النهاردة وانا نازل بالعربية
شغلت ودورت و جبت ال d
ودوست بنزين بصيت لقيت فيه صفارة الارم وقفت ابص لقيت الهاند مشدودة
مسافة بسيطة بتاع 3 او 4 متر
كنت عايز اعرف ايه ضرر على العربية ؟ وهل لو فيه حاجة لقدر الله اكتشفها ازاى
النهاردة وانا نازل بالعربية
شغلت ودورت و جبت ال d
ودوست بنزين بصيت لقيت فيه صفارة الارم وقفت ابص لقيت الهاند مشدودة
مسافة بسيطة بتاع 3 او 4 متر
كنت عايز اعرف ايه ضرر على العربية ؟ وهل لو فيه حاجة لقدر الله اكتشفها ازاى
متقلقش من 3 او 4 متر .. مش هيحصل حاجه ان شاء الله بس خلي بالك لأن ده بياكل في تيل الفرامل الخلفي و كمان اكيد هيأثر علي الطنابير بس لو علي كده اكيد محصلش حاجه
حاجه بقي مهمة جدا و لازم تنتبه ليها حتي لو مستعجل :
بعد ما تدور العربية تتأكد من العدادت قدامك ان جميع لمبات التحذير تم اغلاقها بالكامل لأنك لو كنت اخدت بالك من لمبة الهاندبريك .. مكنتش هتمشي بيها مرفوعة
بسيطة ان شاء الله.
المسافة 4 متر مفيش اي ضرر بإذن الله.
والاضرار لو كملت قيادة.
تأكل التيل الخلفي.
ما تقلقش يا باشا
انا مشيت بيها 7 كم هههههههههههههه,,,, كتير صح ؟؟؟بس ربنا ستر
ولا حاجة ان شاء الله
4 متر ايه ياراجل
انا زوجتي كانت بتكتشف الهاند بريك بعد ما ترجع من المشوار اصلا
وترجع تشتكي ان العربية مش بتسحب كويس وماشية بطيء :b4_564: ....... والسحب كله كان بيبقى من جيبي عشان اجيب تيل جديد كل كام شهر
ولا يهمك ان شاء الله مفيش مشاكل
الله يبارك فيكم ويعزكم
انا مرة زوجتي كلمتني ع الموبايل وهي ف الشارع ... كانت لسة معاها 128
العربية مش عاوزة تمشي ..... العربية باظت .... ومش عارفة اتصرف .... والشارع كله عمال يديني كلاكسات
كانت تحت البيت لسة
نزلت جري
لقيت واحد شاب واقف جنبها ونزل من عربيته بعد ما قعد منتظر 10 دقايق .... والواد لما لقي مفيش فايدة ..... قالها يامدام هاتي الاول واطلعي قدام عشان الطريق يمشي ..... يا مدام هو انتي نزلتي فرامل اليد كويس ؟؟؟؟
هي بقى هنا ..... افاقت .... قالت : ايه ؟؟؟؟ فرامل اليد ؟؟؟؟
والواد بقي يشد ف شعره ....... يامدام الفرامل مرفوعة ..... حرام عليكي ..... العباسية كلها اتزحمت بسببك
انا نزلت لقيت المشكلة خلصت والفرامل نزلت والعربية مشيت فوريرة ..... ولولا انها تحت البيت وكل الناس عارفة انها زوجتي ...... كانو زمانهم عملو اعتصام ف الشارع وبقت مشكلة
طيب بس سؤال
ازاى حد يكون الهاند مرفوعه و العربية تمشي عادي
إلا بقي لو كانت مرفوعة نص نص غير كده معتقدش أنها تمشي
في النيسان اللمبة مبتطفيش غير لما تنزل الفرامل للآخر
ولو وصلت بالسرعة لـ7 كيلو في الساعة الصفارة بتشتغل عشان تنبهك
قبل كده لأ
هو حوار الصفاره ده موجود في الصني ولا نتم بتتكلموا على التيدا ولا لانسر اصل انا شايف صاحب الموضوع معاه لانسر وبيكانتو ؟؟