معلومات عن سيارات مالكى سيتروين

**Sharky** · 15-06-2007 08:26 PM

السلام عليكم

هذه الصفحة مخصصة فقط لمالكى سيارات سيتروين

يتم وضع فيها الموديل و تاريخ الصنع و الكماليات و السعر الذى تم الشراء به و من أين و مراكز الخدمة التى تم التعامل معها

**Aladdin** · 19-07-2007 06:14 PM

شكرا يا أخ شاركي على الموضوع ده و معلش استحملني انا فهمي بطئ شوية :D
انا عربيتي AX موتور 1.4 موديل 1998 اخر موديل نزل منها و كان تمنها 42000 جنيه طبعا انا ساعتها كنت صغير فهي كانت سيارة امي و لما طلعت الرخصة اخدتهتا و بنتقاسمها اخويا و انا و اخويا دلوقتي مسافر فهي عربيتي انا لوحدي دلوقتي Very Happy
العربية اكتر حاجة عاجباني فيها حجمها الصغير و موتورها القوي و كمان ان فيها تكييف و تحس انها محترمة كدة مش بنكركر زي العربيات التانية اللي بنفس سعرها دلوقتي.
و انا للاسف مش فاكر اشتريناها منين لان الكلام ده كان من زمان جدا بس تأريبا من عند JAC و بالنسبة للصيانة انا معرفش حد بيصلح AX كويس لغاية دلوقتي بس سمعت كلام كويس عن امير و جوزيف

**speed demon666** · 21-07-2007 02:36 AM

انا عربيتي سيتروين axموديل 95 1400 سي سي وبصراحه العربيه تحفه و متورها اقوى من البودي دا كمان على فكره احنا اللي عندنا دا المتور العادي دا في متور 1400 سي سي بس 98 حصان بس ايه لعنه لو اتركب على البودي ده ممكن تتطلع من اي عربيه احنا اللي عندنا 75 حصان شوف الفرق ...
من المواقف الظريفه لدرجة الخنقه ان انا اروح بيها اي حته تبقى مشيه تمام بس مجرد ما اروح ميدان الرمايه في الهرم المروحه تأف و العربيه تسخن و المشكله ان انا شغلي في 6 اكتوبر يعني لازم اعدي على الرمايه كل يوم :shock: كل ما اوصل هناك ابتدي اراقب العدادات علاشان متوقع الخيانه في المنطقه دي بالذات :D :D :D

**Aladdin** · 23-07-2007 02:13 AM

هيا العربية دي احيانا بتلكك كده بتحصل معايا كتيييييرالتلاكيك دي بس هي عربية تحفة و بحبها جدا

**speed demon666** · 21-08-2007 12:38 PM

يا ريس اتظبطت 8) طلع العيب من التيرموستات غيرتو و بأت مشيا زي السكينه في الحلاوه :D

**Aladdin** · 21-08-2007 05:49 PM

هو دا الكلام وللا بلاش.. انت شوفت تيتانيك ؟؟؟؟

**habdelbar** · 12-01-2008 01:35 PM

سلامو عليكو
انا كان عندى ax 1.4 ولسه بايعها وفعلا بحبها جدا والعربية ممتعة جدا فى السواقة بس اضطريت ابيعها عشان محتاج عربية اكبر عشان الاسرة.
انا حبيت بس اقولكو انا كونت بصلحها عند واحد فى زينهم اسمه محمد الابيض بس للاسف جنب المشرحة لكن هو شاطر اوى وحافظها وعنده حاجتها استيراد.
انا جربت امير وجوزيف مرة بس كان غالى جدا وكمان بعيد عليا.
وحاليا عاوز اشترى zx ان شاء الله بس كان نفسى فى اخر موديل نزل منها اللى هيا الفلاش
حد يعرف اختلافها ايه عن الzx العادية ؟ انا تهيالى انها نفس الموتور ونفس الشكل بالظبط بس مش عارف ليه الفلاش دايما بتحس ان شكلها جديد كده.
وانا مبسوط اوى ان فيه ناس تانية عجباها العربية دى غيرى :)

هشام