يــــوكـــــــو .. هاما

**Samah AbdAllah** · 17-02-2012 04:20 PM

بلاش نيش يا فارما
عشان خاطر نور مش عشانك
هى اللى كل شوية هتنزل وتنظف وترتب لكن لو انت اللى هتنظفه هاته :-)

كل الاثاث ماكان بسيط كل ما كان اكثر اناقة
بس لازم صفرة امال هتاكلوا فين
يعنى هات ترابيزة من غير نيش
الانتريه متجيبش حاجة ضخمة هات انتريه بسيط صغير الحجم
اهم حاجة تحافظ على وجود مساحات فاضية فى البيت لانها بتكون مريحة للعين وبالتالى بتكون مريحة للاعصاي لكن العفش اللى فى كل مكان ده بيعصب وتقضل ماشى تتخبط فى كل حتة :-)

**aif** · 17-02-2012 04:25 PM

المشاركة الأصلية كتبت بواسطة S A M A

بلاش نيش يا فارما
عشان خاطر نور مش عشانك
هى اللى كل شوية هتنزل وتنظف وترتب لكن لو انت اللى هتنظفه هاته :-)

كل الاثاث ماكان بسيط كل ما كان اكثر اناقة
بس لازم صفرة امال هتاكلوا فين
يعنى هات ترابيزة من غير نيش
الانتريه متجيبش حاجة ضخمة هات انتريه بسيط صغير الحجم
اهم حاجة تحافظ على وجود مساحات فاضية فى البيت لانها بتكون مريحة للعين وبالتالى بتكون مريحة للاعصاي لكن العفش اللى فى كل مكان ده بيعصب وتقضل ماشى تتخبط فى كل حتة :-)

انا لغيت السفرة يا بسكوتة
المطبخ عندي كبير وفية ترابيزة اكل .... نظام امريكاني يعني

وكمان عندي ترابيزة بتتقفل وتتفتح باستعملها لو عاوز
انما الدايناصور اللي اسمه السفرة ده والكراسي اللي عاملة زي عرش بلقيس ده كرهني في الاكل اصلا ( عشان كدة خسيت خالص )

**Samah AbdAllah** · 17-02-2012 05:30 PM

المشاركة الأصلية كتبت بواسطة aif

انا لغيت السفرة يا بسكوتة
المطبخ عندي كبير وفية ترابيزة اكل .... نظام امريكاني يعني

وكمان عندي ترابيزة بتتقفل وتتفتح باستعملها لو عاوز
انما الدايناصور اللي اسمه السفرة ده والكراسي اللي عاملة زي عرش بلقيس ده كرهني في الاكل اصلا ( عشان كدة خسيت خالص )

ايوة اخدت بالى

هههههههه
انا عندى سفرة صغيرة مش كبيرةودلوقتى العيال محتلينها وبيذاكروا عليها :-))
ومبيرضوش يذاكروا فى اوضتهم
فبتنفع برضه بيكونلها استخدامات اخرى
هات طبلية يا فارما وريح دماغك ولما تخلص اكل حطها تحت السرير :-))

**A7MED_PHARMA** · 17-02-2012 10:10 PM

حلوة حملة كارهي النيش دي
هههههههههههههههههههههه

والله فعلا ناس بتفهم
.
البيت المفروض
غرفة نوم.. غرفة جلوس .. مطبخ
والباقي يكون ديكورات بسيطة

لا
المصريين لازم يحطوا السفرة الطويلة المدهبة أو بكراسي ريكارو ههههههههه
والنيش الغبي
والصالون أبو كراسي كبيررررررررررررة اوي ماتعرفش ليه..الواحد بيقعد فيها يغطس

ربنا يخليلي الحكومــة

**FunnyMickey** · 17-02-2012 11:52 PM

الحمد لله مجبتووووووووووووش
وعاوز اقولك علي معجزه عملتها

ولا اهلي ولا اهلها شافوا العفش غير لما دخل البيت
:)
ورب الكعبه

اصلهم ستيل واحنا مودرن
وانا كنت مفصل كله مش جايب جاهز عشان يبقي علي ذوقي
انا وهيا اللي كنا بنعمل كل حاجه وبنتابع كل حاجه وبنروح المصنع نتفرج علي كله
الاهالي جت في دفع الفلوس بس
:) :)
واطي واطي يعني

**SYD** · 18-02-2012 03:59 AM

المشاركة الأصلية كتبت بواسطة تامر.محمد

مكانه فين ابلاينس ده ؟

هقول لحضرتك

عارف لما تبقي ماشي في طريق النصر (الأوتوستراد) قصاد نادي السكة هتلاقي الشبراوي بتاع الفول والطعمية
ادخل الشارع الي بعده (المفروض يطلعك علي العباسيه ومصلحة الأحوال المدنية)
لف من اول u-turn هتلاقي ابلاينس
بالظبط بعد وزارة المالية ومصلحة الجمارك

مش عارف كدة انت تعرف المكان دة ولا توهت

تشوف المحل لو انت ماشي علي كوبري 6 اكتوبر متجه ناحية شارع النصر
ممكن تنزل من الفتحة اليمين (هتنزلك علي الأوتوستراد اتجاه حلوان) اول لما تنزل ادخل يمين هتلاقي نفسك دخلت في مساكن كلها شبه بعض ممكن تركن وتنزل علي رجلك

مش قادر اوصفلك اكتر من كدة
يارب تكون فهمتني

وممكن تريح نفسك من الحوار دة كله
واي محل بي-تك هتلاقي عنده الترابيزات بتاعة ابلاينس ومكتوب عليها ابلاينس

بس هي بتبقي غالية نوعا ما الصراحة بس شكلها لوحده من غير تليفزيون عليها تحفة

والله المستعان
،
،