الموضوع: طرق العناية بالبايك؟؟؟

متابع

ده كان موضوع اتعمل عن الصيانه و اغلب الاعطال اللى ممكن تقابلك

http://www.nilemotors.net/Nile/190186-a.html

اشترى اسبراى شحم ابيض للجنزير

و تتأكد ان الجنزير لا مشدود ولا مرخى ولا تسبوه لغايه ما ينشف و صوته يعلى

انا كمان اعرف طريقة للعناية وهى الشمع الاسبراى

ممكن تشتريه لو عندك حته من الكروم بيكون عازل لعوامل الجو ولو مش لاقيه او غالى................


اشترى فازلين وحته قطنه

وعييييييييييييييييش يامعلم

المشاركة الأصلية كتبت بواسطة malibu

ده كان موضوع اتعمل عن الصيانه و اغلب الاعطال اللى ممكن تقابلك

http://www.nilemotors.net/nile/190186-a.html

حضرتك فهمتنى غلط

انا اقصد عن العناية بالبايك زى مثلا طرق الغسيل والمواد المستخدمة

كدا يعنى

تحياتى

المشاركة الأصلية كتبت بواسطة Hesham94

حضرتك فهمتنى غلط

انا اقصد عن العناية بالبايك زى مثلا طرق الغسيل والمواد المستخدمة

كدا يعنى

تحياتى

تمام كده وضحت الصوره ,

اول حاجه بلاش بيريل و فيرى ,,بيحتاج مياه كتير فى الشطف والا هيجير ,و المواد اللى فيه بتأثر على البويه
هات سائل تنظيف من on the run او carrefour

انا بستخدم الجوانتى ده للغسيل


و فوطه ميكروفيبر بتنضف و تلمع يومياً ,,ناعمه جدا و متجرحش البويه
ونزل منها جوانتى بس مش لاقيه


وwax للتلميع مره فى الشهر

ده اقتباس من موضوع أ/احمد كمال كان عامله
http://www.nilemotors.net/Nile/160145-a.html

المشاركة الأصلية كتبت بواسطة أحمد كمال

النهاردة قررت اغسل البايك ..... بقى مترب جدا و امبارح مشيت في طين و كان اتوسخ جدا

الادوات:

جردلين مليانين مية
شامبو جونسون لا دموع بعد اليوم (بجد مش تهريج)
فوطتين ميكروفايبر
فانلة قطن قديمة

الخطوات:

فضي نص قزازة جونسون (القزازة الصغيرة خالص) على نص جردل كبير و قلبها بايدك عشان ترغي

احنا هنعمل 3 فم للغسيل

فم مية
فم مية و صابون
فم مية نضيفة


اول حاجة هتبل الفوطة الميكروفايبر بالمية و تعصرها و تدعك الموتوسيكل كله ..... تبدأ بالمرايات و ال windscreen و الفانوس ..... ثم الرفارف و النواكل و التنك و الشنط الجلد و الكرسي..... ثم اخر حاجة الشاسيه و الرادياتير و الدواسات ..... الترتيب مهم عشان ما تلمش الوساخة من الدواسات تحطها عالمراية :)

تاني حاجة ..... هترغي الفوطة الميكروفايبر التانية بالمية و الشامبو و تبتدي تدعك الموتوسيكل بنفس الترتيب ......

تغير المية (اللي من غير صابون) بمية نضيفة و تشطف الصابون .... و الخطوة دي لازم ما تسيبش وقت بينها و بين اللي قبلها عشان الصابون ما يلحقش يجير

اخيرا و ليس اخرا بالفانلة القطن تنشف النواكل و المرايات و بعد كده تنشف كل حاجة .......

و مبروك عليك موتوسيكلك و هو نضيف تاني :)

المشاركة الأصلية كتبت بواسطة malibu

تمام كده وضحت الصوره ,

اول حاجه بلاش بيريل و فيرى ,,بيحتاج مياه كتير فى الشطف والا هيجير ,و المواد اللى فيه بتأثر على البويه
هات سائل تنظيف من on the run او carrefour

انا بستخدم الجوانتى ده للغسيل


و فوطه ميكروفيبر بتنضف و تلمع يومياً ,,ناعمه جدا و متجرحش البويه
ونزل منها جوانتى بس مش لاقيه


وwax للتلميع مره فى الشهر

تمام ياباشا بس فى كذا سوال

الجوانتى ده بيتجاب منين واسمه ايه؟
انا اول مرة اسمع عن الفوطة الميكروفيبر فياريت لو حضرتك تقول اجيبها منين؟

ومعلش ال wax ده بالتقريب سعره كام؟

مشكوور جدا على المجهود الرائع