مين قال الإنفلات الأمنى اشاعة ...؟؟؟
انا كل مره باسافر بالعربيه اول ما اصول بيتنا بأحمد ربنا ان رجعت سليم الحمد لله
والله انا بقيت باشك فى اى عربيه تعدى منى او موتوسيكل يقرب منى خصوصا لو الطريق كان هادى شويه
ربنا يسترها معانا كلنا ومع كل عبيده
مين قال الإنفلات الأمنى اشاعة ...؟؟؟
انا كل مره باسافر بالعربيه اول ما اصول بيتنا بأحمد ربنا ان رجعت سليم الحمد لله
والله انا بقيت باشك فى اى عربيه تعدى منى او موتوسيكل يقرب منى خصوصا لو الطريق كان هادى شويه
ربنا يسترها معانا كلنا ومع كل عبيده
ربنا يسترها ...... الموضوع دة زاد عن حده
ربنا يسترها معانا جميعا يارب
انا مؤيد للكلام دة
ثم ان دلوقتي بنتمني رجوع قانون الطوارئ
لا اله الا الله
طب ماهو كان شغال
فضيلنا وراهم لحد لما لغوه
ودلوقتي بنتمني يرجع تاني
عجبت لك يا زمن
والله المستعان
،
،
آمين يارب العالمين
اللهم أرفع مقتك وغضبك عنا
ولا تسلط علينا بذنوبنا من لا يخافك ولا يرحمنا
ان مع العسر يسرا
ربنا يستر علينا جميعا
يا استاذ علواني مش ذنب (الحركات السياسية ) اللي بتتكلم عنها ان (اللي لازم البلد تفضل فوضى عشان يفضل لوجودهم ضرورة) فهموك ان (الحركات السياسية) دي عايزة تخرب البلد
ولا ذنبهم ان الناس (المستفيدين) من بقاء قانون الطواريء اللي عمره ما استخدم ولا هايستخدم ضد المجرمين فهموك ان قانون الطواريء ضروري و من غيره البلد تخرب , هما مشكلتهم انهم فاشلين و دماغاتهم متبرمجة على حماية نظام مش حماية مواطنين , و بيفهموك ان ده العادي و الطبيعي , لو اقنعوك يبقى المشكلة عندك !
ياجماعه الحكاية مش حكاية قانون طوارئ
القانون العادى كافى بس لو بيتطبق وبيتنفذ فعلاً
بصرامة وبعدل وبإحترام من السلطات التنفيذية
ولازم إحنا كشعب نحترم ونوقر هذا القانون ونلتزم بيه
حتى ولو مش معمول تفصيل على مزاجنا
طبعا السلطة التنفيذيه مقصرة فى تنفيذ القانون مفيهاش كلام
وفيهم كل العبر
بس إحنا بردو للأسف كشعب بنساهم بدور كبير فى عدم تفعيل القانون
وعدم احترامة
وبندور على الكوسة والواسطة وكل واحد شايف نفسه الفهلوى الفتك اللى بيعمل اللى متعملش
مثاااااااااال
الأخوة اللى بيصمموا على عدم الإلتزام بالقانون وبيصر على مخالفته
حتى فى الحاجات البسيطة زى الفامية أو الزينون وغيرهم كتير
وناس كتيره مفكره انها مبتأذيش حد !!!!
بحجج كتيره منها الحرية الشخصية ومنها مبيشوفش الحفر وغيره من المببرات المنطقية والمحترمة أو المببرات الواهية التى ليس لها محل من الإعراب
بيساهم بدون قصد فى هدم هذا القانون اللى المفروض اتعمل لحمايتنا كلنا
وبيساهم فى عدم احترامه
الواحد بيزعل لما بيلاقى واحد بدقن طول كده
وياسلام على الدين والأخلاق
وتلاقيه مش ملتزم بالقانون
مع ان الإلتزام به واجب شرعى ووطنى
كل واحد بياخد اللى بيعجبه وبيترك اللى مش عاجبه
الفوضى الخلاقة على رأى الحاجه كوندليزا رايس
ربنا يهدينا ويهديهم
ويسترها علينا جميعاً
أستاذ تامر
اقرأ كتب التاريخ
شوف الواقع حوالينا
أى بلد فيها صراعات سياسية ... بتضيع
شوف الدول الأفريقية اللى بقينا زيها
بلاش الدول الأفريقية
شوف العراق
ودائما البسطاء هم الضحية مش اللى بيدوروا على السلطة
علشان ينقذوا البسطاء والغلابة من الفساد !!!!
