الي خبراء سيات ليون

**sala7** · 17-02-2012 07:31 PM

معايا سيات ليون ٢٠٠٤ سعة الماكينه ١٨٠٠ كامل المواصفات رياضية كنت محتاج اعرف فين علبه الفيوزات و كنت عاوز سير فيس مانيوال اللي فيه اجزاء العربيه بالكامل وشكرا جزيلا

**ehab_mansour** · 18-02-2012 10:09 AM

علبة الفيوزات موجودة عند تحت عند رجليك راكبه في التابلوه من تحت ناحية السائق
بخصوص المانيوال فأنت تقدر تنزل مانيوال الجولف 4 و هتلاقي فيه تشابه كبير بين الاتنين ده لو لقيته و لكن لو احتاجت اي حاجه تخص العربية دي تقدر تدخل المنتدي ده هتلاقي فيه كل اللي تحبه
Mk1 Leon FAQ's (1M) 2000-2006 - SEAT Cupra.net - SEAT Forum

وده كمان
Leon Mk1 - SEAT Cupra.net - SEAT Forum

وخد ده كمان فيه معلومات كتير عنها هيعجبك و اكيد هتلاقي تفاصيل كتير عن المحرك و بياناته
SEAT León - Wikipedia, the free encyclopedia

سؤال مني غلس شوية
ممكن اعرف انت جبت العربية دي منين و بكام
لأن العربية بالمواصفات دي مالهاش غير سكتين
1- منطقة حره بورسعيد
2- داخله مصر معاقين
3- جايه استيراد و تم تخليص جماركها

لأن الموديل ده مش منتشر اصلا هنا و كمان منزلتش مصر اساسا بالمحرك ال 1800 ده ال 20 فالف ال 123 حصان يعني ما شاء الله وحش كاسر
في النهاية ربنا يباركلك فيها ولو محتاج اي معلومات جديدة عنها او حابب نبقي اصدقاء انا تحت امرك اي وقت .... منتظر ردك
اخوك ايهاب منصور

**sala7** · 25-02-2012 08:21 PM

نسيت اعلق على حاجه يا باشا
حضرتك دلوقتي بتقول ان العربية ملهاش الا سكتين تخش بيهم مصر و انت كاتب 3 سكك هههههههههه
الحاجه التانيه يا باشا المعاقين ملهمش غير 1600 فقط يركبوها .
الحاجه التالته بقا و الاهم مافيش عربية مستعمله بتنزل مصر استيراد الا في حالات خاصة

**ehab_mansour** · 25-02-2012 09:45 PM

قول كده بقي !!!!!!!!!! الكويت !!!!!!
لكن العربية دي في مصر بالمواصفات دي اوريجينال !!!!!!!! مستحيل
وبعدين انت هتقلي علي مواصفاتها الليون دي حاجه كده وهمية بجد في كل موديلاتها
وبعدين المحرك اللي بتتكلم عليه ده أسد .....
سؤال بس علي السريع و نكمل بكره الصبح ان شاء الله
هو المحرك عندك تربو ولا عادي لأن فيه منه عادي 1800 بالمواصفات اللي حطتها فوق و فيه منه ثلاث محركات بنفس السعة بتنزل في الليون الكوبرا و الثلاثة تربو و لكن بقوة و عزم مختلف واحد 177 حصان و واحد 207 حصان و واحد 221 حصان و بثلاث أكود مختلفة ....... يا تري بقي انت عندك انهي واحد فيهم ؟؟؟؟؟؟

يعني اي واحد من دول حاجه كده تخليك تمشي بيها علي الحيط .. ههههههههه