محتاج مساعدتكم

**lexus1** · 17-02-2012 08:52 PM

سلام عليكم
أنا كنت عايز اعرف معلومة ضروري , انا قدامي عربية ابيزا 98 كاملة 1400 بس مثبوتة علي الرخصة 1000 ,لما فتحت الكبوت لقيت موتور فولكس فاجن ومكتوب علي الكفر بتاعة 1.0 ورفعتها في البنزينة بردة موصلتش حاجة , عايز أتاكد بس ازاي الموتور دة 1400

**mohammed2005s** · 18-02-2012 01:14 AM

يعنى هيا مكتوبه فى الرخصه 1000 ومكتوب على كفر الموتور 1000 ، انت عرفت منين انها 1400؟؟؟
الله اعلم ممكن يكون الكفر بيتغير ولا لا ، بس اكيد الرخصه مش هايتلعب فيها الا اذا كانت مثبوته بموتور برقم معين 1000 وبعد كده غير الموتور بواحد 1400

**windofchange** · 18-02-2012 01:45 AM

وعليكم السلام ورحمه الله وبركاته..الكفر بيتغير عادي يا ليكزس وعموما مواتير الايبيزا والاسكودا كلهم من صنع فولكس فاجن مع اختلاف اللوجو(في حالتك الكفر) وبتعرف 1400 من كود الموتور بص تحت الاسبيراتير علي بلوك الموتور نفسه من الجانب اليمين وامسح بفوطه كويس وهتلاقي 3 احرف انجليزي وده يقلك الموتور 1000 ولا1400 ولا حتي 1600 *)

**midobosi** · 18-02-2012 02:34 AM

بص يا باشا انا معايا ابيزا 98 . العربية 1000 سى سى انا لسه مسق ماتور 1400 ومكتوب ف الرخصة لسه 1000 والكافر 1000 بتاع العمة والماتور عادى يعنى . انت ممكن تعرف من الماتور هتلاقى مكتوب عليه او من الكنترول بتاع العربية بس لو هتاخدها لازم تأخد الافراج الجمركى وانت بتشتريها على تعرف ترخص وانت بتعمل عملية الفحص

**SYD** · 18-02-2012 03:21 AM

المشاركة الأصلية كتبت بواسطة windofchange

وعليكم السلام ورحمه الله وبركاته..الكفر بيتغير عادي يا ليكزس وعموما مواتير الايبيزا والاسكودا كلهم من صنع فولكس فاجن مع اختلاف اللوجو(في حالتك الكفر) وبتعرف 1400 من كود الموتور بص تحت الاسبيراتير علي بلوك الموتور نفسه من الجانب اليمين وامسح بفوطه كويس وهتلاقي 3 احرف انجليزي وده يقلك الموتور 1000 ولا1400 ولا حتي 1600 *)

طبعا كلام استاذ ايهاب سليم 100%

الموتور عموما موتور بولو

ال1000 كوده aev او aer او all
ال1400 كوده aex او afh او akv او anx او apq

دي كل الأكواد الي لقيتها علي النت بخصوص مواتير البولو 1000 و1400

والله المستعان
،
،

**ehab_mansour** · 18-02-2012 09:49 AM

زي ما قال الاخوة بالضبط تعرف قدرة المحرك من كوده اللي جنب رقمه اللي موجود في الرخصة
الكود و الرقم محفورين في جسم المحرك
لو طلعت الكود و الرقم و لقيت الرقم غير الرخصة يبقي لازم يكون معاك ورق الموتور ده عشان تعرف ترخص
وبالتوفيق ان شاء الله

**ehab_mansour** · 18-02-2012 10:38 AM

المشاركة الأصلية كتبت بواسطة soledad

طيب انا لسه منقلتيش ملكيه العربيه وعايز اسقط والرخصه ساريه هل لازم اغير ملكيه قبل ما اسقط الماتور ولا ينفع اسقط وابقلا انقل ملكيه واثبت الماتور على الرخصه مره واحده

ينفع الاتنين مع بعض عادي المهم لما تيجي تفحص عشان تنقل ملكية يكون معاك ورق الموتور اللي راكب في العربية