لنا الله
http://img829.imageshack.us/img829/8...2927507714.jpg
الصراع والتكالب على السلطة هو سبب خراب اى بلد
وهو سبب الانفلات الأمنى
ديه حقيقة كلنا شايفنها فى الواقع وفى كتب التاريخ
مش اختراع ولا اكتشاف
واللهي كلامك معقول يا ألواني وعاجبني 80% ، بس على فكرة مش كل أصحاب الدقون بيخالفو القانون ولا وحشين ... لكن مع الاسف مع الاسف احنا عشنا بفترة طويلة من الاعلام المصري الي بيصور للناس ان الملتحيين هما الخطر على الامة ولكن الحقيققة غير كده نهائي .
حتى انا بستغرب كان دايماً الافلام المصرية تصور شيخ الحته ... هو أول واحد بيخلع وقت الازمات ، وهو الي دايماً ينافق فتوت الحتة ، ومطلعين المشايخ بصورة مش ولا بد خالص . ويحطلك شيخ أعمى في بعض الافلام ماشي مع شلت رقاصين وطباليين ... والرقاصة عاوزة تعمل مقلب في محمد أفندي ، فتقوم تنادي على الشيخ حسونة علشان يعملها حجاب وتقولو مش كده يا شيخ حسونة يقلها كده ياست فتكات ههههههههههههههههههه ، لاحظو كل الافلام المصرية .والمسلسلات .
فضلنا فترة طويلة نتفرج على تشوية كامل للرمز الديني في بلدنا ، فجيل كامل طالع لايحترم رجال الدين ، وبالتالي طلع جيل لا يحترم دينة الذي يقدمه له رجال الدين ... وبالتالي جيل بدون دين ولا وازع ... ساعتها ينعدم الضمير والاحساس بالمسؤولية ... ومن هنا تبقى البداية الحقيقة لخراب البلد ... ويارتهم أكتفو بمهاجمة رجل الدين فحسب ... لا دخلو على المدرسين وشوية شوية دلخو على الاب والام ... فتلاقي مشهد ابن بيبستف امووو في فيلم صايع بحر ويقولك اصلها كوميدة ... ومسرحية كاملة تلاقي العيال بيبوأوو في أبوهم وبيعلمو أمهم (العيال كبرت) وغيرو كتير ، وشوية شوية دخلو في عدم أحترام الكبير وأن الراجل الكبير ده دايماً في أفلامنا ومسلسلاتنا أفكارو رجعية فلازم نتحداه ودي بقى في كل الافلالالالالالالالام والمسلسلات المصرية وحتى لحظو ... ولم يكتفو بذالك بدئو يطلعو الراجل الكبير بيطلع بدور راجل مسخرة ومبصبصاتي زي فيلم عمر وسلمى ... ومش بس كده أبتدو يطلعو أفلام عن نوعية وطبقة في المجتمع زي فيلم حين ميسرة كأنو بيقولك ياعالم ياناس بصو شوفو المجتمع المصري (ونخلي العالم العربي يتفرج على حاجة تشرف مصر ) ويقولك لا اصل دي شريحة ولازم نسلط الضوء ياسلالالالالالام خلاص ياخويا سلطة الضوء ... طيب سلطة الضوء على حاجة عدلة مش حاجة وسخة لأنها مش هتتعالج قد ماهي هتنتشر .
وعاوز تسلط الضوء سلط ياخوي بس كمان وانتا بتسلط الضوء على نموذج وسخ في المجتمع بين كده أن المجتمع كده بيشمئز من الي بيغلط والناس قرفانة منو ... مش تسلطو على اساس انو محبوب ، وتخلي الناس تحب النموذج الوسخ في المجتمع .
