طيب ما ده دليل إن القاشقاي ممتازة
عرض للطباعة
حضرتك محدش قال إن السبورتاج عربية وحشة , بس السوق المصري ده بذات ليه معايير مختلفة عن بقيت العالم :) بدليل إن فيه عربيات كتير ممتازة ومش واخدة حقها في مصر بدون الدخول في تفاصيل زي audi ,alfa romeo ,volvo ,ford
يعني مثلا هنا الناس بيفرق معاها قوي الفتيس الاوتو وده كان نقطة مهمة في صالح السبورتاج
لكن في rating ده هم بيبصوا على حاجات غير الاحنا بنبص عليها خالص يعني التقفيل و ال interior design و كفائة نظام الفرامل و كفائة نظام التعليق و درجات الامان ...الخ , يعني مش هيفرق معاه دي اوتو ولا مانوال بدام أدائها كويس ومش هيفرق معاه توكلها كويس ولا وحش
ده غير كمان إن العربيات اللي بتنزلنا بتبقى غالبا اقل في الكماليات من اللي بيختبروها يعني ممكن تبقى مواتير تانية خالص
معدش فيه حاجة اسمها كوري والكلام ده , hyundai و kia دلوقتي من أحسن الشركة على مستوى العالم
بنسبة للفرق
sportage
شكلها عصري أكتر
موتور أقوى
تابلوه اشيك (ده رأيي ,ممكن حضرتك يكون ليك رأي تاني :) )
انتشار أكبر
qashqai
كماليات أكتر مقارنة بنفس الفئة في اللي سبورتاج
تعتبر مزيج بين الياباني والأوروبي
value for money أعلى من السبورتاج
توفر قطع غير الموتور أكتر لانها بنفس متر التيدا
ال overprice اللي على السبورتاج و الاستلام بعد 3-6 شهور ده برده مش في صالحها
أنا مش عارف القشقاي نازلة بانهي فتيس (ده نقطة مهمة برده )
القاشقاى الاتوماتيك نازله بموتور cvt
و بالاضافه للكلام للمقارنه من مزايا القاشقاى انها بتمشى ببنزين ٩٢ لكن الاسبورتيج فى التلات فئات محتاجه بنزين ٩٥ ( و ان كان بعض المالكين بيحطوا ٩٢ بس الله اعلم تاثيره ايه على المدى الطويل).
فى نقطه مهمه كمان و هى من وجهه نظر السعر فالقاشقاى الاتوماتيك سعرها زى الفئه الاولى من السبورتيج مع الفارق فى الكماليات وده يخللى المنافسة فى الرينج ده محسومه للقاشقاى و كمان هى ممكن تدخل فى منافسه مع الفئه التانيه اللى ب ١٨٦ و لسه عليها اوفربرايس كبير يخللى القاشقاى ممكن تتفوق على اسبورتيج الفئه التانيه او على الاقل تتعادل معاها اما بالنسبة للفئه التالته من السبورتيج اللى هى الهاى لاين فدى طبعا مع نفسها و ما ينفعش نقارن القاشقاى بيها اساسا و الفرق فى السعر ٣٥ الف بدون الأوفر برايس كمان
الملخص فى المقارنه:-
١- رينج السعر اقل من ١٨٠ الف : القاشقاى اتوماتيك افضل اختيار لانها اعلى كما ليأت من الاسبورتيج الفئه الاولى بالاضافه انها بنزين ٩٢ و كمان توكيلها ممتاز
٢- فى الرينج من ١٨٠ الى ١٩٠ الف: هناك منافسه بين الاتنين و مزايا القاشقاى السعر الاقل ب ١١ الف و اللى ممكن يوصل ل ٢٥ الف مستريح بالاوفربرايس بالاضافه للبنزين ٩٢ و التوكيل برضه بينما الاسبورتيج تتميز بالموتور الاقوى( و ان كان ده برضه مرتبط بوزن العربيه و العزم )و كمان كمالياتها اكتر
٣- فوق ال ١٩٠ طبعا السبورتيج فيه لوحدها بالهاى لاين اللى مش ناقصها حاجه لكن السعر وهمى ٢١٠ الف بدون اوفر برايس و ده يدخلها فى منافسه مع حاجات تانيه فى نفس رينج السعر غير القاشقاى طبعا
يا جماعة القشقاى افضل بكتيير كفاية انها يابانى و تقفيل انجليزى ..انا مش مقتنع بان الكورى ممكن يتساوى باليبانى دا كلام مش موجود غير عندنا فى مصر لكن لو بصيت فى الخليج هتلاقى الكورى نادر جدا مقارنة باليبانى ..غير كده القشقاى توكيل افضل بكتييير و سعر اوفر و صفقة على بعضها كده رابحة و مافيهاش اى استغلال
[أنا أعتقد ان ميل البرنامج للنيسان القاشقاي طبيعي ( البرنامج انجليزي .. والعربية تقفيل انجليزي )
انا اعتقد ان المقارنة صعبة لأن القاشقاي مانيوال ... والسبورتاج اوتوماتيك
بالنسبة لي .... كيا طبعا
هو ببساطه مشكلة اي سيارة مش ان الماتور يبقى اكبر من الماتور... يعني عمرها ما بتتقاس كده
لكن في عوامل كتير.. زي الامان ... الخامات الداخليه والخارجيه... الاداء في المنحنيات وغيره... اداء ورد فعل العفشه... وبعدين سيبك من الكتالوجات.. طب ما السيراتو 124 حصان... والمازدا 105 حصان... بس انا حضرت كذا مره شد وكيك داون بالاتنين... المازدا بتخرج منها عادي جدا... يبقى الموضوع مش اللي مكتوب... المهم الفعلي...وانت عارف بقى الحصان الياباني غير الكوري... اصل اليابني بياكلوه كويس ههههههههههههههه