المشكلة انها لو قلت اصلها هناك مش هتلاقي حد بيفهم فيها و لا هتلاقي قطع غيار
عرض للطباعة
المشكلة انها لو قلت اصلها هناك مش هتلاقي حد بيفهم فيها و لا هتلاقي قطع غيار
من المشاركات والمواضيع السابقة الافضل يكون السفر فى مجموعة علشان مفاجأت الطريق.
وربنا يكتبها لينا كلنا
السلام عليكم و رحمة الله و بركاته
أنا متهيألى أن الموضوع معتمد على حاجتين :
1- أنك تقدر تاخد تأشيرة عمرة لوحدك مش ضمن فوج و دى أنا أعتقد أن السعودية ماعدتش بتعملها خوفا من هروب العمالة المصرية هناك و الاقامة الغير قانونية., بس الأفضل أنك تسأل فى مكان موثوق فيه عشان تاخد معلومات مؤكدة حقيقية.
2- أن يكون معاك عربية تستحمل المشوار ده و ده مش معناه أن يكون معاك موديل السنة و السلام, مع عظيييييييييييييييييييم احترامى لكل العربيات, لكن يكون معاك حاجة زى اللاندكروزر برادو و كده يعنى.
السواقة نفسها هناك مش مشكلة, الطرق واسعة و حلوة و المسافة من ضبا لمكة بتاع 980 كم و هتحرم فى ميقات الجحفة و تعمل عمرة و تطلع على المدينة, بتاع 460 كم من مكة و بعد كده ترجع من المدينة على تبوك على ضبا و طبعا خلال كووووووووووول الرحلة دى, اول ماتشعر بالارهاق و التعب, لازم تريح و ممكن تريح فى بلد قبل جدة اسمها (ينبع), ركوب العبارات و أنت رايح أو جاى مش هيكون منظم طبعا زى الطيارات, بس فى الآخر هتركب, بس أيام الأجازات بتاع شهر 7, كان بيبقى فيه مصريين كتير أوى -ياعينى- بيفضلوا مرميين فى المينا بتاع ضبا فى السعودية باليومين و التلاتة لحد مايركبوا, فأنت حاول تروح و تيجى بعيد عن نزول المصريين زى الأعياد و شهر 7 و أجازة نص السنة.
ان شاء الله الطرق أمان و العجل بيجرى عليها عالطول و الشرطة هناك ايجابية أكتر من الشرطة المصرية طبعا, هناك هتلاقى العسكرى بتاع الشرطة, غبى حبتبن تلاتة و بالذات لما يكون جديد لسه, بس الظابط اللى معاه هتلاقيه غالبا بيفهم, فلو لا قدر الله, حصل حاجة و لقيت العسكرى بيجحش, خلى كلامك دايما مع الظابط, مش العسكرى.
مش عارف بقه موضوع الرخصة المصرية أو الدولية ينفع تمشى بيها و لا لأ, بس اتأكد من الموضوع ده عشان المشاكل.
و ابقى طمننا و قولنا عملت ايه.
بالتوفيق ان شاء الله.
بص بقى
يا ريت نتاكد ان الموضوع دا ينفع وان شاء الله هاتلاقينى مش سايبلك رقبه
أكره اني اكون ناقل الاخبار السيئة
بس للاسف لو كلمت نادي السيارات هيقول لك رخصة السيارة (السيارة و ليس القيادة) الدولية تصدر فقط للمغادرة للأردن ........ لو عاوز تروح اي بلد تاني لازم تجيب خطاب ضمان بقيمة السيارة بالكامل (يعني تحط تمن العربية بالكامل حسب تقديرهم في البنك) و ما بيتفكش خطاب الضمان الا اما ترجع مصر بالعربية
طيب ما هو ممكن نسافر للسعوديه عن طريق نويبع العقبه
ولا الرخصه للاردن فقط لا غير
لازم تجيب للعربية ملابس إحرام علشان متعملهاش معاك لا قدر الله
بحاول اتصل بنادي السيارات والرحلات المصري ومفيش حد بيرد
جبت النمرة من الدليل و ادانى نمرة اسكندرية 4846730