وفي الاخر يقلك هو المجتمع حصلو ايه ولا الناس جرالها ايه ياربي ... الابن يقتل ابووووه والاب يقتل عيالو والزوج يقتل مراتو ، ومش عاوزو يقتلهم ليييييييييييييه اذا كل يوم بيطلع مليون مره اعلان سرحان ونفسية ، ويشغل دماغك وعقلك في الجريمة ، يعني بيعلمك انك أزاي تبقى قاتل محترف .ومتغلطش زي سرحان الي مش عارف يقتل نفيسة ... ويقولك حودثة السرقة زادت والسطو زاد ... ومش عاوزوو يزيد لييييييييه أذا كل يوم بتتفرج على المفتش كلوبووا الي بيشغل وينشط عقلك ازاي تتعلم فنون السرقة ومين الي سرق ؟ أعلان ورى أعلان ورى أعلان وفي النهاية مش عاوز تشوف حوادث سرقة ونهب وسطو وتثبيت وقتل ... في ظل خلاص لا بأه في وازع ولا دين ولا أحترام لا لصغير ولا لكبير ولا لرجل الدين .... وعليه العوض ومنو العوض في البلد وزغرطي يا أم أحمد ... وأسف على الاطالة وتحياتي .
ميدو باشا طبعا التعميم خطأ تماماً
انا مقولتش ان كلهم كده !!!!
أنت دخلتنا فى سكة تانية خالص
أنا لا أقصد الإساءة الى الملتزمين دينا والعياذ بالله ... بس مطلوب منهم انهم يكونوا قدوة لينا فى كل شيئ
زى ما بيلتزموا بالمظهر مطلوب كمان الإهتمام بالجوهر
وميفصلوش حاجه عن التانية
بزعل لما بلاقى واحد المفروض انه قدوة بيستهتر بالقانون زى غيره
ومبيلتزمش بيه علشان مش على مزاجوا
اللى أقصده يا أخوانا من الجميع
الإلتزام بالقانون احترامه فى الكبيرة والصغيره
مش اخد جزء واطنش جزء
سواء كنت رئيس جمهورية أو فراش فى مدرسة
سواء كنت مسنود وشغال فى الشرطة والجيش والمخابرات أو عاطل حتى
سواء كنت ملتزم دينيا أو شاب روش طحن
لإن ببساطه لو لم نحترمه يبقى الفوضى والعك اللى احنا عايشين فيها مش هتخلص
أحد مصابى الثورة ... يتزعم عصابة لسرقة السيارات
http://www.alwafd.org/images/news/248650836qq1206.jpg
كتب - محمد صلاح
تمكنت الأجهزة الأمنية بوزارة الداخلية من ضبط سارقى سيارة نقل بالإكراه على الطريق الدولى الساحلى بالإسكندرية ، بينهما مصاب من مصابى الثورة.
تم القبض على المتهمين بعد تبادل إطلاق النيران مع الشرطة وتولت النيابة التحقيق.
تلقى اللواء أحمد جمال الدين مساعد وزير الداخلية للأمن العام بلاغآ بأنه خلال قيام السيارة النقل بمقطورة رقم س ى أ 8291 مصر والمحملة ب2 كونتينر مواد مركزات الكوكاكولا القادمة من ميناء الدخيلة متجهة إلى مدينة نصر فجر أمس ، وخلال سير السيارة بطريق وادى القمر بدائرة قسم شرطة الدخيلة اعترضتها سيارتين إحداهما نصف نقل والأخرى ملاكى وبهما خمسة أشخاص قاموا بالتعدى على التباع والسائق وتوثيقهما بالحبال وتعصيب أعينهما والاستيلاء على هواتفهما المحمولة واقتيادهما كرهاً بواسطة السيارة نصف النقل إلى الطريق الدولى المتجه إلى رشيد حيث تم إلقاؤهما بالطريق العام والاستيلاء على السيارة النقل بالمقطورة بحمولتها.
وعقب قيام سائق السيارة النقل بالإبلاغ عن الواقعة لأحد زملائه الذى أبلغ قوات الشرطة المكلفة بتأمين الطرق والمنافذ قامت على الفور بتحريك الدوريات والأطواف الأمنية المعينة بالطرق السريعة لتطويق ورصد ومسح هذه الطرق حتى تمكنت من العثور على السيارة بالمقطورة وقامت بمطاردتها على طريق المحور بالإسكندرية، وحال ذلك قام مستقلى السيارة المقطورة بإطلاق الأعيرة الخرطوشية بكثافة على قوات الشرطة التى تطاردهما حيث بادلتهما القوات إطلاق النيران إلى أن تمكنت من استيقاف السيارة وضبطها عند الكيلو 21 عقب سقوط الكونتينر من أعلى المقطورة .
