تترد بماء ساخن (بس لازم يتفك الاكصدام) فمهندس الدهان هناك قالي هتحتاج شغل يتكلف 250 علشان تترد فقط بدون دهان
علشان كده كنت بأقول على مكان أخر أفضل في السعر والجودة لسبب ان السيارة من نوع لانسر بومة منتشرة
وفيه ناس خبيرة فيها وأماكن صيانة أفضل من التوكيل
وشكرا للإفادة ومنتظر أراء باقي الأعضاء أصحاب الخبرة في هذا الموضوع

اقتباس:

---

المشاركة الأصلية كتبت بواسطة mostakbal5000

أشكركم جميعا على الردود
أنا كنت عايز أعرف مكان تاني أفضل من حيث السعر والجودة (لأني مش خبير اوي بأنواع الزيوت ولا بالميكانيكا)
وعلى فكرة العربية أثناء تغير الزيت والصيانة لم أستطع مراقبة ما يحدث لسبب منعهم وجودك بمكان الصيانة
وأيضا عرفت من العاملين هناك أن صيانة الـ10000 سعرها 2000 جنيه
ده غير خبطة بسيطة جدا في الاكصدام ممكن تترد بماء ساخن (بس لازم يتفك الاكصدام) فمهندس الدهان هناك قالي هتحتاج شغل يتكلف 250 علشان تترد فقط بدون دهان
علشان كده كنت بأقول على مكان أخر أفضل في السعر والجودة لسبب ان السيارة من نوع لانسر بومة منتشرة
وفيه ناس خبيرة فيها وأماكن صيانة أفضل من التوكيل
وشكرا للإفادة ومنتظر أراء باقي الأعضاء أصحاب الخبرة في هذا الموضوع

---

2000 جنيه ليه يامعلم
انا لما عملت الصيانه للشارك فى دايموند كلفتنى 670 جنيه مع العلم ان الشارك بتاخد زيت اكثر من البومه فالمفروض الصيانه عندك متزدش عن 600 جنيه شامله كل حاجه, صيانه ال 10000 مبيتغيرش فيها غير زيت وفلتر مع الكشف على العربيه ميكانيكا وكهرباء

اقتباس:

---

المشاركة الأصلية كتبت بواسطة mostakbal5000

أشكركم جميعا على الردود
أنا كنت عايز أعرف مكان تاني أفضل من حيث السعر والجودة (لأني مش خبير اوي بأنواع الزيوت ولا بالميكانيكا)
وعلى فكرة العربية أثناء تغير الزيت والصيانة لم أستطع مراقبة ما يحدث لسبب منعهم وجودك بمكان الصيانة
وأيضا عرفت من العاملين هناك أن صيانة الـ10000 سعرها 2000 جنيه
ده غير خبطة بسيطة جدا في الاكصدام ممكن تترد بماء ساخن (بس لازم يتفك الاكصدام) فمهندس الدهان هناك قالي هتحتاج شغل يتكلف 250 علشان تترد فقط بدون دهان
علشان كده كنت بأقول على مكان أخر أفضل في السعر والجودة لسبب ان السيارة من نوع لانسر بومة منتشرة
وفيه ناس خبيرة فيها وأماكن صيانة أفضل من التوكيل
وشكرا للإفادة ومنتظر أراء باقي الأعضاء أصحاب الخبرة في هذا الموضوع

---

اولا الف مبروك للصيانة الاولى بس احب اوضح انى لسة كنت هناك فى دايموند الرئيسى و عامل صيانة الالف و سالت على العشرة الاف و بلغونى انها ب500 جنية فقط تانى جاجة زى ما البشمهندس بلغ حضرتك خليك مع التوكيل فى المهم و لو حبيت تعمل اى سمكرة برة او دهان مافيش مشكلة بس اعتقد التوكيل اضمن بالتوفيق

مشكورين جدا على الاهتمام بالرد والتفاعل بالموضوع
أكيد معاكم حق لأن اللي بلغني واحد من الصيانة مش مسئول هناك ولسه سأل بالتليفون وقالو لي انها لو صيانة وكشف على السيارة وتغير زيت وفلتر بدون اي اعطال تانية تقريبا 500 جنيه في صيانة 10000
أشكركم على الرد وياريت اي حد يعرف بتاع سمكرة كويس يقولي عليه علشان الخبطة اللي في الاكصدام وشكرا لكم جميعا

1- طالما السيارة جديدة , استحمل شوية و خليك مع التوكيل لحاد ما الضمان يخلص عشان فى نقطة احب انوه ليها . فى بعض توكيلات السيارات مش بتوافق على تغير قطعة باظت فى السيارة على الضمان الا بشروط . واحدة من الشروط دى انك تكون عامل على الاقل 3 صيانة عادية اللى هى زيت و فلتر يعنى عند 30000 و واحدة صيانة شاملة زى ما بيسموها اللى هى عند 40000 او 45000 و تتضمن زيت و فلتر و فلتر هواء و بوجيهات و غيره . و المعلومة دى من 4 تجارب شخصية منها 3 سيارات من داخل اسرتى و تعاملت فيها شخصيا و واحدة من سيارات صحابى .

2- عن تجربة , انا انصح بزيت castrol edge 5w40 و ده نفس درجة اللزوجة بتاعت ال total اللى بيستخدمه التوكيل . اما ال liquimoly و valvoline و الهوجة اللى الناس بتعملها عليهم انا مش مقتنع بيهم ب صراحة . انا مجربتش لا ده ولا ده بس العادى يعنى بتاع الشعب المصرى ان اى حاجة بتططلع فى الهوجة دى بيبقى اخرتها ان الناس بتلبس زى ما الناس حصلها و لبست فى ال kia cerato .

انا عملت صيانة ال 10000 كلم في دايموند في شهر 8 اللي فات وكلفتني 605 جنية
240 مصنعية و54 فلتر زيت و260 زيت توتال و20 اعمال خارجية معرفش هيه ايه
سؤال لو سمحت المفروض اعمل صيانة ال 15000 ولا ال 20000 وهل استمر مع دايموند علشان العربية مازالت في فترة الضمان موديل 2010