عرض للطباعة
ياجماعة شاركونى خلاص الحيرة هاتجننى مش عارف أختار بحكم عملى مثبت السرعة أساسى مش أوبشن لأنى بسوق 120 كيلو يوميا على طرق سريعة و وسط زحام البلد يعنى خلاص رجلى جالها شد عضل بكفاية وعاوز أرتاح شوية وفى نفس الوقت شكل الشنطة بتاع البيرسونا من ورا مش داخل دماغى تماما وخصوصا انهم نزلوا العربية بدون السبورت بودى كيت الجين 2 خاطفانى ومش قادر أقاوم شكلها الجبار ومش متخيل نفسى فى عربية غيرها بس هاضطر أضحى بمثبت السرعة أعمل إيه؟
تقدر تجيب الجين2 زي مانفسك فيها
وتجيب جهاز تثبيت السرعة
اعتقد كان ليه اعلان هنا في المنتدى
مش عارف بصراحة ايه مشكلتك فى شنطة البرسونا ومين قالك انها من غير البودى كيت بص عليها تانى البرسونا ممتازة جدا وشيك وتحس انا راكب سيارة سباق وكل اللى اشتراها بيشكر فيها وهى مختلفة عن الجين2 فى القاعدة والركوب طبعا الجين2 جميلة وتختطف القلب وخصوصا اللون الاحمر ولكن البرسونا برضة جميلة وعائلية اكثر فكر وروح عز العرب واتفرج براحتك وخد قرارك
أنا شايف انك ميال أكتر لشكل الجين تو .. توكل على الله و هاتها.
انما لو معاك البيرسونا .. كل ما هتشوف جين تو ماشية .. هتقول يا ريتنى جبتها.
و طبعا صلى استخارة الأول .. و روح اتفرج على العربيتين.
ياباشا اشتري الشكل اللى بتحبه فقط ، وبالفرق بين ثمن البرسونا والجين تبقي ركب بيه مثبت سرعة بس تبقي اعمله فى التوكيل علشان الضمان!
انا كنت فى نفس الحيرة بس الفكرة انه فى عربيات سيدان كتير شكلها شيك بما فيهم البرسونا
بس الجين 2 شكلها رياضى و مميز جدا و مش هتلاقى لها منافس فى الشكل نهائى ( فى فئة الهاتش باك الرياضية) غير اوبل استرا : 180 الف و هيونداى فلويستر : 160 الف و كمان الكراسى الرياضية بتاعت الجين 2 مميزة جدا جدا و مافيش اى عربيى فى مصر بتنزل فبريقة بنفس الكراسى
انا سافرت الساحل الصيف الى فات بالجين 2 و شنطتها كانت واسعة و كفت الشنط كلها
السبويلر مع شكل سحبة ضهر الجين 2 بيخلينى اعشقها
انا رايى الجين 2 اشيك من البرسونا بكتييييييييييير
http://img707.imageshack.us/img707/2106/myaccent10.jpg
المشكله ان التوكيل بيرفض تركيب اي كماليات وهي دي المشكله في عز العرباقتباس:
المشاركة الأصلية كتبت بواسطة mount
الى اعرفه ان الجين ٢ فيها مثبت
ممكن يكون اتشال منها؟؟؟