وتمكنت القوات من ضبط سيد . ع . م . ت51 سنة سائق وسبق اتهامه فى قضيتى شروع فى سرقة وعبدالفتاح . ن . ع 27 سنة سمكرى ، وعثر معه على أوراق تفيد أنه من مصابى ثورة 25 يناير بنسبة عجز 50% بإحدى عينيه، وسبق له صرف مبلغ 20 ألف جنيه وضبط معه فرد خرطوش استخدمه فى إطلاق الأعيرة النارية على قوات الشرطة خلال المطاردة.
اقرأ المقال الأصلي علي بوابة الوفد الاليكترونية الوفد - مصاب ثورة يتزعم عصابة سرقة سيارات
جزااااااااااااااك الله كل خير
البلد اصبح حالها لا يسر ابدا
ربنا يستر
ملثمون يحملون الرشاشات يهاجمون سيارة أبو الفتوح على الطريق الدائري.. ونقل مرشح الرئاسة للمستشفى
http://www.google.com.eg/imgres?q=%D...w=1152&bih=674http://www.el-balad.com/upload/photo...2o/528.jpg?q=1
البهنساوي: أبو الفتوح أصيب بارتجاج بالمخ.. وأبلغنا الشرطة لكنها لم تتحرك
كتب- حسام المغربي وعلي خالد:
قال علي البهنساوي المستشار الإعلامي لحملة دعم عبد المنعم أبو الفتوح إن 3 مسلحين ملثمين هاجموا المرشح للرئاسة على الطريق الدائري مساء اليوم مما أدى إلى إصابته, مضيفا أن أبو الفتوح في طريقه للمستشفى حاليا.
وأضاف البهنساوي خلال مداخلة هاتفية مع الاعلامي يسري فودة ببرنامج “اخر كلام”أن ثلاثة ملثمين يحملون الأسلحة الرشاشة ويركبون سيارة ماتسوبيشي لانسر هاجموا أبو الفتوح وهو داخل سيارته ماركة “4*4 لاند كلوزر” واعترضوا طريقها وأجبروا السائق علي التوقف واعتدوا علي السائق بالضرب ، وحين نزل ابو الفتوح وحاول الدفاع عن سائقه تعرض لضربه على مؤخرة رأسه بسلاح آلي أفقدته الوعي في الحال، مضيفا أن الجناة قاموا بالاستيلاء على السيارة ولاذوا بالهرب.
وأفاد بأن أبو الفتوح أصيب باشتباه في ارتجاج بالمخ، مشيرا إلى أنه لم يصل للمستشفى وأن أعضاء الحملة مازالوا يبحثون عن أقرب مستشفي.
وأوضح البهنساوي أن الدكتور أبو الفتوح تعرض لهذا الحادث في الساعة الحادية عشر مساءاً ،مؤكدا علي أن المسلحين استولوا علي السيارة فقط ولم يقوموا بتفتيشه أو أخذ أي متعلقات مثل الهواتف المحمولة أو الـ”أيباد” أو الحاسب الشخصي ، مضيفاً أنه لم يستطيع أحد التقاط أرقام السيارة التي هاجمت أبو الفتوح.
وقال إن أحد أعضاء حملة أبو الفتوح المصاحبين له قام بإبلاغ الأجهزة الأمنية ولكن لم يحدث أي تحرك أمني حتى الآن.
البلد دى مش هتتلم الا لما يطبق شرع الله ---احنا خلاص مش عيزين حاجة من امريكا والا من اى دولة لازمنعتمدوا على نفسنا زى ايران والصين وهما اللى هيتزللولنا ساعتها علشان نعدى مراكبهم من قناة السويس
قبل الثوره كانت الحكومه مصورة للشعب ان الشرطه تقدر تجيب اى جاني فى ساعة زمن وامن الدوله يقدر يعرف الحدث قبل ما صاحبو يفكر فيه بأسبوع
ده كان عامل للشرطه هاله وهميه وتضخيم كبير فضلو يبثوه فى المصريين مش لسنوات بل لعقود
وكانت الشرطه قايمه بجزء كبير فى شغلها على العصافير او المرشدين الى بيكونو اساسا مجرمين
لكن بيستخدموهم لما تحصل حادثه كبيره او حادثه لحد مهم عشان يعرفو الفاعل
بالاضافه الى ان صغار المجرمين وضعاف النفوس الى ممكن يتحولو لمجرمين كان بيخافو يعملو حاجه خوفا من الشرطه الى تقدر تسوي الهوايل
حصلت الثوره وانكشف المستور وبانت الشرطه على حقيقتها اعداد قليله وامكانيات اقل
طبيعي ان ده يحصل من المجرمين الى اعتبرو ان دي فرصتهم التى لن تتكر
بالاضافه الى ضعاف النفوس وبعض الصنايعيه الى لقو ان الاجرام بيكسب أكتر
الى يقول ان الشرطه تقدر تسيطر على الى بيحصل ده يبقى بيغالط نفسه لان عدد المجرمين اضعاف عدد الشرطه واداوتهم اقوي واحدث سواء عربات او سلاح
نسبة الشرطه بالنسبة للشعب فى مصر نسبة قليله جدا ومحدش يقول الامن المركزي لان عسكري الامن المركزي مش شرطي ده مجند بيقضى فترة خدمته العسكري واغلبهم ممعاهمش دبلوم حتى يعنى غير مؤهل للتعامل مع اى حدث
1- لازم يزودو اعداد الشرطه " خصوصا رتبة العسكري " يرجعوها تاني لانها تقريبا شبه انقرضت
2- يرجعو الكموستابل " شرطى الموتوسيكل " وخصوصا على الطرق للحد من الاستهتار سواء الرعونه والغرز او مشي النقل فى الوسط و الشمال
3- يحاول يوفرو معدات أكتر سواء موتسيكلات او عربات للدوريات المتحركه ويوفرولهم قمصان واقيه للرصاص عشان يقدرو يشتبكو بقلب جامد شوية
حسب معلوماتى ان قناة السويس قناة ملاحة دوليه ومن حق مصر انها تقدر قيمة الرسوم فقط ومش من حقها تمنع مرور سفن تجاره دوليه
فى موضوع تاني يوجع البطن ان اسرائيل اتعاقدت خلاص مع شركه اوروبيه لعمل شريط سكه حديد يربط بين البحر الابيض والبحر الاحمر
ايه الى يخلى اسرائيل تدفع مليارات فى مشروع لما يخلص هتكون تكلفة استخدامه هتكون كبيره جدا
فى حين ان تكلفة استخدام قناة السويس بالنسبه للسفن يعتبر اقل من النص فى حالة استخدام خط اسرائيل
حسبي الله ونعم الوكيل انا شوفت بردك صور لعربية لانسر بومه متخرمه باالرصاص علي طريق المريوطيه بس سبحان من نجا السواق من الموت
ماشاء الله على مصر
عربيتين فى الشارع انضربوا بالرصاص
http://www.nilemotors.net/Nile/279383-a.html
عليه العوض ومنه العوض
حسبنا الله ونعم الوكيل
مين قال ان الانفلات إشاعة
الحاجات دي بتحصل كل يوم .. وفي كل مكان
أخرها من شوية
واحد داخل عليا راسه مفتوحة .. ووشه غرقان دم
عيال وقفوه..وأخدوا منه الموتوسيكل بتاعه..وضربوه
ومش بعيد عن الصيدلية .. يدبوك 100 متر بعيد عني
فين يا دوك اذا كان الفتره الي فاتت طريق الزقازيق لحد اخر ديرب نجم في هدوء تام
انا سهران يوميا في الزقازيق وبكمل في اول ديرب مفيش اي حاجه بتحصل
محصلش غير ضرب نار من شهر كان قريب من المستشفي العام بتاع عربية السلاح الي كانت جايه من الصعيد ودي اخر حاجه حلصت
والشرطة مستمرة في ظبط مخالفات الفاميه!!!!!!!!!
ربنا يسترها علينا